بالنهاية أنا بآمن إنه كل واحد حر في حاله، وكل واحد حر كيف يحافظ على خصوصيته، ومن حقه كبني آدم طبيعي مولود عالفطرة السليمة يآمن بالعين والحسد ولو حتى ما عمل إنجاز ينحسد عليه 👍
الحسد مش بالضرورة يكون على إشي بني آدم حققه أو إنجاز، ممكن بني آدم يحسدك لأنك بتوكل أكلة معينة هو ما بوكلها،بالنهاية الحسد اشي من العقيدة والدين والمفروض إنه الجميع يآمن فيه وينشغل فيه، فعليّاً العين حق.
النوم مش حل لكل هاي المشاكل، هو بس جرعة مسكن، بعد ما الواحد يصحى حيرجع يلاقي نفس المشاكل ما انحلت.
إذن برجع ينام.. المسكنات بالعادة أو الأدوية بشكل عام إذا ضل الواحد ياخذ نفس الدوا بصير في اشي اسمه tolerance، يعني تعود بحيث إنه ببطل يستجيب معه الدوا، حله إنه يتغير الدوا أو تنزاد الجرعة، وبما إنه النوم مسكن ، و بريح فسيولوجياً وبيولوجياً وعقليا ً وكل إشي ومفش اشي كيميائي فيه ولا ممكن إنه يخذلنا، او خليني أحكي عن حالي يخذلني أنا لما ألجأله.. إذن هو الحل الأنسب لكل اشي،.