Ask @fedghzy7:

من فضلك اقرأ💎💙

Fedaa Ghazy
مواقف بتحصل قدامنا وتفاصيل لازم ناخد بالنا منها شويه 💔
ليه دايما بنحب الناس تقولنا كلمه حلوه اوتمدحنا او تشكرنا ؟😕
وانا اصلا مستخسره ف الناس الكلام الحلو!!.😢
طب والله مهتخسر حاجه لما تقول لعامل الدليفرى شكرا او اتفضل معانا ..
ولا هتقل لما تقول لمخصل الكهربا والمايه والغاز اتفضل الفلوس ي استاذ او ي عمو ولما ياخدها ويديك الباقى تقوله شكرا واتفضل اشرب شاى او حتى تساله محتاج مايه ساقعه حتى او تعزم عليه بكوبايه عصير مش هتموت يعنى لما تعمل كده🌸💜
عامل النضافه قوله اتفصل ى عمو وانت بتناوله الزباله وادعيله قوله ربنا يسترك وينضف عرضك ى عمو ❤😇
لما تدخل كافيه او مطعم ساعد الويتر شويه وهو بيحط الحاجه ..شيلى شنطتك لو بنت وفضى الترابيزه وخدى منه الحاجه واعتبريه اخوكى جايبلك حاجه لحد عندك وانتى بتساعديه مهو مش خدام يعنى ...ده واحد تعبان وقرفان طول اليوم ف الشغل وقولى شكرا لما يخلص وابتسم ف وشه متبقاش قاعد حاطط رجل على رجل وفادر ضهرك ع الكرسى وبتبصله وانت ساكت كانه خلصت ى خدام يلا اتكل ع الله بقاا💔💔
لما تركب مثلا مواصلات وانت بتدى السواق الفلوس قوله اتفضل ى عمو او ي فندم او ى استاذ او ي باشمهندس اى كلمه حلوه يعنى مش لازم "يسطااااع " دى ...وممكن وانت نازل تقوله شكرا عشان وصلك وتدعيله ربنا يسهله الحال💙
لما تدخل سوبر ماركت تشترى قول للى شغال شكرا لما يناولك حاجه واتفضل الفلوس وادعيله🌼💚
لما اختك او اخوكى او مامتك او باباك يعملك حاجه قوله ربنا ميحرمنى منك "ى ست قلبى ،ى ست الكل ، ي قلبى ،ى حبيبى ، ى بابايا ، تحضنك ،تدعيله ....طبطب عليه بالكلام يعنى حسسه بحبك ليه وحنانك والله اوقات كتير هما بيعملو حاجات جميله لينا لكن احنا مش بنعرف نحسسهم باللى هما عملوه عشانا ولو حتى بالكلام ..فبالتالى هما داخليا بيحبطوا لانهم كانوا متوقعين رد فعل للى هما عملوه هيبسطهم لما تعمله😢😢🌸
بقيت بحس اننا بنقول الكلام الحلو لصحابنا عادى بيطلع مننا بسهوله ..ولما باجى اقول لاختى مثلا ى ست البنات بحس انها بتطلع بصعوبه او انى مكسوفه وانا بقولها عشان مش متعوده او بقولها بصوت واطى اللى هو كنت متردده ....لما بهزر مع اخويا واقعد اقوله قلبى ى برو وحبيبى وبهزر معاه ف الهزار عادى ...ولما بيعملى حاجه ليا بحس ان الكلام الحلو عايز يطلع بس مش بقوله عشان مش متعوده وبكده مش بديله حقه ف اللى عمله ولو بكلام معنوى ومواقف تانيه كتير 💔💔
ف بقيت بحس اننا بنتسول الكلام الحلو والعطف من براا ..ونرجع ف الاخر نقولوا اهلى مش حنينين، اهلى مش بيقولولى كلام حلو ونلجأ لكلام من صحابنا او ف بنات وولاد بيلجأوا لبنات عشان يملو الفراغ ده
وطبعا هما الاتنين ف الغالب عرفين ان ده حرام وان علاقتهم مش هتكمل وبيستنفذوا مشاعرهم ويخسروا بعض وييجوا ف الاخر تقلب باكتئاب عشان مفيش حد حنين عليهم ولا اهل ولا حبيب ولا اى حد 💔
فكرت شويه وقولت
طب ما انا لو عودت نفسى اقول كلام حلو لاهلى وهما كمان بالمقابل هيردوه الحياه هتكون اسهل ومش هحتاج اتسول او اشحت كلمه حلوه من شاب او بنت او صديقه او اى حد 😇❤
مش بعرف اعبر كويس بس الكلام ده طالع من قلبى وحاولت اوصله ع قد ما اقدر
شكرا جدااا انك قريت وهفرح لو انت/ى اخدت خطوه حلوه وقولت ولو كلمه حلوه انهارده لحد من اهل بيتك او ناس غريبه متعرفهمش
#كلمه_حلوه_تطيب_الخاطر😇
#اجبر_خاطر_حد_غريب😘
#كفايه_تسول😂
💙💙💙💙💙💎💎💙💙💙💙💙💙

View more

+1 answer Read more

ركعتين لله كفيله انهاا تشيل گُل الهموم الي علي قلبگ وتدخل لقلبگ السعاده والسرور وتدعي ربناا بـ الي في قلبگ وتيقن إن ربناا سبحانه وتعالي قادر ع تغير حالگ ومفيش غيره هيقدر يساعدگ فقرب منه هتتحل گل مشاگلگ، صباح الخير 😄💛💫.

چــيــمــي
صباح الخيرات🌸🍃

View more

لا بأس.. الأمر الذي ترينيه يفوق طاقتِك، لم يضعه الله أمامكِ إلا وقد وضع معه -القدرة- على تجاوزه. 💙 " لا يُكلِّفُ اللهُ نفسًا إلا وسعها " 🌼 صباح الخير واليقين بالله 😌🌾 نقرأ الوِرد والأذكار أوكي؟ 🌻 صلّي على النبي وزيدي 💚

عليه افضل الصلاه والسلام🌸🍃

View more

‏أنا مش هلاقى كلمة فى الصبر تتقال فى جمال الجملة دى للشيخ الشعراوى بيقول " حذارى أن تمل من الصبر فلو شاء لحقق لك مرادك فى طرفة عين، هو لا تخفى عليه دموع رجائك ولا زفرات همك هو لا يعجزه إصلاح حالك وذاتك لكنه يحب السائلين بإلحاح اليس هو القائل" إنى جزيتهم اليوم بما صبروا ''.

چــيــمــي
ونعم بالله💜🌸
ربنا يستجيب لنا نداءنا يااارب🙌

View more

معلشوني يا جماعه عشان انا محطم نفسيا وعاطفيا 💔 لسه متعرف عليها من شهر وعملتلي بلوك امبارح ال يعني مش بتحب تكلم شباب وكدا 😅 وفي الاخر طلعت بتكلم واحد تاني

ربنا يهديها لنفسها ولاهلها ويبعد عنها شيطانها ويعفف قلبها 🌸
وحضرتك ربنا يكرمك ببنت الاصول والحلال اللى تصونك وتحفظك ف غيابك قبل حضورك وتحول حياتك فرحه
ونصيحه انت كمان متكلمهاش ولا تكلم غيرها احفظ قلبك ومتهدرش مشاعرك وتستنفذها ع مفيش
ومتستناش واحده مش بتكلم شباب وانت اصلا بتكلم بنات خليك خام زى ما بيقولوا كده عشان لما تجرب الاحساس الحلو ده يكون مع اللى هتكون من نصيبك وتحسه لاول مره معاها ان شاء الله
وكمان عشان كما تدين تدان
ومعلش يعنى مش كل شاب ييجى يقول انا عايز اخطب واحده مكلمتش حد قبل كده اومال اللى انتو بتكلموها دى مش هتتجوز يعنى ولا هتكون كاتبه ع وشها انا كلمت شاب قبل كده مانت طبيعى هتاخد واحده كانت بتكلم غيرك
(انت هتكلم واحده وتقوم سايبها ....غيرك هياخد اللى انت سبتها عشان مفكر انها مكلمتش حد قبل كده وانت سبتها عشان كلمتك ...وهتاخد واحده كلمه غيرك وانت بردو مكنتش تعرف انها كلمت قبلك ولفى بينا ى دنيا بقا😂
فاتقو الله ف افعالكو وف نفسكو واهلكو عشان اللى هتعمله هيتعمل فيك وواحده بواحده بقا✋🚶🚶🙆🙆

View more

+1 answer Read more
Next