أنا زعلان ، بس مش الزعل اللي بعياط لأ ، .. أنا زعلان الزعل الهادي، البارد ، اللي ميخلكش تتوقع إن شخص زيي بيضحك في وشك طول النهار يكون عنده مشاكل!! ,, أنا زعلان الزعل إللي يخليني أواجه أغلب مشاكلي بـ النوم ، اللي يخليني أعمل كل الحاجات إللي بحبها بس من غير شغف ، وأنا مش حاسس بأي حاجة....💔
انا نفسي زعلت وانا بقرأ الكيو دا والله ربنا يجبر قلبك💜
- ماتزعلش علّي ميكملش ويمشي ويسيبك يجوز وجوده كان خساره مش مكسب وربنا نجاك .. ماتزعلش على شغل كويس كان جايلك وراح منك ، يجوز جدا مكانش كويس وربنا بِعدك عنُه ..
- ماتزعلش على عِشرة السنين لما تكتشف انها ولا حاجه عند أقرب الناس ليك ، يجوز ربنا بيوريك اختياراتك الغلط عشان تِتعلم تختار صح...💙🌸
فكرة انك قدمت كل حاجة جواك لحد م بقيت فاضي..حقيقي بجد فاضي... مش قادر تحس ولا تستوعب، لا عارف تفرح ولا تزعل، مش قادر تدي اي إشارة لأي موقف.. ولا انت قادر تشرح ولا اللي حواليك قادرين يفهموا.