Ask @fawzytorkey:

بس كدا ?

سيبك منه هو بيدور على اى حد يستغله و فى الاخر يقوله انته أذيتنى و اكيد ممكن مع الوقت يحاول يكلمك تانى و يجرلك للسكة دى أوعى تكلميه خالص
" اللى بيحب حد بيحافظ عليه مش بيفتح عينه على حاجه غلط بيبقا نفسه يحميه و يحافظ عليه و يغمى عينه عن اى غلط فى الدنيا مش هو اللى يقولك بنفسه ادخلى شوفى كذه
هو دمرك بس انتى مع الوقت هتبقى احسن و هتنسى و الحمد لله انك متجرتيش لإنها تبقى علاقة كاملة و أوعى تحكى لاى حد عن الموضوع ده

View more

+10 answers in: “Space"(?”

انا حسيت فعلا قد ايه انا كان مضحوك عليا وكنت عبيطه وساذجه كدا ، والله ماعارفه اشكرك ازاي بجد انت انسان جدع ومحترم ربنا يكرمك يارب ويسعد قلبك ?

الله يخليكى يارب ?
زى ما قولتلك متشوفيش نفسك وحشة شوفى نفسك مخطئة و بتصححى خطأك و مع الوقت هتبقى تمام خالص و أحسن من الاول لأنك خلاص معدش هيبقى فى طيبة و لا سذاجة فى التعامل و متخليش عندك ثقة فى أى حد قدامك و لا تصدقى اى حد بيقولك بحبك و لا تعملى اى حاجه غلط او عيب عشان اى حد مهما حصل
ربنا يحفظك ❤️

View more

+10 answers in: “Space"(?”

معلش طولت عليك رد هنا بقا?

اولاً بيحبك ده هبل معدتيش تقوليه تانى
- حته تعب و راح كشف دى عشان شايفك صغيرة لسة بيضحك عليكى و انتى طيبة و على نياتك و وصلتيه للى هو عاوزه و كمان هو كان عاوز اكتر من كده بكتير بس ربنا ستر
- حتة عشان يتخطى أذاكى دى فهو مش راجل أصلا ولا بنى ادم لانه بيتلاعب بيكى بالمشاعر و بكل حاجه و بيوصلك لأوسخ حاجه و فى الأخر يقولك أذيتينى
- هو من الاخر شافك طيبة و سهلة معاه فحب يدوس مش اكتر ولا اقل
- كُويس إنه مسحهم و إن خلاص كده معدتش فى حاجه بينكم
- بالنسبة للشخص ده أستغلك أحلى إستغلال بس خدى بالك انتى كنتى شريكة معاه فى اللى حصل ده لان لولا تجاوبك مكنش هيحصل كده بس ليكى حسنة انك موصلتيهوش للى هو عاوزه و انك اخدتى بالك و لحقتى نفسك
- هو عمره ما حبك هو عاوز شوية كلام حلوين و وساخة و خلاص
- ده مش شخص محترم زى ما بتقولى ده ازبل بنى ادم فى الدنيا كُويس ان ربنا خلصك منه بس خلصتى بحته كبيرة جواكى هتتنسى مع الوقت
- كُويس اوى انك محكتيش الكلام ده لاى حد خصوصاً اصحابك و أوعى تحكيه لاى حد تانى فى الدنيا حتى لو اتخطبتى او تحكى لخطيبك ان كان فى اى حاجه بينك و بين اى حد حتى لو كلام بس
- كمان كل ما تلاقى نفسك مخنوقة من الحوار ده ابعتى و انا هرد عليكى و انصحك باللى انا شايفه صح بس اهم حاجه حافظى على نفسك و أوعى تعملى غلط زى ده تانى و ارجعى لربنا و استغفريه ع الذنب ده

View more

+10 answers in: “Space"(?”

جاوب هنا ?

بصى أنا هقولك وجهة نظرى كإنك أختى بالظبط ماشى
- أول حاجه إنتى مش ضامنه هو بيحبك فعلا و لا لاء حتى لو قالك انه بيحبك
- انتى كمان مش عارفه هو عمل كده مع كام واحده قبلك ؟ صح ما يمكن عمل كده مع كام واحده فمينفعش تثقى فيه نهائي حتى لو اتقدملك و اتجوزتوا ما يمكن يكون عمل كده مع كتير و هيفضل فى شك ما بينكم و يفضّل فى قلة ثقة فدى حاجه مستحيلة
- أنا الكلمتين دول هقولهملك بس ياريت متزعليش منى هو لو كان بيحبك بجد عمره ما كان هيجرك للسكة الوسخة دى أبداً لإن إنتوا من يوم ما إتكلتموا بالطريقة والاسلوب ده انتوا فى وقتها خسرتوا بعض للأبد
- اى حد اتكلم مع اى بنت كده مبيوثقش فيها و بيفكرها عملت كده مع ناس كتير قبله فعمره مبيفكر فيها للجواز للأسف
- اكيد هتحبى من وقت للتانى انك تكلميه بس لو عملتى كده فعلا اعتبرى نفسك انتهيتى فتعالى على نفسك شوية و صدقينى مسأله وقت بسيط جدا و هتستغربى انك نسيتيه بس برضو متستهونيش بالغلط اللى حصل
------
انا كنت بسأل عن حجم الغلط وصل لإى لانه ممكن يكون وصل لتجاوز كبير فى الصور و فعلا كان نفسى توضحى اكتر
كمان خدمة منى ليكى لو الشخص ده فكر يأذيكى فى أى وقت سبينى انا منى له و أنا هعلمه الأدب من غير ما يعرفنى حتى أو يعرف إنك ليكى دخل بالموضوع

View more

+10 answers in: “Space"(?”

شكرا جدا ليك ، بس هو حجم التجاوز هيفرق ف ايه ! ، انا مش فاهمه حته شوفت اسمه مره او اتنين دي تقريبا فيه حد سألك بعلامه$ دا مكنش انا

اه لسه واخد بالى فعلا
حجم التجاوز بيفرق طبعاً بس من كلامك واضح انه كان مجرد كلام و صور بينكم و بس فده مش بسيط بس أبسط من حاجات كتير كانت ممكن تحصل
أنا مش عاوزك تشوفى نفسك وحشة لا بصى لنفسك إنك اأخطأتى و بتصلحى من نفسك و صدقينى هتبقى احسن و هتنسى مع الوقت مش ع طول طبعا
كمان ياريت بلاش تبعتى للشخص ده تانى مهما حصل أو تحاولى تتكلمى معاه مهما حصل أو مهما حاول يكلمك تانى
بس انتى ع أول الطريق الصحيح ربنا يثبتك ❤️

View more

+10 answers in: “Space"(?”

رد هنا ?

-أول حاجه خالص إنتى تحمدى ربنا عشان ربنا كرهك فى الحاجه دى و ربنا حب يبعدك عنها و الحمد لله بقالك سنه أهو بعيدة عنها ❤️ فأفرحى بكده أوى و إبدأى من جديد من النقطة دى و أنا شايف إن هيبقى فى تغير كبير جدا جدا للأفضل
- تانى حاجه بقا كلنا بنغلط و كلنا حياتنا فى أخطاء كبيرة أوى بس أخطائنا مختلفة عن بعضها
- أنا شايف إن إنتوا الإتنين غلطانين مع بعض بالتساوى هو غلط انه تجاوز و انتى غلطتى انك سمحتى بالتجاوز ده
- ممكن أعرف حجم التجاوز بتفصيل لإنه يفرق جدا ؟
- انا تقريباً شوفت اسمه مره او إتنين بس و مليش اى علاقة بيه
- حتة إنك ندمانه و إنك إتغيرتى فعلاً دى بالدنيا بحالها و دى بداية خير كبير بس أوعى تضعفى أو ترجعى تتعاملى مع الشخص ده تانى أو حتى تسألى عليه من بعيد ل بعيد زى ما بتقولى لا أنسيه خالص و أمحيه من حياتك و ظبطتى علاقتك بربنا و إدعى كده و إن شاء الله ربنا هيجبر بخاطرك و هتنسى كل حاجه زعلتلك ❤️

View more

+10 answers in: “Space"(?”

Space"(?

Hemo ma7moud
بلاش علاقات كتير ، بلاش تمشى مع ده و تخرجى مع ده و تصاحبى ده و تكلمى ده وده ، بلاش يبقا ليكى صور مع حد ، بلاش تبقى رخيصة اوى انتى ليكى قيمة المفروض تحافظى عليها عشان نفسك أول حاجه
القلق و القرف اللى عايشة فيه ده و الوقت البسيط اللى هتعشيه بسعادة هتعيشى عمرك كله فى ندم عليه و عمرك ما هترجعى زى الاول
اى شاب اول ما بتتكلمى معاه بتقلى فى نظره و كل ما يحصل تجاوز بتقلى اكتر و اكتر و عمره ما هيفكر اصلاً يرتبط بيكى لان مفيش ثقة ولأنه بيبقى من جواه مش مطمنلك و شايفك و سخة لأبعد الحدود وواحده واحده بيعوز و بيطلب حاجات اكبر لانه شايفك رخيصة و سهلة و فى الاخر بتتفجأى فى النهاية انه سابك و اتجوز حد تانى او مصورك او واخدلك اسكرين او او
الشباب المحترمة كتير و البنات المحترمة كتير وسيبكم من حتة الوساخة كترت هى اه كترت بس ده عشان هى اللى ظاهره اكتر و ببجاحة شوية
خدوا بالكم من نفسكم اللى بيخطب و اللى بيتجوز عاوز حد محترم حد يبنى معاه بيت حد يبقى جنبه فى كل حاجه مش حته جسم ولا شكل و لا وساخة
ميزى نفسك عن اى بنت تانيه بإحترامك و أخلاقك و متنجرفيش ورا أى غلط
ربنا يحفظ اخواتنا و قرايبنا و أهلنا و كل اللى نعرفهم يارب

View more

+10 answers Read more

لو عاوزه اعمل أكونت تانى ع اسك غير بتاعى الأساسى وابدل بين الاكونتين عادى اعمله ازاى الل عارف ي ريت يرد?

متعمليش لأنك أكيد عاوزه تعمليه لغرض وحش ، خدى بالك من نفسك بلاش تعملى حاجه غلط عشان الندم بتاع الغلط ده بالذات كبير اوى و مبيتصلحش نهائي

View more

Next