-

Quotes
الدنيا ليل ، ليلة خميس .. عتمة وصوت قرآن ودقات الساعة اللي صوتها بيعصبنني ! بفكر فيكي، وبدعيلك لأني تعودت أسهرلك قبل لأنام ، بتذكر حياتنا بوجودك وليالي الخميس وقت كنا نكون كلنا هون ، وتكوني معنا !
بثانية وحدة وأنا افكر فيكي وأدعيلك بوعى لإنك موجودة بمكان لحالك ، مكان بخاف منه ، بيغص قلبي وبيمسكني من جوة جوة ، معدش فيي اشوفك واحكي معك ، واحس بضحكتك الحلوة وروحك البيضا ! كيف فيي أوصللك ! صورتك وانت تضحكي براسي عالقة وما بتروح من بالي ، بحس بشعور مش طبيعي كيف انا بعدي بتنفس وعايشة وانت لا؟ كيف قدرت اكمل!! والله يا روح قلبي لولا اني مش مستوعبة روحتك كان بجن رسمي !! لحظات استيعابي قليلة بس فيها عواصف كثيرة بتدمرني ! الشوق لالك وللحياة معك بيهلك ، بس انا هذا الهلاك معيشني ! بعد انهيار وهلاك ، بتفاجئيني وبتجيني بحلمي ، وكل مرة بتمنى مصحاش ! أضل معك وأضل قريبة منك مثل قبل ، تديري بالك علي وتهتميلي مثل ما كنتي دايما !
اشتقتللللللللللللللللكككك ! بوجع وتعب وعياط وصراخ ووِحدة وكل شعور فيه ثقل ! أنا بلاكي بس بقطّع أيام وعنجد مش فاهمة شو نهاية الدنيا ! يعني هيك فيي أمل مرة وحدة أكتشف انه كله مصرش وانه كابوس طال شوي وانك بعدك هون معي ومعنا وبيننا!!!
يا ريتك ما رحتي !!! يا رييييييت لو نتفة صغيرررة موجودة منك بعد !
وجعتيني وانت ما بهونلك فيي ، اذا ما بدك ترجعي هون من شان الله اللي هو أعطى وهو أخذ ! تعالي في منامي وهوني عليي غيابك ، بترجججججججججججاكي ! أنا بهذا الغياب فقدت حياتي !
الله يرحملي روحك ويغفرلك ويجعلك مرتاحة في جنات النعيم بصحبة الرسول محمد والصالحين والأبرار ! الله يجمعنا فيكي في فردوسه الأعلى!!!!! ومع هذا ! أنا دايما بستناكي ! ارجعي !

View more