يا جماعه هو عادي الراجل ياخد فلوس من اللي مرتبط بيها ؟
هو الخطوبه بعد كام شهر يعني والاهل عارفين أن فيه كلام وكده
ولا مش عاادي ومينفعش يطلب منها فلوس
هو بيقول أننا واحد وعادي ياخد فلوس مني
هو ده الصح ولا ايه مش فاهمه ؟؟
هحاول افترض حسن النيه وانك لسه صغيرة هو في كم عك في السؤال مش طبيعيه لا ينفع يبقي في كلام من غير ارتباط ولا ينفع ياخد منك فلوس طبعا ولا ينفع يتقال عليه راجل بعد اللي بيعمله ده بكلمك بامانه يعني
الله يعرف تعبك.. يعرف عن الكلمات القاسية التي حطمت قلبك ولم تخبر أحد بها.. يعرف عن حزنك حين تخلى عنك أشخاص تمنيت استمرارهم معك للأبد.. ويعرف عن تنهيدات خذلانك من أشخاص ظننت أنهم سند لك.. الله يعرف عن أحلامك التي تحطمت فجأة بلا سبب ❤️
ورد 💐
اي حاجه بدأت فيها في حياتي كنت خايفه في الاول .خوف من المجهول بقي خوف من الفشل خوف من اني مكنش قد المسئوليه وهكذا بس في الاخر بسيبها علي ربنا وببقي متاكدة انه هيكتب الخير وفجأة بلاقي حاجه حصلت تغير ترتيب المشهد كله مش هقول بطمني بس بتحسسني ان ليه لا ما احاول وسبحان الله عمري ما خوفت من حاجه الا واما بدأت فيها لقيت اللي يشجعني من اول حاجات صغيرة بقي زي انترفيو في أسرة ..امتحان ...موقف معين كدة يعني وفعلا ربنا عمره ما هيحطك في مكان غير لو انك قده ❤
انا الاول كنت بلبس اللي انا عايزاه ومابفكرش في ايه لايق وايه لا انا طولي 160 ووزني 45 تقريبا بس بقيت بسمع من ناس كتير اني لازم اتخن بالرغم اني معنديش مشكلة في جسمي بس من كتر كلامهم نفسيتي تعبت وبقيت بلبس واسع عشان محدش يقعد يتكلم على جسمي لو حد مر بنفس الموقف ده يقوللي اتصرف ازاي عشان اكتأبت
هو الأول بعيدا عن كلام الناس انتي وزنك مضايقك ولا لا لو اه فممكن تتابعي مع حد تغذيه وهتوصلي باذن الله لنتيجه ترضيكي لو لا يبقي رد بسيط علي اي حد يضايقك انا عجباني نفسي كدة ..بصي انا اتعرضت لحاجه شبه كدة زمان بس العكس كان الكل بتريق عليا علشان اخس ونفسيتي كانت في الأرض وحاولت بكل الطرق اللي كانت علي قد سني وقتها يعني ومنها اللي ضرني جدا طبعا وبعد ما خسيت بقيت اسمع العكس ايه ده انتي مش هتتخني بس الفرق اني دلوقتي بقيت اقدر اقول اني مادام راضيه عن شكلي فخلاص محدش ليه عندي حاجه كدة كدة مش هترضيهم اللبس الواسع حلو علشان ده الافضل عموما ..بس نفسيتك اتعلمي تقولي محدش ليه دعوة بس بالذوق والأدب مرة علي مرة هيزهقوا ويتكلموا في حاجه تانيه .