انا الحب عندي راحة ماهو عناد وفرض العب لوطة فوته سريب الحب فوته فوته من اولك والنية مش مزبوطة انا في غيبتك زي من برا من مرض العب غادي باعك رخيص وكل مرة في وادي انا عندي العين بالعين وانت البادي اليوم بايعك محد خير من حد
كان يامكان في تاجر يسافر من مكان لمكان وفي يوم تعب من طريق فربط حصانه وطلع طرف لحمة كان داسها باش يتغدى بيها يجي صقر ويخظفها منه التاجر زعل واضايق وقرر يلاحق الصقر الي حرمه من غداه المهم تبع الصقر الي ان وصل الي جبل عالي وركب الجبل لقى الصقر طيح طرف اللحمة من مخلبه وعطاها لبومه في الجبل التاجر قرب علي البومة باش ياخد اللحمة لقي البومة متتحركش ومخافتش منه وبعدها اكتشف انها بومة عمياء متشوفش قال سبحان الله ربي مغفلش علي بومه عمياء فوق جبل عالي وكتبلها نصيبها يجيها عن طريق الصقر
ما هي فائدة هذا الأسك؟ هل في حد استفاد منه شي والا كله دفنقي؟
فايدته التقصقيص ( التطفل علي خصوصيات الاخرين ) علي عباد ربي واحيانا في ناس تحاول تلخبط ( التعرف علي البنات ) عن طريقه * الي مابين القوسين علي اساس انها ترجمة كلامنا الليبي لخوتنا غير الليبين
ياشعر وسالف حبي يلي عليه موالف وين نشوفه نزيد نرايف ساكن في قلبي ومكنونه يامسمح قده غزالي والنقرة الي في خده حبي ليه لين واصل حده خايف من الناس يحسدونا
منبيش نطلع روحي شيخ ونقولك ان الرسول الي خير مني ومنك تزوج السيدة خديجة وهيا اكبر منه ب 15 سنة وكان فقير وهيا غنية لكن حتى بالعقل والمنطق انت لما بتتزوج بتشوف حد يعجبك وتتفاهم معاه مايهمش عمره اكبر من ولا اصغر منك انت بتتزوج مش بتشري حاجة عندها فترة صلاحية وبتفسد ....!