Ask @fatmaibrahim17197:

نصيحه

متتعودوش تسألوا عن تفاصيل اكتر من اللي بتتقال .. ✋
لما حد يقول انا نجحت ..تهني وبس اكتفي بكده مش جبت كام وتقديرك ايه ؟!
واحده تقول انا اتخطبت .. تبارك وتدعي بالسعاده
مش هو مين ؟! وشغال ايه ؟! وشكله ايه ؟! واتعرفتم ازاي ؟ !
حد يقولك فسخت خطوبتي ؟
خلاص لعله خير واقفلوا الكلام
مش ليه دا كان كويس ايه الأسباب
انا مسافره ؟ او راجعه من سفر من مكان
تمام ترجعي بالسلامه او توصلي بالسلامه
مفيش بقى رايحه ليه ؟ وروحتي ليه ؟
لما تسأل حد ع حاجة معينة خاصة بيه ويرد ب كلمة واحدة .. بلاش تطول ف الاسئلة وف الاستفسارات ..
فيه حاجات بتوجع يا جماعة .. اه والله حتي وانت بتسأل من غير قصد بس بتوجع اللي قدامك ..
يعني لو اللي قدامك عايزك تعرف التفاصيل اللي انت بتسأل عليها ديه كان هيقولها لوحده .. متدخلوش في أي تفاصيل مش من حقكم تعرفوها .. 👌
#انتهى

View more

لجمال أحرفك 🤍

مهرة برية
شكرًا جدًا للناس اللي مابتحسسناش اننا وحشين رغم اننا وحشين!
شكرًا للناس اللي بتحطلنا 100 عذر لما بنبقا احنا اصلا مش عارفين نعذر نفسنا! :')
شكرًا لكل الناس اللينة السهلة اللي مابنشيلش هم علاقتنا بيهم
اللي لما ييلاقونا اتغيرنا ومش متقبلين نفسنا بيتقبلونا ومابيزودوش همنا..
ربنا يهون عليكم كل صعب ويزرقنا جميعا الجنة يارب يارب ويجعلنا من الناس اللينة السهلة ❤️❤️🌸

View more

✍️_______

• ماتخليش عقدة جواك من الماضي، تدمر الحاضر والمستقبل في عنيك..
• ماتخليش اللي فات يشكّل اللي جاي ويتحكم في مصيره..
• ماتواجهش بكرة الحلو بانتقام شايله من تفاصيل امبارح الوحش..

•الشخص اللي هتقابله بكرة مالوش ذنب إن اللي قابلته امبارح ساب جواك أثر وحش..
• ماتخسرش اتزانك النفسي في مقابل مطب عالي مريت بيه غصب عنك..
• اصنع الحلو للي جاي بما انه في ايدك وقدامك فرصة ترسم تفاصيله.. بلاش تخليه وحش لمجرد إن اللي فات اتفرض عليك يكون مش زي ما اتمنيت..
• الجرح اللي سايب أثر، أثره موجود عشان تفتكر إنك دخلت معركة سابت أثر يفكرك إنك عرفت تنجو منها، موجود عشان لما تشوفه تفتكر اللي مريت بيه وتصلح اللي جاي.. عشان يخليك شخص احسن يواجه ظروفه بذكاء.. مش عشان ينتقم من نفسه وهو فاكر إنه بينتقم من كل حاجة وحشة مر بيها..
• اللي هيحدد انت طلعت من المعركة منتصر ولا مهزوم ومتشوّه، شكل اختياراتك في المستقبل ونظرتك للأمور.. اوعى تقضي عمرك تثبت للمعركة دي إنها شوهتك ودمرت مسارك وخلتك طول الوقت ترسم للكل لحظة انهزامك.

View more

انا تايه يا جماعه جدا عايز نصايح تخليني ابدأ اخطط بيها من اول وجديد علي الجانب الديني و الأسرى والدراسى عايز اتغير بس مش عارف ابدأ منين وازاي و هل ارادتك هتكون قويه ولا كالعاده 😭

ابدا بعلاقتك ب ربنا هتلاقي كل حاجة تانية بتتظبط ..

View more

سيرة الحبيب المصطفي 🌸

fatma ibrahim
جاءت امرأة تُسمَّي بأسماء بنت السكن الأنصارية رضي الله عنها المُلقبة بـ خطيبة النساء ، جاءت إلى رسُول الله ﷺ فقالت :
" يا رسول الله ، بأبي أنت وأمي ، إنَّ اللهَ بعثك للرجال وللنساء كافة فآمنا بك وبإلهك ، وإنَّـا معشر النساء محصوراتٌ مقصوراتٌ مخدوراتٌ ، قواعدُ بيوتكم ، وحاملاتُ أولادكم ، وإنَّكم معشرَ الرجال فُضِّلتُم علينا بالجُمَع والجماعات وفُضِّلتُم علينا بشهود الجنائز ، وعيادة المرضى ، وفُضِّلتم علينا بالحج بعد الحج ، وأعظمُ من ذلك الجهادُ في سبيل الله وإنَّ الرجلَ منكم إذا خرج لحجٍ أو عمرةٍ أو جهادٍ جلسنا في بيوتكم نحفظُ أموالكم ونربي أولادكم ونغزلُ ثيابكم ، فهل نشاركُكم فيما أعطاكم الله من الخير والأجر ؟
فالتفت ﷺ بجملته وقال :
هل تعلمُون امرأة أحسَن سؤالاً عَن أمُور ديِنها من هذه المرأة .؟!
قالوا : يا رسُولَ الله ما ظننا أنَّ امرأةً تسألُ سؤالَها .
فقال النبي ﷺ : يا أسماءُ ، افهمي عنِّي أخبرِي من وراءكِ من النساء أنَّ حُسنَ تبعلِ المرأة لزوجها وطلبَها لمرضاتهِ واتباعَها لرغباته يعدِلُ ذلك كله .
فأدبرت المرأةُ وهي تُهلِّلُ وتُكبِّرُ وتُردِّدُ : يُعدل ذلك كله يُعدل ذلك كله 🌼❤️

View more

+4 answers in: “سيرة الحبيب المصطفي.. 💜”

أَتَأْمُرُونَ النَّاسَ بِالْبِرِّ وَتَنسَوْنَ أَنفُسَكُمْ وَأَنتُمْ تَتْلُونَ الْكِتَابَ ۚ أَفَلَا تَعْقِلُونَ44وَاسْتَعِينُوا بِالصَّبْرِ وَالصَّلَاةِ ۚ وَإِنَّهَا لَكَبِيرَةٌ إِلَّا عَلَى الْخَاشِعِينَ45الَّذِينَ يَظُنُّونَ أَنَّهُم مُّلَاقُو رَبِّهِمْ وَأَنَّهُمْ إِلَيْهِ رَاجِعُونَ46 البقرة

انا مش كويس يا جماعه كنت قاعد بعمل ابحاث عادي جدا قلقت قلق شديد اوووي وتوتر جامد وانفجرت في العياط لدرجه ان كل البيت صحيوا وكدبت عليهم قولتلهم عندي صداع شديد جدا نفسي القلق يبعد عني انا بقيت مصاب بالقلق من الدرجه الاولى والله اي كلام او ادعيه ليا يا جماعه لو سمحت

الله ييسر ليك حالك ويهدي بالك يارب.. اذكر ربنا كتير ، مفيش قلق وخوف مع ربنا .

View more

Next