Ask @floweriq1236:

Space 🖤

⚓ ABEDALRHMAN ⚓
— وجهها كالعاج لا حياة فيه لكنّ عينيها...
رفعت نظري إليهما فخُيّل إلي أن كلّ أحزان البشرية وآلامها تحدّق إليَّ مِن خلف أهدابهما.
جامدتان لا تتحرّكان. لكنهما أعمق مِن اللُّجة. لا انتقام فيهما ولا ثورة ولا مرارة - بل حزن لا قرار له.
وسؤال... بل توسُّل... لماذا تتوسّل إليّ؟
وماذا أستطيع أن أفعل من أجلها؟“
هكذا قال في وصفهِ لتِلك الفتاة الشبح التي كانت تظهر إليه..
من كتاب مذكرات الأرقش / للكاتب ميخائيل نعيمة♥️.

View more

والله يا اختي هي نصيحة مو انتقاص ولا دا اعيبج ، بس مو كل شي نعرف احنه لازم اكو نصيحة لازم واحد يعلم اللاخ وواحد ينصح اللاخ يعني انت احنه محافظين غير انما الاعمال بالنيات ويا ريت نعمل بي على اصوله(من أتى عرافاً فسأله عن شيء لم تقبل له صلاة أربعين ليلة) يا ريت مننفعل على النصيحة لان الدين نصيحة 🍃🍃

أُسَيْدٌ بنُ حَسَن ٱلرَّاوِيُ⁦
النصيحة مو بهالشكل..مو بهالاسلوب مو مسموح هيچ!
احنا نعرف الدين النصيحة بس ننسى الكلمة الطيبة صدقة..
نعرف الدين النصيحة بس ننسى انه من كان يؤمن بالله و اليوم الاخر فليقل خيراً او ليصمت..
و فعلاً هي الاعمال بالنيات و الله يعرف كل شي ممحتاجين نبرر لعبادة!
و اعتقد اني موضحة فوگ انو ما اؤمن بالتوقعات و التنبؤات اليومية و هالسوالف مجرد احب صفات الابراج و مواليدهم و هالاشياء البسيطة
طلعتني رايحة عرّاف لو مشعوذ و صلاتي محتنقبل اربعين يوم!

View more

+3 answers in: “شنو برجكم؟؟وشنو الصفة الي تحبها برجك☻”

سؤال/جهاز الاندرويد هم يتهكر اذا شخص هو سوالي الايميل مال سوق بلي ؟

لا شوفوا،ماكو شي يهكر التليفون مستحيل
انما اكو شغلةدتصير بالاندرويد،اكو مثلاً خاصية انو تتخزن الصور بالحساب مال gmail تمام، ف اذا انتو مسوين هيچي و الشخص اللي مسويلكم الحساب يعرف كلمة السر ف يعني يشوفهم بهاية الحالة فقط،ف لتخلون شي ع الحساب اصلاً ايي معلومات و لا اي فيديوهات اوك.

إني سويته بس شنوً سبب هلشي😂 يعني لجهاز بشحن وملاعبه بلباسورد واصلا حافظته مثل اسمي لباسورد

شوفوا الصراحة اني هم تفاجئت بهالشي من صار وياية😂صراحة ما ادري ليش
بس يومهه شكيت حتى بالشاحنة انه من وراهه و مو خوش شاحنة😂بس لا صدگ معرفت السبب لليوم🤷🏻‍♀️

View more

+4 answers in: “الجهاز مال ايفون هم احد يكدر يهكرة”

إني صارت مشكله ويايه قبل كم يوم جهازي خطيته ع شحن وره شىويه شفت مكتوب iPhone is disabled connect to itunes وهلشي بحاله وحده تصير اذا مثلا دخلت لباسورد مال جهاز قد خمس مرات غلط واني مسويت شئ ولجهاز ع شحن جان

اها هاية اني هم صارت بية هالشغلة قبل سنتين،و هم چنت خالتة ع الشحن،ف وديتة لشخص خبير بالتليفونات و يعني تفرمت و راحت البيانات كأنه رجع التليفون جديد،بس مستحيل احد هكرة او شي تمام،لازم تودوه مركز مثلاً يشوفلكم حل،يفرمتة او شي همة ادرة🌷
و لازم يتأكدون تماماً انه بعد مينفتح يلا يتصرفون👆🏻

View more

+4 answers in: “الجهاز مال ايفون هم احد يكدر يهكرة”

على الابراج ، كم مرة اني منزل عن الابراج يعني مقارية شي منها ؟ 🍃🍃

أُسَيْدٌ بنُ حَسَن ٱلرَّاوِيُ⁦
شوف أُسيد..
اول شغلة انو اني اعرف زين انه علم الغيب هو لله عز و جل فقط👆🏻
ثاني شغلة آني ما أؤمن بشغلة انه هيچ راح يصيرلي و هيچ راح اسوي و و و..
اني مجرد احب اقرة عن صفات الابراج و مواليدهم و هالسوالف و لگيت واهسي بيه،لكن مو اجي اؤمن مثلاً بتوقعات و هالسوالف..
و هذا شي مراح يجعل مني مو عاقلة او شي من هذا القبيل🤞🏻..
اتمنى من كل شخص يقرا هالكلام و هذا الحچي مو شخصي الك،انه تقبّل الاخرين مثل ما همة و ميحتاج انتقص من احد لصفة بيه معاجبتني لانو مو من حقي..
الله سبحانه و تعالى خلقنة مختلفين،مستحيل حتلگون اثنين متشابهين،مفد يوم فكرت انتقص من احد او اگولة انت ليش هيچي و ليش صفتك هيچ
اني شعاري مدام ممأذية احد من خلق الله خلص،مدام حريتي ما تعدت ع حرية الاخرين اذاً هاهية..
آرائي و معتقداتي الخاصة بيه اقدسهه 🤷🏻‍♀️

View more

+3 answers in: “شنو برجكم؟؟وشنو الصفة الي تحبها برجك☻”

الجهاز مال ايفون هم احد يكدر يهكرة

شوفوا،هاية مستحيل تصير لسبب
اولاً الحماية العالية من شركة آپل،ثانياً ماكو شي بالدنيا اسمة هكر ،تعرفون ليش،الهكر يحتاج نت سريع،و يحتاج كم من الاجهزة الحديثة و لابتوب و هوسة و شغل،
لكن اكو شي اسمة قلة وعي بكيفية استخدام البرامج و الاجهزة،على سبيل المثال،حضرتك/حضرتچ عندكم ايفون
حبيتوا تسوون عليه ايميل iCloud تمام،لكن مو انتو اللي سويتوه صاحب المحل مثلاً،تعرفون اكو حسابات تنباع لأكثر من شخص بنفس المعلومات!فأحتمال حتتسرب منة معلومات ،لذلك اكو حلين:اما تسوون الحساب بنفسكم او لما ترجعون البيت تغيرون كلمة السر مباشرة تحسباً لأي شي،
ثاني شغلة بالنسبة لحسابات الفيس الانستا و التليغرام،المشكلة اللي دتحدث انو حسابات وهمية دترسل للمستخدمين رسالة محتواها هو مثلاً:نحن شركة تليغرام او نحن بيج...من الانستا او الفيس و ربحت معنا جائزة،راح يوصلك كود ع رقم تليفونك مثلاً او الايميل و حيطلبون منكم تعطوه الهم حتى ع اساس يتحققون منكم..
هنا بهالحالة همة راح يگدرون يوصلون بكل سهولة لحسابكم،لذلك🛑رجاءاً رجاءاً لحد يعطي كلمة سر توصل لجهازة لأي شخص كان،و هاي الحالة دتسبب بتسرب معلوماتكم و الوصول الى حساباتكم،
كذلك توجد طريقة راح تعطيكم حماية كبيرة لحساباتكم اسمها التحقق بخطوتين لأي حساب كان،تلي فيس الخ...
مجرد تفعلوها بعد مستحيل شخص يگدر يوصل للحساب لانو ببساطة حيطلب منكم كلمة سر اضافية غير اللي توصل الكم ع الرقم محد يعرفها غيركم❌
اتمنى اكون فدتكم و فهمتوا علية💜✨

View more

+4 answers Read more

عزه عزه ما تحملت اسكت ! من كل عقلهه ، شلون تريدين زوجج يثق بيج وانتِ قبلتي بهذة التصرف ، والله حتى احترام بعد ما يحترمج ولا اطفالج رح يحترموج ، امممممج يمعوده خرب بالوكت ي والله 🤦🏼‍♀️ خلي اهلج خط احمر عند الرجال لان راح يهينج وراها لو شاف اتهاونتي بـ اهلج !

بالضبط و الله هذا اللي دا احاول اوصلة الهه
يعني حرام هيچ و الله،ترى خاف حصلت انسان زين و محترم ترى هذا بدعوة الام
يعني اذا سوت هيجي بيهه ممكن بقهرهه كلشي ينگلب
و فعلاً اتفق وياچ بهذا الشي لان من يشوف هي تهاونت بهالطريقة وية اهلها فعلاً محيبقي احترام الهه و حيخليها تقدم تنازلات كومة بما انه اتنازلت و استغنت عن شي عظيم مثل الام🙎🏻‍♀️

View more

+1 answer in: “مرحبا..اريد اسألچ شي،اني اهلي منفصلين ماما هي اللي ربتني تعبت وياية كلش هواية.المشكلة انو اني الوحيدة لأهلي.و يعني هسة اني متخرجة اشتغل حالتنا كلش زينة، اني حق من حقوقي انه اتزوج،بس المشكلة خطيبي اشترط انه والدتي متعيش ويانة،و بعد تفكير قررنا تعيش بدار مسنين كلش زين و ازورهه كل يوم،صح قراري لو شنو.”

Space 💖💯✨

Kirêsto ___
‏الأديب العالمي كافكا ..قبل وفاته بسنة عاش تجربة عظيمة جدًا كتب عنها ..
في حديقة في برلين لفتت إنتباهه طفلة تبكي بُحرقة ، بسبب أنها فقدت دُميتها ، عرض عليها أن يساعدها في البحث لكنه لم يجد شيئا". فاقترح عليها أن ترجع لبيتها و أن يقابلها في اليوم التالي ليبحثوا مجددًا
‏لكن في البيت ، قرّر كافكا أنه يكتب رسالة على لسان الدّمية للطفلة ؛ ويسلّمها لها في الموعد لأنّه كان واثقا أنّ الدّمية ضاعت للأبد
الرّسالة كانت :
صديقتي الغالية توقّفي عن البكاء أرجوكِ ، إنّي قرّرت السّفر لرؤية العالم و تعلٌم أشياء جديدة ،سأُخبرك بالتّفصيل عن كلّ ما يحدث لي يوميًا
‏عندما تقابلوا قرأ الرّسالة للطفلة التي لم تتوقف عن الابتسامة والفرحة وسط دموعها .
وهذه لم تكن الرسالة الوحيدة، كانت البداية لسلسلة لقاءات ورسائل بينهم ،تحكي فيها الدّمية للفتاة عن مغامراتها وبطولاتها بأسلوب ممتع جميل جذّاب ..بعد إنتهاء المغامرات
‏أهدى كافكا للبنت دمية جديدة كانت مختلفة تمامًا عن القديمة .
ومعها آخر رسالة على لسان الدُمية :
(الأسفار غيّرتني ، لكن هذه أنا ) ..
كَبرت الفتاة و بقيت محتفظة بدمية كافكا إلى أن جاء يوم واكتشفت رسالة أخيرة ثانية كانت مخبّأة في معصم دميتها وجاء فيها :
‏الأشياء التي نُحبّ معرّضة للفقدان دومًا لكن الحبّ سيعود دومًا بشكل مختلف أنا على يقين أن الحب الذي أهديناهُ بقلبٍ مُخلصٍ لن يضيع، سيعود حتمًا لكن ليس بالضرورة أن ننتظره على ذات الأعتاب الذي بذلناهُ عندها ينبغي ألا ننشغل بالبكاء عليه في حين يتسللُ هو إلى قلوبنا من نافذةٍ أخرى أجمل
🍃🌸

View more

مرحبا..اريد اسألچ شي،اني اهلي منفصلين ماما هي اللي ربتني تعبت وياية كلش هواية.المشكلة انو اني الوحيدة لأهلي.و يعني هسة اني متخرجة اشتغل حالتنا كلش زينة، اني حق من حقوقي انه اتزوج،بس المشكلة خطيبي اشترط انه والدتي متعيش ويانة،و بعد تفكير قررنا تعيش بدار مسنين كلش زين و ازورهه كل يوم،صح قراري لو شنو.

نعممم!!!
لحظة لحظة
حضرتچ كاتبة انه هي ربتچ و تعبت عليچ و صرفت طاقة و جهد و عمر و صحة و فلوس و الى آخره تجين تجازيهه بهالطريقة!!
طيب ليش!
شنو خطيبي اشترط شنوو هاية امچ تعرفين شنو يعني امچ،يعني تخليهه ع راسچ من فوگ
طيب انت تگولين انو تريدين تزوريهه كل يوم،طيب هسة حضرتچ مخطوبة و عندچ يمكن شوية وقت،بس باچر عگبة زواج و وراهه اطفال و وراهه هوسة
حتصير كل يوم تصير كل ٣ ايام وراهه كل اسبوع بعدهه كل شهر!
ترى مو حل هذا صدگيني،بعدين انت دتگولين انو حضرتچ حالتكم زينة،ادري خو أجريلهه شقة شي قريبة عليكم او عيشوا بنفس العمارة او انو اذا مجمع سكني هم نفس الحالة و هيچ تگدرين تطمنين عليهه كل يوم صح!
رجاءاً لتسوين هالتصرف صدگيني حتندمين،يعني ترا الخطيب يروح و يجي و يجي غيرة لكن الام لا!!
اتمنى تاخذين الكلام ع مجمل الجد...

View more

+1 answer Read more
Next