@elzahraaeid

هندسة غرناطة

Ask @elzahraaeid

Sort by:

LatestTop

انا ركنت باخد مع حضرتك وانا في تالته plc وحاليا انا في رابعه وخلصت امتحانات امبارح وحاسه بفراغ كبير جدا من النهارده حاسه خلاص مبقاش ليا لازمه في الحياه مش عارفه اعمل ايه مع اني ورايا حجات كتير جدا بروجكت التخرج وبروجكت اللي بعملها مع نفسها بس الشعور دا مسيطر عليا هعمل ايه وهروح فين وخايفه حتي ابدا

أكيد الأولوية الآن لإنهاء مشروع التخرج ومناقشته - ركزي

+ 1 💬 message

read all

عايزة آخد 6 شهور بعد التخرج .. أتخبط فيهم وأدرس لغات برمجة مختلفة وأشوف الداتا بيز و os والحاجات الأساسية دي بس معرفش دي فكرة سليمة ولا أركز على التراك إللي اختارته .. بس عايزة أهتم بكل حاجة ويبقا عندي أساسيات .. أبقا مهندسة مش صنايعية زي ما حضرتك بتوصينا دايماً .. ممكن نصح حضرتك ❤️

تركزي على الأساسيات قبل ما تركزي علي مجال لكن بخطة مش بتخبيط
بالتوفيق

Related users

ليه بنتخرج مبنعرفش نكتب برامج ونعمل مشاريع رغم إننا بندرس ونتدرب ونحاول؟

عشان لو حصل واتدربتوا بيكون علي التكويد
Coding
مش البرمجة
Programming
ايه الفرق؟ دوري بنفسك
أما فشل مشاريع التخرج فبيكون عشان معودتوش نفسكم علي مشاريع برمجة صغيرة فلما بيكون مطلوب مشروع كبير (نسبيا) هتعملوه مرة واحدة ازاي؟

معندناش طاقة نشتغل

لو أنتي في صحراء ومش عارفة تمشي في أي اتجاه هتفضلي تمشي في كل ناحية شوية وتتعبي وبعدين مخك يقول أنا بعمل كده ليه أنا معنديش طاقة وهموت في مكاني
لو في نفس الموقف معاكي بوصلة وعارفة إنك هتمشي ١٠٠ كيلومتر في اتجاه معين لكن هتوصلي بعدها- هل ساعتها هتقولي معنديش طاقة ولا هتحاولي تمشي لعلك توصلي؟
معنديش طاقة = مش عارفة الطريق
اعرفي الاتجاه الصح هتلاقي الطاقة طلعت

السلام عليكم ي دكتور هل صح اني اترجم الpdf بتاع المحاضره صفحه صفحه علي جوجل عشان مش فاهماه ؟؟

وضع مأساوي 😵‍💫
حوالي تقرأي فيه والنت متوافر وتكوني فاهمة الموضوع عشان متبقاش صعوبة لغة وصعوبة فهم في وقت واحد
وكل ما تقف كلمة ترجميها واقرأي الجملة تاني
عشان تبدأي تكتسبي اللغة وإلا في الأخر هتضطري "تبصمجي" عشان تنجحي

+ 5 💬 messages

read all

فى رابعة نظم السنادى ، من اول ما دخلت الكلية و انا بذاكر كويس و بحضر كل المحاضرات و يلخص مع نفسى و بذاكر جدا و صدقا بتعب ، بس مش بلاقى تقديرات خالص ، الحمد لله ربنا اكيد مش بيضيع السعي بس نفسى بتصعب عليا لمابشوف تقديرات زميلي إلى بحضر زيهم واحيانا اكتر منهم و انا مش عارفةاجيب تقديرات حلوة💔الغلط فيا؟

هتزعلي لو قلتلك الغلط فيكي؟
انتي بتوصفي مذاكرة سنوي مش هندسة
(١) محتاجة تتعلمي ازاي تتعلمي (ندوة ازاي أتعلم)
(٢) محتاجة تعرفي إن التقدير مش زي مجموع الثانوية كمقياس للتحصيل (ندوة ازاي أتخرج مش مهندسة)
ده مش معناه إنك متسعيش إنك تجيبي تقدير
لكن معناه إن التقدير لو هو الهدف فقط فسواء فيه تقدير أو لا مش هيكون فيه دماغ مهندس ولا شغل متاح
هل ينفع نضيع خمس سنين عشان ورقة تتعلق علي الحيط؟

+ 5 💬 messages

read all

دخلت كلية مكنتش حباها (هندسة) .. دخلت قسم مكنتش حباه (نظم) .. قعدت متخبطة كتير وشاغلة نفسي بحاجات تانية .. تصالحت مع الكلية .. بدأت أهتم .. حبيتها .. أدركت قيمتها وقيمة المهندس القوي الأمين .. عرفت إن دا مكاني .. بدأت أشتغل على نفسي وأتغير للأفضل .. ولو رجع بيا الزمن وخيروني هختار هندسة مش طب

عرفت فالزم
❤️❤️❤️❤️

دكتور لو سمحتي أنا متاح ليا أخد كورس من كورسيرا مجانا بالكامل من غير ماأطلب دعم ومن اختياري فإيه الكورس الل حضرتك ترشحهولي

أنا متاح ليا أخذ فستان مجانا من أي محل، ايه الفستان اللي هترشحيهولي؟

طبعا مش هتعرفي عشان مشوفتينيش قبل كده ومتعرفيش أنا بلبس ازاي وكمان متعرفيش أنا بدور علي فستان للبيت ولا سهرة ولا خروج ولا أفراح ولا للقعدات العائلية.

نفس الكلام هرشحلك كورس ازاي وأنا معنديش أي معلومة عنك مش بس المعلومات الكافية للتحديد 😁😎

+ 3 💬 messages

read all

بقالى سنتين تقريبا فاقدة الهمة و العزيمة كدا انى تطور من نفسى و اكون احسن و حقيقى مش عارفة ازاى ارجع تانى و يكون عندى نشاط و همة انى انجز و اتعلم و اكون احسن ،مبقتش حتى اتطلع لما التخرج ممكن اعمل ايه ، حضرتك ممكن تعطيني نصيحة ؟و أنا هحاول فعلا اعمل بيها بإذن الله

١. فتشي عن السبب عشان تعرفي تعالجيه
٢. أعيدي التفكير في ايه هدفك؟ ليه بتدرسي؟ عاوزة تعملي ايه في حياتك؟ هتستغلي الدراسة ازاي في تحقيق هدفك؟ الإجابات لازم تكون دقيقة جدا مش حاجات عايمة أو شعارات رنانة.
٣. احضري ندوة ازاي أتعلم بتتكلم في الموضوع ده

بالتوفيق إن شاء الله

السلام عليكم ي دكتور 💙 ازاي بنقدم في iti بعد التخرج ؟

بندور على موقع المنحة ومجموعات الفيسبوك المتعلقة ونشوف فيديوهات نصايح ونحط خطة بناء علي مستوانا وأهدافنا المعقولة ونطبقها لكن أبداً مبنسألش هندسة غرناطة عشان هتقولنا ابحثوا بنفسكم

سؤال من فضل حضرتك من أول ما أقرر بعد إعدادي إني هدخل قسم نظم ايه المطلوب مني أبدأ فيه وأركز عليه عشان مضيعش سنين من عمري تايهة وبجلد ذاتي ومتخبطة ولو كنت وصلت في نص المشوار سنة تانية وتالتة نظم إيه المطلوب مني وقتها أتداركه عشان مكملش السنين الباقية في الكلية بنفس الضياع مسابقة سؤال في الصميم

ayaabouzaid070940’s Profile Photoآية أبوزيد
لو بتركزي خلال أوقات الدراسة على استيعاب وتطبيق مواد الكلية والتفاعل في مشاريع جماعية
وفي الإجازة على إتقان البرمجة وتطبيقاتها في المجالات المختلفة
فقط لا غير
تتخرجي باشمهندسة بجد

+ 1 💬 message

read all

حد اشتغل قبل كده من upwork محتاجه اعرف شويه تفاصيل

شوفي كورسات مهارة تك في Freelancing

https://maharatech.gov.eg/course/index.php?categoryid=3

عندهم كورس عن أساسيات الفريلانسنج، وكورسات مخصوصة عن مستقل وخمسات وأب-ورك
متتخضيش من كلمة كورسات، هنا بيفهموكي الدنيا مش أكتر

Next

Language: English