Ask @elsaidm997:

احكي 📖

✨_Nonna_✨
مفيش فكرة بيتقفل عليها الباب خوفًا من صداها إلا وبتكسر الباب وتطلع لأن الأفكار مابتتحبسش الأفكار بتتخلق عشان يتم مناقشتها مهما كانت مفزعة ودخيلة على ثقافتك، هات الفكرة وحطها ع الترابيزة واتكلم فيها وإلا هتدوس عليك وتشق طريقها في عقول الناس سواء بالاعتدال أو بالتطرف، لحد ما تثبتلك ان انت اللى اتسجنت مش هى.
طفل واحد يتعرض للتحرش أو لأى اعتداء جنسي من شخص فى أسرته أو من مدرس في مدرسته - و دي قصص سمعناها كتير- كان يكفي انه يكون قضية بتتبناها الأجهزة المعنية في الدولة وينتج عنها حملات توعية للأطفال في البيوت والمدارس والنوادي ودور العبادة عشان يتعلموا من خلالها حقوقهم في أجسامهم ويتشرح لهم بالتفصيل شكل اللمسة اللي نواياها سيئة وكيفية التصدي ليها في حال حدوثها وأهمية التبليغ عن مرتكب الفعل ده مهما كانت درجة قرابة الطفل بيه، و كل ما طفل يبلغ نطمنه ونجيبله حقه ونحتفي بشجاعته ونفتخر بيه قصاد زمايله اللي احتمال يكون فيهم واحد بيتعرض لنفس الأذى ومستخبي وعايش مع معاناته النفسية، عشان وقتها يلاقي نموذج حي يقتدي بيه، ونبقى وفرناله بيئة صحية تطلّع منه الكلكيعة دي بدل ما يكبر بيها ويفرقع في وشنا.
بنت واحدة تتعرض للإبتزاز الجنسي والمساومة والتهديدات اللي بتحطم حياتها وبتوصلها للانتحار أحيانًا كانت كافية عشان يبقى فيه جهة مختصة للتعامل بحزم مع النوع ده من القضايا، بس ازاي تقنع بنت ان فيه مكان تقدر تلجأله يجيب لها حقها وهي اصلا واثقة ان اللي هيسمع شكوتها ده هيشوفها شرموطة قبل ما هيشوف المعتدي عليها مجرم؟!
كفاية طرمخة بقى عشان عيب والله عيب نبقى معرصين واحنا مش عارفين كده.

View more

💫To someone 💫

فاكره اول خناقه بين امك و ابوكي سمعتي فيها شتايم أفقدتك الأمل فى المثاليه ؟ اول قلم نزل على وش امك قدامك عشان حاجه ماتستاهلش ؟ أول فستان متعلق فـ فاترينه زقوكي من قدامه عشان الحاله ماتسمحش ف ابتسمتي له و مشيتى ؟ اول مره دخلتي اوضتك و عيطي بـ حُرقه لما اكتشفتي انك بتحسدي صاحبتك على أسرتها المستقره و انك بتتمني ربع الاحتواء و الاهتمام اللى واخداه من اهلها ؟؟
المواقف دى ساهمت فـ تكوين شخصيتك فـ حين ان أول بوسه و أول مسكة ايد فـ ثانوى ساهموا فـ تكوين شخصيات بنات تانيه المواقف دى خلقت جواكي جانب مظلم بتتعاملي مع العالم دلوقتى من خلاله على فكره انتى مش ضحية مجتمع ذكورى بيتعامل مع البنت على إنها مزراب بلكونه تتجمع فيه الميا عشان يطرطش ع الشارع زى ما أقنعوكى انتي ضحية اللحظات اللى ماكنش ليكي فيها رد فعل جدير بـ إنه يغير مسار المشهد من جواكي عارفه انك مشوهه و بتقحمي نفسك فـ دايرة الأسوياء عشان تسرقي الضحكه من وسطهم لكن الونس الحقيقي بتحسي بيه و انتي مع الناس اللى مروا بـ نفس مأساتك.
بس خليني أقولك على حاجه رغم كل الترسبات اللى بتخفي ملامح روحك انتى أجمل بكتير من بنات كل مشاكلهم فـ الحياه بتتلخص فـ إختيار رسمة التاتوه و مكانه الأنسب ع الجسم او البحث عن لون المانيكير اللى هيمشي مع لون الجزمه الجديده صمودك ده فـ حد ذاته استثنائي كل حاجه اتحرمتي منها هتتحول مع الوقت لـ رغبه فـ عطاء نفس الحاجه لكل المحرومين منها ومفيش حاجه ممكن تميز بنت قد العطاء يمكن الظروف مساعدتكيش تكونى شخصيه عظيمه و مؤثره بس صدقيني ماحدش هيجيب للعالم ده عظماء غيركو يمكن كمان الإعداد الإلهى المُحكم يقتضي ان بطل حدوتك يتأخر شويه بس تخيلي ان حتى الانتظار ده هيصب فـ مصلحة شخص كل انجازاته فى الحياه سببها انك هتكونى أمه فرحتك بـ نجاح ذريتك هيتترجم لـ طاقة عفو و محبه هتشمل كل الناس و أولهم اللى اتسببوا فـ تعاستك انتي الأجمل على الإطلاق خليكي واثقه انك فـ يوم مـ الأيام هتكونى تاج فوق راس الجميع .⁦♥️⁩

View more

-

بـوجى ✌.
انا مش بفتح بمزاجى وبقفل بمزاجى انا من ٢٠ يوم عملت عملية الزايده والحمد لله انى واقف ع رجلى بشكر كل الناس اللى وقفت معايا وبشكر اخويا الچون اللى كان معايا طول الوقت وبشكر الناس اللى دعتلى اما الناس اللى مسالتش عليا اسمايهم كلها مكتوبه ف ورقه وهنتقم منهم ف اقرب فرصة ، وربنا يتمم شفائى ع خير ومايكتبها ع حد ابدا.!

View more

Next