Ask @esraaesoo162:

Space💜

ساعات أنت بتبقي عامل زي قطعة الـ Puzzle..
سواء في حياة شخص أو مواقف أو شغل أو مكان أو أي حاجة بتمر بيها..
الـ هو أنت بس كان دورك هنا أنك تكمل الصورة وتمشي،، أو أن الموقف يكمل،، أو كان دورك يترتب عليه أحداث تانية،، الـ هو في حاجات لازم تستوعب أنك المفروض تقلب الصفحة خلاص،، علشان أنت كنت مجرد قطعة Puzzle في الحكاية دي..
زي أنك تكون سبب في نجاح حاجة وتمشي وتسيبها ويجي غيرك يكمل عليها ويحصله خير كبير أوي وحياته كلها تتمحور حوالين الحاجة دي،، أو أنك تكون سبب في حد يتعرف على حد من صحابك ممكن يبقي شريك حياته مثلًا..
الـ هو بعد ما الأحداث بتمر كده هتيجي تبص وراك هتلاقي فعلًا أنك كنت قطعة Puzzle في حاجات كتير أوي،، وغيرك كان قطعة Puzzle ليك علي فكرة..
كان دوركم بس مجرد أن المشهد يكتمل..
والواحد لما بيقعد يفكر ويستدعي أحداث كتير مرت عليه ومواقف وأشخاص بيتعلم فعلًا أن مش كل حاجة المفروض نقف عليها،، ما هو أنا مش هوقف الـ Game كله علشان قطعة Puzzle ضاعت مني.. 🤷🏻‍♀️
مسير الشكل يكمل بيها أو بغيرها..
وده الـ بيحصل معانا بالظبط بس إستيعابنا للأحداث والمواقف بيجي متأخر جدًا،، وده أكبر حافز وأقوى سبب كفيل يخليك دايمًا تؤمن بالقدر خيره وشره علشان دايمًا بيبقي في قطعة Puzzle ضايعة منك، ،ودي بتبقي علي هيئة حكمة عند ربنا ومش عندك أنت،، ساعات بتعرف هي كانت غايبة عنك ليه،، وساعات ما بتعرفهاش،، فأسلم حل،، أن كل حاجة بتحصلك تفوض أمرك لربنا وتتوكل بجوارحك عليه،، علشان عالم الغيب عنده دايمًا حكمة هي غايبة عنك بس بتبقي دايمًا خير.. 🖤
#ESs..

View more

وَأَوْحَيْنَا إِلَىٰ أُمِّ مُوسَىٰ أَنْ أَرْضِعِيهِ ۖ فَإِذَا خِفْتِ عَلَيْهِ فَأَلْقِيهِ فِي الْيَمِّ وَلَا تَخَافِي وَلَا تَحْزَنِي ۖ إِنَّا رَادُّوهُ إِلَيْكِ وَجَاعِلُوهُ مِنَ الْمُرْسَلِينَ

💜💜💜💜💜💜💜💜💜💜💜💜💜💜💜

View more

+1 answer in: “A special gift you wanna to get 🌺?”

_🌻

مولاي..
جئنا إلي بابك..
نتمسح في رحماتك..
نتوسل لجنابك..
طالبين غفرانك..
هلَّا رفعتُ بلائنا ،،وجبرتُ قلوبنا،، ونظرتُ لضعفنا،، فرحمت نفوسنا،، وعليت قدرنا..
مولاي..
قلبٌ خائفٌ منك،، آملٌ فيك،، خاضعٌ لك،، يتوسلُ إليك،،
قائلٌ لك..
يا مُغيثٌ أغثنا..
#ESs..

View more

(◠‿◕) sραcє (◠‿◕)

Mahmoud Abd El moneam
الواحد بيستغرب أوي الناس الـ تيجي تقولك يا بختك أنتي بتتعاملي مع ناس حلوة..
دماغي ساعتها بتقعد مش مستوعبة الجملة كده لدقايق
ويت كده يا جماعة!
ناس حلوة!!!!
بيبقوا قصدهم علي الشكل،، وأنهم بالفعل حلوين جدًا شكلًا ( في نظر ناس كتير او الأغلبية يعني)..
ومع أن المواقف دي بقابلها كتير جدًا بجد، ،تيجي واحدة متخلفة بصراحة أو واحد متخلف مش هتفرق كتير 😂 ويجوا يقولولي البنت الـ كنتِ بتتكلمي معاها دي حلوة جدًا أو الولد ده حلو جدًا يا بختك..
والله الجملة بتتقالي كده بالنص فعلًا ومن ناس كتير الـ هو فعلاً أنا ممكن بكون بتعامل مع ناس حلوة شكلًا بس هما ناس زبالة جدًا عادي يعني 😂
والله الواحد عارف أن الشكل ليه عامل في البداية كده ،،بس فعلاً ببقي نفسي أجيب الشخص الـ بيقولي يبختك، ،وأخليه يتعامل مع الناس دي 5 دقايق بس وساعتها هيقول فعلًا ربنا يعينك 😂✔️
ده مش معناه أن الناس كلها كده استحالة،، بس بجد نفسي يترسخ في ذهن الناس أن الشكل ده مش عامل إطلااااااااااقًا بجد،، وإنما هو القبول وبس أيًا يكن بقي..
إنما لما بشوف حد بيفرق بين حد والتاني علشان شكله او حابب ده علشان شكله أو بيحسد ده علشان شكله بشمئز بجد جوايا كده من تفكير الشخص ده..
وسبحان الله الأيام قادرة فعلًا أنها تعيد موازين كل حاجة من جديد..

View more

Space

الحياة دوشة كبيرة..
لو معندكش ركن هادي تأوي ليه كل لما الحياة تيجي عليك،، هتتعب ودوشة الحياة هتاخدك في دوامة ملهاش أول من آخر..
توهانك مش عيب..
بس أنك تستسلم وتعيش تايه ده أكبر عيب..
مش عارفة أزاي تقدر تعدي يوم من غير ما تمسك مصحفك تقرأ صفحتين بس علي الأقل..
ده لو العالم كله تآمر عليك والدنيا خبطت معاك جامد،، الصفحتين دول كفيلين جدًا أن قلبك يرتوي بيهم ،، ويبقوا بطارية روحك وشغفك طول اليوم..
أحنا مش في جنة فعلًا،، فكل شيء وارد..
#ESs..

View more

Next