أنت عارف وفاهم كويس أوي إن الحدوتة خلصت ..... قافش فيها ليه ؟ عشان مش عجباك النهاية ، مش عجباك القفلة ، عايز نهاية على مزاجك فبتحاول تنفخ في آربه مخرومة على أمل توصل لنهاية على هواك ...... وعلى الرغم إنك عارف إن مجهودك ده كله رايح عالفاضي لانه فعلا وبجد وبحق وحقيقي الحدوتة خلصت ، أنت متمسك بيها على أمل ال ١٪ إن نهاية الأحداث تبقى زي ما أنت حابب تكون ! لسه فيك سذاجة الأطفال اللي عايزين اللعبة دلوقتي ، اللي عايزين الدنيا تمشي على هواهم ، الفرق بس إن انت ماعدتش طفل وإنك فاهم ان الدنيا مش بتمشي كده وان النهايات مؤلمة وعمرها ما كانت على هوانا !
الشيطان قبل الذنب له وظيفتين وبعده له وظيفتين قبل الذنب يصغر لك الذنب ويكبر لك رحمة ربنا وبعد الذنب يكبر لك الذنب ويصغر رحمة ربنا عشان تيأس... اياك ان تقنط من رحمة ربك! وجاهد نفسك إنك متعملش الذنب ده وان غلبتك نفسك مره فستغفر وتوب ومتيأسش من رحمة ربنا.
خلي حُزنك لنفسك ، شيلُه جواك متقولهوش لحد مهما تعبت او حصلك ايه متقولش هييجي اللي يتفه من حزنك وهييجي اللي يستغل حزنك ف انه يضايقك وهييجي اللي يشمت فيك حاول تنسى وهوّن على نفسك ولا هتلاقي حد هينفعك ، ولا هتلاقي حد يساعدك مهما كانت غلاوتك عند اي شخص فالنهاية كل واحد بيبص لنفسة💘
ابو الطفل الي بيحب بسنت ده بنسبة لي ومع الاسف ومع كامل احترامي بيستغل ابنه في افعال لا بتليق بسنه ولا بكونه طفل، اعتقد انه حابب يعمل شئ مشابه لأبو كنان وريتان لو تفتكروهم ممكن ده كمان يكون نوع من انواع استغلال للاطفال بس ع الاقل بيطرق مواضيع مناسبه لسنهم وبتعرض خفة دمهم بدون اهانة لا ليهم ولا تلقين واضح بالشكل ده، عارفة اني كبرت الموضوع بس ليه طفل مكملش عشر سنين يتكلم عن الغيرة والامراض وانا هشيلك في عيني ويابت اصل وفصل والواد التاني مش شاريكي انا الي شاريكي ! مستحيل دي تكون طريقة كلام طفل واضح جدا انه ملقن وحافظ الكلام ، انا شيفاه تلويث لعقلية الطفل وتسخيف من الحب الي بنتولد بيه الي عرفناه من واحنا صغيرين اه بس مش بالشكل المريب ده عشان كدا عتابي ولومي دايما علي اي اب وام غير اهلين انهم يكونوا آباء وامهات ومش مقدرين مدي خطورة مسؤولية زي دي وبيخلفوا وخلاص لا وكمان بيستخدموا اولادهم لمصالح شخصية .. وشكرا
الخذلان والجرح بيحولها لامراة خائفة تتوقع الخذلان من الجميع لا تؤمن بحب صادق رغم احتياجها لذلك وده بيخليها تقسو علي كل محب اراد ان يقترب وتظل هي الخاسرة في كل الاحوال
كل ما افتكر رد فعل كان مش مناسب مني أو تصرفات غلط أكرر الجملة دى: "تصرفت حينها على قدر معرفتي .. الآن معرفتي أفضل سأتصرف بشكلٍ أفضل." بتفرق معايا جدًا أني أتقبل نفسي بكل غلطاتها و أكون فخورة أني بنضج كل فترة و بقيت أقدر أشوف الأمور على حقيقتها. كُن رحيم بنفسك .. ❤
من الطف الحاجات اللي شوفتها انهارده :" كانوا راجعين من الجامعه وهي كنت تعبانه جدا نمت من غير ما تفكر ف اي حاجه) صحبتها طول طريق المترو بتطبطب عليها وكل ما حد يجي جانبهم تقولهم براحه علشان هي تعبانه ،، خوفها عليها وقلق اللي كان ف عينها إن حد يقلق صحبتها كان حاجه لطيفه وكيوت ، وتعبير وشها وهي نائمه مطمنه ولا كأنها ف البيت مش وسط مترو وعشروميت بشر لا كنت نايمه وكأنها ف ملجأ . الدنيا لسه بخير وف صحاب لو الدنيا كلها خذلتك هما موجودين سند و وطن وملجأ 🤍🌸 .. اللهم صحبة صالحة، تشد على قلوبنا، ترشدنا وتعيننا للإستقامة، صحبة تأخذ بأيدينا حتى الظلال الوارفة، حتى القصور الفارهة، حتى الجنّة ورؤيتك🤍💚