مش قصدي استفزك لكن في ناس بيستحلو لنفسهم حاجات ولما ييجي الموضوع لاهل بيتهم يحرموه،وبالنسبه لحلال وحرام ربنا قال (محصنات غير مسافحات ولا متخذات اخدان)،بتقول علاقه للجامعه اوالشغل وكده ده عادي تعامل في الحدود يسألو بعض عن حاجه او كده واسمها زمايل ومفهاش حاجه لأن لازم هتتعامل معاهم
كلامك كله صح طبعا وده تقريبا اللي بتكلم عنه الموضوع مش ابيض و اسود و الموضوع في مسميات كتير وتفاصيل كتير كلها بتفصل بينها شعرايه و برضو الشئ لما بيزيد عن حده بيتقلب ضده زي مابيتقال كل حاجه ف حدود معينه اكيد وماتزدش عن الحدود دي
انا مش بحب السؤال ده اللي هو عشان استفز واقول لاء طبعا مارضاش.. بعيدا عن حلال او حرام عش معنديش معلومه.. بس البنت ممكن ظروف الدنيا تجبرها يكون لها زمايل او اصحاب ولاد ف الشغل مثلا او ف الجامعه مشرع تخرجها مثلا او اي حاجه تخليها ليها علاقة بيهم فبتعتبرهم صاحبها او زمايلها.. ممكن مايكونش ليها اخوات ولاد فتشوف ف الولد اللي قدامها اخوها وتلجأله لما تحتاجه.. طبعا هي بتبقى واثقه منه ومن تفكيره وهو شايفها ازاي وهو كذلك واكيد ربنا اللي عالم باللي جوانا بس احنا بنحاول نستنتج ده ع اد مانقدر.. في ناس معتبره اي علاقه بين ولد وبنت لازم تبقى مش تمام ولازم يبقى بينهم حاجه وماينفعش كده..انا بتكلم وجهة نظري ووطريقه تفكيري اللي ممكن يبقو غلط عادي بس انا بفترض ان الناس تكون بتفكر زي.. وبرضو الصحوبيه اللي بتكلم عنها مش اللي جات ف بال اللي باعت السؤال ممكن 😂.. ياريت برضوا اعرف وجهة نظرك؟؟!