ممكن تقولولى رأيكم .. ف واحد متقدملى بس كان متجوز قبل كده وطلق بس يعتبر اتظلم ف جوازته هو كويس جدا بس المشكلة ف موضوع انه كان متجوز ده فمش عارفة اقبل عادى ولا زى رأى الناس انك ايه ال يجبرك تاخدى حد كان متجوز قبل كده وبيجيلك الافضل بس انا مش ضامنه شخصيات الناس التانية وتعاملهم معايا هيكون ايه
لا عادي خالص ممكن تكون سعادتك مع هذا الشخص دون غيره
الطلاق لا يعيب الولد او البنت
محدش عارف الظروف و الملابسات
لو الولد كويس ما تضيعوه منك علشان كلام فاضي
دا اللي هو زي الايفون لازم تشتريه بكرتونه !
الناس عندها حق، اصل الرجاله مخلصتش عشان توافقي علي حد يعتبر كان عنده دنيا تانيه كدا قبل م يعرفك
استني وان شاء الله ربنا يكرمك بحد كويس وتعيشوا التفاصيل الصغيره ال قبل الجواز دي لانه هيفرق لو كان متجوز قبل كدا وعايز كل حاجه بسرعه وخلاص
صلي استخاره
الناس رأيهم مهم اها، بس لما يكون رأى ينفع يتاخد بيه
الشخص اللى طلق من دائما العيب منه، ممكن ما يكنش اتوفق فى اختياره فراح لابغض الحلال
المهم انت ، اعرفى اسباب طلاقه من غير ما تقولى اتظلم بناء عن احساسك لان احساسك غلك، اسائلى واعرفى واتاكدى ولو اتكلم عنها وحش قصادك يبقى ما ينفعش من على بابه كدا، قبل ما تتجوزوا، ادى لاهلك فرصه يسائلوا عنه ويقعد معاهم مره واتنين وتلاته وعشره، واديلهم الحريه انهم يتحركوا وانت شوفى مقتنعه بيه ولا لا ولو اقتنعتى وقبل ده كله صلاه الاستخاره، توكلى على الله، الشخص المطلق او المطلقه ما عملوش حاجة حرام، ده حلال .. ربنا يصلح حالنا يارب العالمين
لسه الفرص قدامك كتير
انتى جاوبتى ع نفسك بس محتاجه اللى يشجعك ، شوفى اللى انتى شايفاه صح مش اللى الناس شايفاه .
لو انتى مرتحاله وافقى وسيبك من كلام الناس
هو مطلق او مطلقة دي وصمة عار !!
يبنتي اهم شئ التوافق الفكري و دراسة الشخص كويس قبل الارتباط عشان متتعبوش .
و ربنا يكتبلكم اللي فيه خير
