أنا مختمره وجوزي أول م اشتغل ف الغردقه بقى يتريق ع هدومي ويقولي البنات بتلبس كذا وكذا وعايزني اقلع الخمار والبس زيهم اسمع كلامه ولا اسيبه ولا أعمل اي 💔
اكيد متسمعيش كلامه طالما لابساه عن اقتناع يبقى لا طاعة لمخلوق فى معصيه الخالق .. واعتقد هو كان متجوزك مختمره لو مش عاجبه م الاول مكنش اتجوزك ولا ايه انا حقيقى بستغرب م الناس دى اللى هو انت ازاى طالقين قرونكم علينا كده يا جدعان مش بتتكسفوا ! لا حول ولا قوه الا بالله ربنا يهدى الجميع ويصلح الحال
هل المفروض ام العريس هى اللى تنقى الشبكة للعروسة، وتقولها ع اختياراتها بلاش ده وبلاش ده وخدى ده والبنات بتعدى الموقف وابنها بيكون ساكت بدون اى تعليق، ولا يقولها سبيها تنقى براحتها، او كده، وهل ده مقبول ولا مؤشر مش كويس م اولها كده، والبنت ووالدتها يتصرفوا ازاى ف موقف زى ده؟!، مع العلم اننا مش ارياف.