فيه أيام الواحد مينفعش يتساب فيها لوحده، الوحدة في أوقات الضعف بتغيَّر جوه صاحبها كتير أوي تجاه الناس، بتخليه يشوف معظم اللي حواليه بُعاد جدًا عنه، القُرب مش كلام حلو، ولا فيه حاجة تعوض افتقاد الأمان، كفاية إحساس الإنسان إنه مكنش يستحق يتساب لوحده في الوقت ده
الظروف ما سابتش حد فينا ما غيرتهوش؛ كُلنا إتغيرنا، أولوياتنا إتغيرت، مفاهيمنا إتغيرت إسلوبنا إتغير، دعواتنا إتغيرت حتى مقامات الناس في حياتنا إتغيرت. الكام سنة اللي فاتو دول تكفلو بتغيير كُل حاجة في حياتنا لغاية ما وصلنا للنُسخة اللي إحنا عليها دلوقتي واللي مع الوقت هتتغير برضو