ي جماعه زميلى مهتم بيا اوى وبيغير عليا وكل الناس لحظت ده فهل معجب واديله اشاره ولا هو حنين بطبيعته عادى ولا بيعاملنى كاخته الصغيره ،بعامله كزميل اكبر بحدود واحترام
اي حاجه متقالتش واضحه اعملي نفسك مش شيفاها وهو لو عاوز يقول حاجه هيقولها
مالهم بتوع تربيه يعني مش فاهمه فين المشكله ممكن عادي
هيراضينا والله🥺♥️
يارب
هل الحب كافي لتاسيس زواج ناجح؟ وهل فعلا راي اهلنا بيكون صح اغلب الوقت بمعني لو بنحب شخص بس هما شايفينه مناسب بس اهله لا مش مناسبين دا سبب كافي للرفض وانه هل فعلا الراجل بيتطبع بطبع اهله؟ وهل لو وقفت ضدد اهلي عشان اختار ال بحبه برغم انه خذلني اكتر من مره قبل كدا فهل ممكن يخذلني تاني؟ يا ريت تفيدوني
الحب لوحده كافي او لا فلا ،بس اكيد هو عامل مهم بردو في حاجات كتير ممكن تهون وتعدي لو في حب بين الطرفين اكيد ،بس الفكرة خزلك كذا مرة دي اللي يتحط تحتها ميه خط علي حسب عمل ايه واللي عمله ده غصب عنه ولا هو طبعه كده يبقي مش هيتغير ،الاهل ليهم تاثير اه بس حسب شخصيه الزوج نفسه بيسمح بالتدخل في حياته ولا فاصل بيته عن اهله ومش بيتاثر بكلام اللي حواليه,فانتي محتاجه تقعدي مع اهلك تفهمي منهم سبب الرفض ايه وتحاولي تقنعيهم بالعكس او هم يقنعوكي وفي نفس الوقت هو يحاول بقي يثبتلهم انه قد الثقه هتتعبوا شويه بس ان شاء الله توصلوا للخير ليكم انتوا الاتنين .
لما بتحس انك تقيل ع حد بتعمل ايه ؟
ببعد
لو حد طلب منك نصيحه ف حاجه انت عملتها وكانت غلط هتنصحه ولا هتخليه يعيش التجربه زيك🤔
هنصحه اكيد
عسى الله أن يمسح على قلوبنا قلبًا قلبًا وينفخ في أرواحنا من لدُنه الطمأنينة ويعطينا لحدّ الرضا والغنى والعزة عسى الله أن يقوّينا بثبات اليقين كلما واجهتنا عاصفة هوجاء عسى الله أن يدخل العافية والسرور إلى منازلنا وقلوبنا وديار أحبابنا♥️
❤️❤️
لو خطيبك عرض عليكى تلغوا السفرة و تعملوا بدالها مكتبه كتب و كرسين قرآة هتوافقى 🤔
لو هيحط فيها روايات موافقه😂
الرياضه بتظبط المود ؟
اه
اخد اي مع الورد وانا رايح اتقدم؟
جاتوه او شكولاته عادي
﴿وجاءتهُ البشرى﴾
يارب شعور هذه الآية لنا جميعًا .
يااارب❤️
هل حصل واتخذلت من حد وثقت فيه اوي ؟
للاسف اه
"سيأتي بها الله وإن تأخرت إنّ الله على كُل شيء قدير."
💙🥹
مودك اي دلوقتي
بحاول ابقي كويسه
السلام عليكم انا خلصت تالتة بشري الحمدلله وداخلة رابعة اهو انا لحد دلوقت ف كل ثانية ف حياتي حاسة ان الموضوع كبير عليا واني مش هبقي شاطرة وف كل لحظة والله بقول انا ايه ال جابني هنا بلس مش عارفة ازاي هعرف اتعامل مع مرضي بالذات لاني خجولة جدا وبتكسف وصوتي واطي ومن الاخر رقيقة ف نفسي خالص فانا خايفة 🥺
بصي يا قمر الخوف طبيعي وكلنا كده عاوزة اقولك كلها كام شهر واخلص ساته ولسه حاسه ان المكان كبير عليا بس ربنا اكيد حطنا هنا لحكمه ♥️ومع التدريب اصلا شخصيتك نفسها هتتغير انا يمكن منزلتش الاستقبال كتير بس يمكن كل مرة كنت برجع في حاجه مختلفه شوفت موقف قدام عيني كبرني خمس سنين وانا واقفه ،شوفت حد من الدكاترة اتصرف في موقف اتعلمت منه واما ابقي مكانها في يوم من الايام هحاول علي قد ما اقدر اتصرف زيها ،فمتقلقيش كل ما تعدي سنه في الكليه هتلاقي شخصيتك بتتغير وبتنضج اكتر
د/لو انا معجب بإنسانه مفيش سابق معرفه او علاقه ينفع عادي الواحد يقابل والدها سواء يوافق او يرفض ونقطع الشك والإنتظار باليقين ولا فيه مشكله؟
فين المشكله ،ما هو مفيش سابق معرفه حضرتك مستني علي امل جايبه منين 🤷🏼♀️
هتخلصي إمتحانات امتي بإذن الله
اخر ١٢ ان شاء الله
"قيمتك عند الشخص تعرفها من محاولاته التي يبذلها من أجلك، وليس من كلامه."
👏
بابا متوفي من 8شهور وفرح اختي بعد شهر لظروف شغل خطيبها ياخدها ويسافر بعد شهر. دلوقت انا مش مستوعبه فراق بابا اصلا وقلبي وجعني وف نفس الوقت نفسي افرح باختي والبس فستان واتصور معاها بس حزن جوايا وع طول بلبس اسود ولما غيرت لون الطرحه لقيت واحده اتكلمت وتقول لونتو ليه انا لو لبست فستان كده الكل هيتكلم
ملكيش دعوة بكلام الناس،الناس كده كده هتتكلم ،اعملي اللي يفرحك وافرحي وفرحي اختك باباكي الله يرحمه لو كان موجود كان هيحب يشوفكم اسعد ناس في الدنيا ،والغالي يا بنتي مبيتنسيش لو بعد ٥٠ سنه بيفضل حزننا في قلوبنا وبنكمل علشان للاسف الدنيا ما بتقفش علي فراق حبايبنا ،ربنا يرحم باباكي يارب ويصبرك♥️