Ask @fatima_eid:

12:12 AM

عُمرك كنت بهالشعور واللحظات هاي ..!
إنك تفوت بيوم من الأيام على بيتكُم ، وما تقدر تسأل وين أُمي ..! إنك ترجع مِن مُقابلة وما تلاقي أبوك تحكيله " يابا لقيت وظيفة " ، إنك بعد عشرة عُمر ، أنتَ وأخوك نومك على نفس الفراش ما تلاقي أخوك بلمح البَصر ..!
إنك تتعلق بصاحب ويكسر قلبك وتجازف وروحك تطلع بدونه ..!!! تحارب حالك وقلبك يتعب لحد الموت بس عشان بعد .
إنك تتعلق بِ سيدك أو ستك ، وكل عيد تروحلهم ويفرحوا ل شِكلك ، ل ضحكتك ، ل عيونك ، ل رسمة الفرحة عليك ، وبهالعيد بس بتحكي معهم من فوق التراب ..!
إنك تتعود على اختك ، تعالي وجيبي و و و ، وبيوم وليلة بَح ما في أُخت ..!
شايف مرارة الشعور لوين !
أمّر شعور ممكن يمُر فيه الإنسان هو الفَقد ، الفَقد مُر ، مُر مُر يجماعة .
واللي فقد كتير ناس بحبهم ، فقد كتير من الداخل .
حافظوا على الأهل ، الأهل ثم الأهل ثم الأهل يا جماعة ، بعد الأهل فِش .
في مَقولة :" أهلك لو أهلكوكّ أهلك " .
لو خذلوك ، كسروك ، ضربوك ، ربوك ، صيحوا عليك ، أذوك ، كسروا قلبك ، ما إلك بوقت الشِدة إلا أهلك .
ف همَّ لو هجروك مرجعك ل أهلك .
لو بكوك ضحكتك أهلك .
لو وجعوك دواك أهلك .
والأهل ، همَّ نفسهم الأشخاص اللي إجوا ببالك أول ما شفت هالحكي وأول ما إجاك الشعور .
إلا الأهل ، إلا الأهل .
والله يديم أهلكم وكل اللي بتحبوهم ، يا رب .🖤

View more

Next