الكلام الحلو بيفرق جداً ، بيغير مود الشخص اللي قدامك حتى لو كان كلام بسيط ، بيحسسو بقيمته وبيخلي ثقته في نفسه تزيد ، اهتموا بالكلام الحلو حتى لو بكلمه لما تلاقي اللي قدامك بيسألك عن رأيك ف لبس أو في اي حاجه قوله حلو وهيبقي أحلي لو ضفت كذا ملوش داعي ل كسرة النفس وتقول ال ف قلبي على لساني لان دا غشم .
السنه دي أول سنه أبقي مستنيه يوم عرفة كدا ، أكتشفت أن كل ما الواحد بيكبر وينضج علاقته بربنا بتبقي مختلفه عن السنه اللي قبلها ، بيحس أنها اهم من أي حاجه وبيستني يوم زي ده علشان يلجأ فيه لربنا وهو كله يقين إن ربنا مش هيخذله وإنه هو اللي قادر ع كل شئ وكل م الواحد بيكبر ويحصله مشاكل ويلجأ للناس علشان تساعده عمره م هيلاقي حد فاهمه وحاسس بيه وهيساعده غير ربنا ، أتمني إن ربنا يجبر بخاطر كل حد محتاج لجبر الخاطر وأتمني الخير والسعادة لكل الناس وهبقي ممتنه جدا لأي حد يدعيلي بضهر الغيب ف اليوم ده ، اللهم مع قرب يوم عرفه ... اللهم أرني عجائب صنعك في دعائي ... وأرني لطفك ورحمتك في قضاء حوائجي ... وأرني كرمك وقدرتك في ما تعلق به قلبي♥