Ask @em_eljuoj:

_🖤

Mothana||مُـثـنـى
صرلي عايشة بهالدنيا 26 سنة💃🏻💃🏻عمري ما شفت بعيني قصة حب أو شخصين بحبو بعض وفعلاً مهتمين ببعض وعيونهم بتلمع لما يجيبو سيرة الشخص اللي بحبوه ،لقبل يومين بس...
الحب في مجتمعنا يتيم ومقيد والرسمية بتغلفه للأسف!
عيلتي واعمامي واخوالي وخالاتي وعماتي جميعهم زواجاتهم ناجحة والاحترام والمودة موجودين بس لمعة الحب مش موجودة،،،حتى بالجيل الجديد في احترام ومعزة اكتر من الحب 😅
حاولت اسأل وين بروح الحب حكو بصير شكل تاني مثل ثقة ،احترام، مودة اهتمام،بس هو نفسو بس موجود بالروايات والافلام😓
اقتنعت بالاشي لان هاد الغالب وفعلًا تيقنت انو ما في حب بشعور هالكلمة!
بس قبل يومين كنت عم بحكي مع زميل بالشغل "مش عربي "وبحكيلي انو عرسي السبت! ل لحظة حسيت بفرحة وانو الف مبارك بس شو بتساوي ليش مش مأخذ الاجازة ، حكالي محتاج مصاري الأيام هاي وبعدها بلش يحكي كيف هو متحمس للفصل الجديد بحياته وانو كتير مبسوط وهو بيحكي عيونه بتلمع وأيديه بيرجفو ووجهو احمر بس بتحس بالفرحة جواته ❤️بتحس بالحب 🥰سالتو كل اشي جاهز ؟ حكى البدلة جاهزة والكلمة بحفظ فيها بس كتير خايف ينساها بس متحمس ! وبعدها صار يحكي انو اخد حصة رقص هو وخطيبته لحتى يوصلو الحب ع أنغام الموسيقى بس هوخايف كتير يدعس ع رجلها أو فستانها ...
وانو مش مصدق انو حيرقص معها قدام كل هالناس❤️كان بيحكي وهو فرحان كتير وعيونو بيبرقو حب🥰🥰
بعدها سالتو الليموزين جاهزة ؟ حكالي لا لان بتكلف وانا وهي تكفلنا بكل المصاريف وما حد ساعدنا من اهلنا ! يا الله شو حبيت واحترمتهم 👌🏻
حكيتلو المهم الحب الموجود بينكم وباقي الأشياء كماليات...
هون حسيت قديه حلو لما كل اشي يكون مشترك قديه الحمل بكون اخف ع الشب المسكين ، حلو لما تتشارك مع اللي بتحبو وما تحس الاشي واجب عليك وبتبلش تكره الجيزة والحب وتوابعا😅
كان مبسوط ومتوتر وبس بدو يحاول يحكي ليخفف التوتر 💃🏻💃🏻بعدها صفن وحكى احزري شو ؟اعملتلها مفاجأة صغيرة لان قررنا نعمل شهر العسل بعد الكريسمس وهو انو نروح ع
، Virgin Islands
نفسها نروح عليها من زمان وكتير متحمس لما تعرف...
كان بحكي وهو كتير فرحان ومبسوط وعيونو بيلمعو،كنت حاسس بالحب لأول مرة بحياتي....بيني وبين حالي بحكي وأخيرا الحب موجود بالحقيقة واللي بيحكي عنو شب مش بنت....كتير فرحتو كانت حلوة❤️الله يهنيهم ويسعدهم يارب 🤗
هو قبل كان حاكيلنا عن اللحظة الي اشترى فيها الخاتم وطلبها للخطبة! كان يستغل اي ثانية انو يتواصل معها وبعدها بكون فرحان ومليان طاقة بتحس بينشر الحب بالمكان!
بحب الطريقة الي بعبرو فيها عن الحب بدون خجل أو انو اشي كتير علينا....الله يسعدهم ويهنيهم ويضل الحب مليان ....
هالموقف اقنعني انو في حب بس في شخص صح بنحبو وفي شخص بنعزو وبنحترمو وبنختار نكمل حياتنا معاه حتى لو ما بنحبو وعيونا ما بتلمع وقلبنا ما بدق لما يكون حدنا....

View more

لَ لَطافة حَكيكْ.. 💛🍒

فَيَّحْاء الحَديَّدي
حتى أن مُقتنيات أُمي تُشبه قلبها ، هاتفها لا تنفذ بطاريته مهما استهلكته وانهكته ، حقيبتها لا ينضب خيرها ، تأكل و تشرب و تتدواى منها ، معطفها قادر على أن يُدفيء شتاء لندن ، يداها تُجيد الطبخ ، وخياطة ثوبي ، وحملي ، و إصلاح الآشياء ك قلبي💛!

View more

Next