عادي جدا على فكرة مش كل متعلم عنده علم واسلوب ولا كل حدا مش متعلم يعني هو جاهل وقليل معرفة الأمر مش مقترن ببعضه في كثير ناس متعلمة بس ينقصها الأخلاق والأدب والفهم وطريقة الحديث والعكس صحيح وفي ناس مش متعلمة عندها الادب والاخلاق والتعامل والخبرة اللي بتخلي النقاش معهم جميل ملاحظة ما بحكي العلم مش مهم بس في أمور أهم من العلم لو نركز عليهها بتنحل مشكلة النظر للناس من هيكك منظور
بيجي ببالك مرّات تبعد عن النّاس، بتحس إنك محتاج حالك أكثر مِن حاجتك لحدا 🤍!
صح جدا
ابدئي سؤالك بـ(متى)؟؟
متى الناس بدها ترتقي وتحب الخير لغيرها متى بدهم يقنعوا بالاشي اللي ربنا أعطاهم اياه ويشيلو عينهم عن اللي عند غيرهم متى الناس بدها تتعلم تنبسط وتعيش اللحظة طيب متى الناس حابة تكون بوجه واحد تحكي بوجهك وتضحك بوجهك وتكشر بوجهك واذا زعلت تزعل وتحكيلك
- هل تختلق الاعذار وتسامح دوماً أم انك تتخذ موقف حازم وسريع مع من يخطئ بحقك ؟ // او اعتبرها مساحة ?
لا ما بتخذ موقف سريع الا اذا كان هناك اشي ما بحبه او موضوع ذايقني مثل لما يضيع حقي هون مستحيل اسكت او اسامح لكن ما تبقى بتصرف مع الناس حسب مين مكانتهم بحياتي مش كل الناس الها مكانه ومش كل الناس بتنعتب يعني اوقات في ناس سفيهة حرام الواحد يضيع وقته يحكي ويناقشهم
لو كان بين يديك ثلاثة امنيات ماذا سوف تتمنى؟
انه اشيل الحواجز بين الدول بدل م نقعد نص يوم لنوصل فلسطين نوصل بسرعة اكبر وأسهل بنضل نقول لو ولو ربنا بفرجها
في ناس تستحق منك وقت ما تعطيها من وقتك؟؟
آه في ناس بتستاهل تعطيها أهمية ووقت بيومك بس في أيام بكون الشخص نفسه مش فاضي او عنده ظروف وغيره من الأمور اللي تخلي يحس انه 24 ساعة مش كافيات بيومه ليخلص اللي عليه ويكرس وقت لغيره مشان هيك الناس او الاشخاص بتصير توخد على خاطرها وتحلل وتزعل وهالاشي اوقات صح و اوقات لا
انا عاوز نصيحة ل شخصيتي الضعيفة المترددة في القرار..
ممكن الشخص يتردد بأمور تعتبر مصيرية عادي أوك ما في مشكلة لانه اذا ما تردد بكون مش طبيعي لكن التردد المستمر بأي موقف علاجه عدم التفكير بالموضوع والتوكل على الله وإذا تطلب الاستخارة مش غلط وإذا شفت انه نصيحة من الاهل او الشخص المقرب منك ممكن تفيدك اسأل الحياة تجارب لكن بعد هاد كله تضلكم مترددين حرام بحس وقتها المشكلة بعقلكم ريحوا حالكم من التفكير الزايد الحياة كلها مش مستاهلة
مسائح راحه ؟ برأيج هل الصداقه علاقه اعظم ام الحب؟
لكل اشي موقفه ومكانته الخاصة ما في اشي افضل من الثاني ولا فينا نختار مثال بسيط لما زمان حكولنا امك او ابوك بتحب اكتر م كنا نقبل نختار ما بحط الاهل بنفس الكفة لكن للتوضيح بمعنى الحب اله مكانه الخاص في واله شخصه الخاص وغيره والصداقة الها كذلك نفس الأمور الها مواقفها الها ذكرياتها الها اشخاصها المحددين
بتحبو الأطفال؟ ?? معقول الاقي حد غيري ما بحب الأطفال ☺️?
ليش هو الاطفال بنقدر نكرهم هدول رزقة من الله بعشقهم جدًا بالعكس لازم تضلكم تشكروا ربنا على وجود اطفال بالعيلة همة اللي بعملو جو للبيت ومن دونهم بتحس ما في روح للبيت ولا حركه وغير هيك في كثير ناس بتتمناها لهالنعمة وبروحوا على بلاد وبلاد لحتى يجربوا وليكون عندهم طفل اشكروا الله دائمًا يا جماعة وآخر اشي ليش مش احنا كنا صغار قبل ما نكبر معقول بتكرهوا حالكم مثلا😂
شو سهرانين تعملو؟
بفلسطين كل اشي مسموح حتى السهر 😊
“كان يتحدث إليّ بصدق، كما لو كنّا في أحد الأفلام!” -بوكوفسكي . . مساحة✨
على هامش مدينةٍ لا تعرفكَ بما يكفي يتمشى القلق لا خطى ثابتة تدل على طريقه. لا أدلة واضحة تنبئك بنهايته، أو نهاية الطريق. لكنه يتمشى، يتمشى، مثل عجوز قضى عمره يجمع الذكريات في حصالة صغيرة ثم نسي أين أخفاها!على هامش المدينة لا يعطيك الوقت فرصة الضياع فلا شيء هنا بالمجّان. وهو الآخر يمضي مثلما تمضي هائمًا/ وحيدًا/ تائهًا/ كسُكارى آخر الليل تفتّش عن زاوية تنام فيها على تعبك. أو وجبة تأكلها بالمجان دون أن يحاسبك أحد على ثمن حماقاتك.على هامش المدينة تمارس موتك العادي، واليومي، دون أن يأبه أحد لذلك. Esra'a