@esraadiab5

Esraa Diab

Ask @esraadiab5

Sort by:

LatestTop

جلدية ولا عظام ل بنت 😢

جلديه مش هتستحملى العظام دى عاوزه جزار 🙂😂

ازاي ننسي اخطااء الماضي!؟

نتقبل بشريتنا و نتصالح مع كونا خطائين عادى مش معصومين ، المهم اننا نتعلم و تجربه و عدت

من المتسبب في بؤس الإنسان؟

كنت مفكره الأول أن الإنسان له عامل كبير ف بؤسه ، لكن اكتشفت انه طلع طيب و الله و عاوز يعيش بس الدنيا هى اللى جايه عليه 😂

People you may like

الواحد مضايق الناس وهو اصلا في حاله لا بيهش ولا بينش فمابالك لو هشيت ونشيت.

كدا كدا انت السئ فى روايه الجميع مش أحدهم 👍😂

+ 6 💬 messages

read all

اقول لمامتي ازاي اني محتاجة حضنها

متقوليش ، خليها قاعده كدا و روحى احضنيها وقت ماتحبى و اتدلعى عليها و خدى الموضوع بهزار لحد ما يبقى تعود بينكم عادى ، عارفه لما حد يقولك انت بتتلزقى فيا ..!
انا عاوزاكى تتلزقى فيها بقا 😂

انا بنت و طريقه كلامي هاديه شويه ..صحابي اول م اتكلم يقولولي بطلي مياصه و دلع🙃 وانا والله مش بتمايص و حقيقي تعبت نفسيا من كتر م كلامهم ..اعمل اي عشان اغير طريقة كلامي؟؟

هما صحابك لسه عارفينك من كام يوم يعنى، و لا انت اللى طريقتك اتغيرت ..!
ايا كان اتكلمى بطبيعتك ومتغيريش حاجه عشان حد ، و متديهومش فرصه يقللوا ثقتك بنفسك أو يخلوكى مش حابه طبيعتك ، المهم متتصنعيش

عايزه أتكلم مع حد ناضج ينصحني ياجماعه،بجد والله مش مجرد شاوت

باعتبار انى ناضجه و كدا ، فاتكلمى 🚶

انا النهاردا خسرت صحبتي اللي كان بيني وبينها عشرة 6 سنين ومكنش بيعدي يوم من غير ما نتكلم وجايه اقول ان خذلان الصحاب اكبر بكتير من خذلان الاحباب 💔

لعله خير ، لو فيه مجال تتعاتبوا اعملوا كدا ، 6 سنين مش فتره قليله و اكيد عندكم رصيد يشفعلكم الغلط اللى حصل ايا كان ، عموما يعنى اتمسكو ببعض بشويه و بلاش تنهوا عشره ع سبب ممكن يتصلح

‏الرسائل غير المتوقعة جميلة جدا ♥️

الطف حاجه ف الوجود و الله 💙

مع ولا ضد اني ابعد فتره صغيره عن حد عشان يحس قيمه وجودي ف حياته ؟

ضد ، و لا هيحس بقيمتك و لا نيله ، هيجى يعاتبك انك مقصر و مبتسألش ومش بعيد يمشى و يقول انك السبب عادى 🚶

الطبع بيتغير؟!

اه ، غلاب فى بعض المواقف ، لكن ف الأصل عادى بيتغير طالما انت عاوز

عندى فستان سواريه اسود بكت للاسف ايه اللى ممكن البسه غير البضى لأن البضى شكله وحش جدا فيه حل

اشترى متر قماش سواء تل ، ستان ، جوبير ، ع حسب اللى يليق مع الفستان و روحى لأى ترزى يعملك كم له ، و لو منفعش ع الأقل البسى بدى تل تحته بس مش ألطف حاجه

بحس لما باجي اتعرف عالناس مش بتعجبهم شخصيتي وبيشوفوني مملة أو عادية أو مش مميزة أو مش مهتمين يصاحبوني

طبيعى اى حد بيتعرف ع حد جديد مبيكونش واخد عليه و ف ناس مش اجتماعيه ف وارد جدا متستلطفكيش ف اول لقاء بينكم ، المهم أن انت حاولى تكونى لطيفه و متتكلميش كتير و خلاص ، و عموما يعنى محدش بقا عنده شغف يصاحب ناس جديده و يهتم و كدا فمتحطيش ف بالك

Say something.. 🖤

الانسان كل شويه الدنيا تصغر فى عينه اكتر ، و يحزن لانه مش عارف هو ماشى فى طريق صح و لا غلط و مش عارف يتغلب على نفسه و ذنوبه ازاى و هيقابل ربنا ازاى و يستعد ازاى ، و هيموت اصلا ازاى ، ع طاعه و لا معصيه ، ف حقيقى مبتمناش حاجه غير أن ربنا يحسن خاتمتى و يجعلها هينه و يكفينى شر فواجع الأقدار ..

نفسي حد يقولى انتى كويسه كسؤال يطمن عليا تعبت من كتر التظاهر انى كويسه و بواسي كل الناس لدرجه ان محدش حتى و لو مجامله يسألنى انتى كويسه

اظهرى حزنك ادام الناس القريبه منك ، من حقك انك تلاقى حد يهون عليكى و يسمعك زى مابتعملى ، و متستنيش سؤال من غير مقدمات عشان غالبا مش هتلاقى

+ 5 💬 messages

read all

اي اكتر لون هيلز يليق ع كله

ابيض و بيچ + الاسود لاااااا ، مبيلقيش ع حاجه

اللي نزل تدريب ف مجاله قبل كدا عادي يبقي في غلطات كتير اول اسبوع نزلت تدريب وحرفيا كمية غلطات رهيبة لدرجة حد منهم قالي انتي ملكيش ف الشغل الكلمة قفلتني يوم كامل هل كدا فعلت بداية مش كويسة ؟

اول مااشتغلت كنت حرفيا كتله غباء متحركه ، انا اساسا لا متعوده ع الناس و لا اعرفهم و مجروحه اسأل و هما بيعاملونى كأنى المفروض اكون فاهمه و أن دى بديهيات و كميه غلطات بقا لشهور مش اسبوع ، بس بعد شويه خلاص بتشتغلى زيهم و احسن ، متخليش حد يهز ثقتك ف نفسك و خلى ف بالك أن دا طبيعى جدا ، بس المهم تجتهدى ، و حاجه كمان لازم تعرفيها أن مفيش وقت هيجى هتحسى انك خلاص كدا بقيتى بروفيشنال ، طول ماانت ف مجالك هتفضلى تتعلمى و تقابلى حاجات متعرفيهاش

هو غلط إنى رفضت عريس لمجرد إنى مشوفتنيش فى عينه؟!

هو انت لحقتى تبصى ف عينه كمان 🙂

لو انا ضاع من حياتي سنتين يعني بدل ما اتخرج ٢٢ اتخرج ٢٤ سنة هل دا عادي ولا كدا حياتي وقفت وحتبقا اصعب اتمنى تجاوبوني 💔

مفيش حاجه اسمها ضاع من حياتى ، الناس بتتخرج ع 22 و ممكن تقعد سنين مش لاقيه شغل أو مفيش فرصه تبدأ
+ اعتبرى نفسك ف اى كليه طبيه و اتخرجتى 24 👍

والله الواحد مش عارف يسأل ازاي 😂عايزة البس خمار شرعي فاشتريت واحد لقيته متر ونص فى متر ونص وانا اصلا متر ونص 😂لقيته كبير عليه وصعب الفه فبسأل فى اقل من كدا فى الطول ولا أعمل اي والله عايزة اعرف بجد

روحى للترزى خليه يقصهولك متر و ربع ، بس لو جسمك مليان شويه هيكون صغير ، فالاحسن متر و 30 أو 35 سم كدا ، هيكون حلو و مناسب ، و متنسيش تقوليله الأطراف مدوره و لا مثلثه

فاكر/ه اول مرتب ليك كان كام😂

كان شغل بسيط كدا ب 300 و بعدين اتطورت شويه ف بقا 600 ف قلبى قوى بقا و روحت عملت بيزنس خاص 😂
كان مضحوك عليا بس كنت فرحانه بيه 💜

‏حرفيًا مفيش حاجه بتأذيني قد الكتمان و الحاجات إللي جوايا و محكتش عنها لحد .

لو عندك فرصه احكى ، عشان فجأه هتلاقى نفسك بقيتى شخص تانى انتِ متعرفهوش

+ 1 💬 message

read all

Liked by: Ahmed Galal

ازاي عرفتوا تبدائوا حياتكم بعد التخرج؟!

معنديش اجابه ..
بس اللى اكتشفته مؤخرا أن مبدأ * لما اتخرج هشوف عندى شغف ف ايه و اشتغل فيه * ، دا اكتر مبدأ فاشل شوفته فى حياتى ، طول مالانسان بيدور ع شغفه مش هيوصل، فمن وجهه نظرى أن الصح بعد التخرج خصوصا أن ادور ع اللى يجبلى فلوس عشان اعتمد ع نفسى الاول و أشيل مسئوليه ، و بعدها باذن الله ابقا اشوف فين شغفى دا لو كان لسه عندى شغف من بتاع حماس الشباب دا 😂

+ 1 💬 message

read all

Next

Language: English