الصداع مبقاش صديق وفيّ ، الصداع بقى صاحب بيت لدرجة لما باخدله برشام بيقول: الله ملبس؟ طب والله انت راجل عسلية، ما تكمل جميلك بقى وأعملنا خربوش شاي.
صحيح مش منطقي نزايد على بعض في قصة مين بيحب الصيف ومين بيحب الشتا لأن البشر مختلفين وتفضيلاتهم مختلفة بس هي الفكرة مش في حبك للصيف.. الفكرة في إظهارك لمشاعرك دي قدامي وانا عرقان وصهد الحياة تاعبني.. كأني بتخانق ومفشوخ ضرب وانت جيت لقيتني متعور فسألت مين اللي عمل فيه كده قالولك ده الفنان أحمد العوضي فا سيبتني مرمي ع الأرض وروحت تتصور معاه! طب راعي حالتي وخبي مشاعرك المختلة لحد ما تيجي عربية إسعاف مكيفة تاخدني ماتبقاش عبيط و زنخ.!
الله يمسّيها بالخير كنت كل ما أجيبلها هديه تسألني بكام دى زمانها دلوقتى فارشه بيهم ف العتبة وقاعده تبيعهم.
+ 1 💬 message
read all
سؤال يا شباب بعد إذنكم ، هل فيه حد قدر يلعب مع طفل حديث الولادة بدون ما يستعير صوت مسرسع يلاعبه بيه؟ لأنى حاولت ألعب مع بنت أختي واكلمها بصوتى الطبيعي ماحسيتش ان الموقف منطقى خالص كان ناقص اسألها عاملة ايه في الشغل فطبعا اضطريت أسرسع وتحياتى لكوتي كوتي يا خلاثو والصحبة الكريمة.
+ 6 💬 messages
read all
أحدهم بلا سبب: ايه يا بوجى محدش بقى بيشوفك ليه؟
أمي بلا هدف: أصله مقيم في مستشفى الأمراض العقلية ومبيجلناش غير أجازات كل ما الدكتور يكتبله خروج.. دعواتك يعقل ويخف بقى.
- هتعدي يا آنسة
- هي ايه دي اللي هتعدي؟ وانت عرفت ازاي أصلا؟ مين اللي باعتك، بوجى صح؟ روح قوله خلاص كان فيه وخلص وبعتنا نجيب غيره ومعملناش حسابك، متخليش العشم ياخدك علشان هيتوهك عالفاضي ومش هتوصل، باب الرجوع خلاص قفلناه ورمينا المفتاح ومبندورش عليه، وإن اللي بينا خلاص مات ومعملنالوش جنازة ولا خدنا فيه العزا
- يا آنسة انا مال أمي بكل ده انتى واقفة في نص الطريق هتعدي ولا أدوس عليكى أساويكى بالأسفلت وأخلصك م العنكبوت اللي معشش ف دماغك ده؟!
We will Never forget
We will NEVER stop sharing
Free Palestine.!!
+ 1 💬 message
read all
الحمد لله.. لقد كان عامًا مليئًا بإشارات منك يا الله، أنقذتني بها من ضررٍ تعلمُه ولا أعلمه.
لقد كان عامًا مليئًا بكرمك وسترك وفضلك الدائم عليَّ، أكرمتني فيه فلك الحمد، وسترتني فلك الحمد، ورزقتني فلك الحمد، وعافيتني فلك الحمد.
لك الحمد حبًا وشكرًا، ولك الحمد يومًا وعمرًا، ولك الحمد دائمًا وأبدًا.
لك الحمد حتى ترضى، ولك الحمد إذا رضيت، ولك الحمد بعد الرضا، ولك الحمد على كل حال يا الله.
موضوع تاريخ ميلادى دايمًا كان مسببلى أزمة علشان انا مش عارف اتولدت امتى.. كل ما أسأل أبويا يقولى معرفش انا كنت مسافر، وكل ما اسأل أمي تقولى مش فاكرة، طب مسجلتونيش لما اتولدت ليه؟ تقولي مكانش حد فاضيلك
فضلت أضغط عليها تفتكر، علشان من حق أي بني آدم يعرف تاريخ ميلاده الحقيقي لحد ما قالتلي: انت عامل دوشة ليه؟ ما تحمد ربنا إننا طلعنالك شهادة ميلاد، ده احنا اكتشفنا إنك إنسان بالصدفة أصلًا.!
+ 1 💬 message
read all
لوچى بنت اختى عملت أول مشروع بيزنس ف حياتها ، باعت السندوتشات بتاعتها لزمايلها ف الحضانة. 👏👏
+ 1 💬 message
read all
