بعيدا عن الهزار انا لو روحت لدكتور نفسي يبقي انا مجنونه؟؟؟!
لا طبعا ،،،المرض النفسي زي زيه العضوي يا حبيبتي ويمكن اهم كمان الناس بس هي اللي مش فاهمه ده ،بس لو محتاجه تروحي لدكتور نفسي متتردديش لحظه ولا تفكري في كلام اي حد فكري انك عاوزة تبقي احسن وان شاء الله هو هيقدر يساعدك جدا
هوا احنا لو فركشنا وطالب الدبله والخاتم لازم ارجعهومله ولا ده حقي
بصي انا معرفش الصح ايه بس شايفه ان دي حاجته وحقه ياخدها حتي لو مطلبهمش
حد نحس بالامان معاه ،منبقاش محتاجين نفكر في الكلام قبل ما نقوله لاننا عارفين ان الطرف التاني عمره ما هيفهمنا غلط ،حد نقدر نبقي في اعقل حالاتنا معاه وفي نفس الوقت الجنان بيحلي في وجودة ،حد ما نهونش عليه ولا يهون علينا .وده بقي في اي علاقه في حياتنا سواء علاقه باهل باصحاب بجيران وحتي بشريك حياتنا
اجابات مش واضحه وهيزهقوا ويسكتوا ناوي علي ايه الفترة الجايه ؟يا مسهل مش هنفرح بيك قريب؟نقول يارب كنت مختفي فين الفترة الاخيرة ؟كان ورايا حبه حاجات كدة الحمد لله عدت مش ناوي علي (اي حاجه في الدنيا) ؟ادعيلي انا محتاج دعوة من قلبك السكر ده وخلاص مرة علي مرة هيحسوا انك مش حابب ترد او هيفقدوا الشغف ومتبقاش احرجتهم
١١ رمضان 🌙
"اللهُم شيئًا لطيفًا ، مُفاجئ غير مُخطط له ، يأتي من دون توقع ، شيء جميل مُفتقد ، يكسر الروتين المُهلك ، و يُبعد الغمة ، شيئًا يُفرح القلب .."
رمضان دايما بيجي في اكتر وقت فاقدين فيه الطاقه وكانه رحمه من ربنا لقلوبنا صوت المساجد في التروايح ،الناس في الشارع فاتحه موبايلاتها وبتقرا قران ،اي خناقه بتخلص باللهم اني صايم والناس تمشي الدنيا ،شهر بياخدنا من حياتنا ومشاكلنا وهمومنا لمعيه الله كدة ورحمته ولو بتمني حاجه من ربنا فاتمني اطلع منه مجبورة الخاطر وراضيه باي حاجه حصلت او هتحصل ♥️
جماعة ممكن تردوا بجد ...انا لو بحب هل كدا بعمل حاجة غلط مع العلم انا مش بكلمه ولا هو يعرف اني بحبه.هو احساس الحب مش اكتر. بس شوفت بوست بنت بتقول انها بتحب حد وحد رد في الكومنتات قالها ربنا هيحرق قلبك بالحب ده عشان حرام ..انا قلبي وجعني اوي لما قريتها وهل ميصحش اني ادعي ربنا يجمعني بيه علي سنة الله ؟
ايه ده ،لا طبعا الحب مش حرام قلوبنا اصلا مش بايدينا علشان نتحكم فيها تحب مين وتكره مين بس كل اللي نقدر نعمله انك تعملي كنترول علي قلبك زي ما انتي عامله كدة ومتتبعيش خطوات الشيطان في انكم تتكلموا من وراء الاهل اللي هو بدايه الطريق ،،دعوتك انه يكون من نصيبك دي حاجه حلوة ودليل علي حبك ليه فعلا بس نصيحه بلاش تعلقي قلبك اكتر بالدعوة باسمه طول الوقت علشان لو ربنا مارادش يجمعكم والنصيب كان ليه راي تاني هتتعبي اووي وانتي بتحاولي تنسي الدعوة اللي اتعلقتي بيها شهور صدقيني فادعي ربنا يكتبلك الخير ❤️وربنا يجمعكم ويراضي قلبك لو خير ليكم انتوا الاتنين❤️