April 19, 2020

صوت "رلي ميلاد" بيدخل قبل الموسيقي ع طول ع عكس العادي انه الموسيقي بتبدأ بعدين بيبدأ الصوت يظهر ودا بدايه مبشره لأغنيه مختلفه وهي "مختلفه"فعلا بالنسبالي
"ياليل جبينك قمر نور مسهرني بيني وبينك سفر والبعد قهرني"
بتعاتب الليل انه جبهته جت وجابت القمر وراح القمر مسهرها ويزيد ع كدا انه بينها وبين محبوبها بلاد وسفر وبعده عنها قهرها وبيجتمعوا دول كلهم مع بعض عليها مع مطلع القمر ..
"ولا يرضي قلوب ينسانا ولا كان مغلوب في هوانا ملحقش يدوب ويانا ولا ناوي يتوب يا ليالي "
مايرضيش حد انه ينساها وهو اصلا هواها مغلبهوش ملحقش لسه ، طب ايه مش ناوي يتوب ويخضع لهواها!"موسيقي بترثيها ع حبها الضايع"
"راح مني لفين يا ليالي ورماني لمين يا ليالي دوبني وغاب يا ليالي ما عملت حساب يا ليالي"
ف المرحله دي مش ف ايديها غير انها تشتكي لليالي هي حمالة الأسيه بتاعة اي حد اساسا وبتقولها مشي مني راح لفين طيب وسابني ورماني لمين ، دوبني في حبه بقصد او من غير قصد لكن النتيجه واحده انه غاب بعد ما دوبنا ومن غير ما اعمل حسابي ع غيابه ..💔
"كان حبه يبان يناديني افتحله بيبان ويجيني ارسمله طريق بحنيني وانا فاكره برئ يا ليالي"
وبتسأل تاني الليالي كان حبه باين اهو مكنتش بخدع او بَمَنّي نفسي بحاجه مش موجوده ولما كان بيبنا كنت بفتحله كل بيباني وكان بييجي فعلا بعدها كنت ببدأ ارسمله طريق لقلبي بالحنين اللي مالهوش اخر ،بحسن نيه وف اعتقادها انه برئ "صوتها بيرثيها المرادي"
"وتستمر الموسيقي وخاصة الناي ف النحيب"
ويظهر صوت تاني مريح جدا القلب يحب يسمعه طبعا مهو صوت "زياد سحاب"
ويشاركها قهرتها ويخلص ويسيب الموسيقي خير من يعرف كيفية رثاء القلب ♥

Listen to رلى ميلاد عازر تغني زياد سحاب - يا ليالي
https://soundcloud.com/rifat-mana/c55tdop8qlgm