Ask @gehad_atia:

بتخطي خطوات الضيق ازاي في حياتك؟ ... لأني حقيقي محتاج نصيحة!

خطوات الضيق ؟!
يمكن الفكرة كلها في اننا نعرف احنا متضايقين ليه ونحاول نصلح ده او نظبطه يعني
لما تواجهنا مشكلة او أزمة لازم نمشي معاها خطوة خطوة من بداية حدوثها لحد ما نتخلص منها او نتأقلم عليها
دايما بيكون في طريقين مرسومين ادامنا في اي حاجة ياما طريق اليأس والاستسلام لأي شعور سيء أيا كان ، يا اما المواجهة والمحاولة في تحسين الوضع اللي بنمر بيه
في كلتا الحالتين احنا اللي بنختار نمشي في انهي اتجاه
بس لازم نبقى دايما حاطين في بالنا ان " ولا تيأسوا من روح الله"
"سيجعل الله بعد عسر يسرا"
كده كده الوقت اللي بنمر بيه سيء بيعدي بس الفكرة كلها اننا نهدل ونوجه نفسنا للطريق او الحاجة اللي تحسن من حالتنا النفسيه...
ربنا يرزقنا واياكم السكينة والرضا وراحة البال والاطمئنان.🖤🍂

View more

Space❤️🍁🍂

في حياتنا دايما بيمر علينا مواقف كتير اوي، كل شوية موقف، حلو، وحش، عادي، ايا كان، كل موقف بيكون مرتبط بمجموعة معينه من الناس في حياتنا، أهلنا، صحابنا، معارفنا، ايا كان، لما بيتعاد ادامنا موقف ، او موقف مشابه لموقف، او حتى نفتكر موقف مان مشاركنا فيه حد قريب مننا وبعد خلاص لأي سبب، والبعد على اد ما بيأذي على اد ما بيعلم،
دايما كنت بسأل نفسي، ايه اللي يخلينا نبعد عن حد او حد يبعد عننا، ودايما كانت بتتعدد الاسباب، بس السبب الرئيسي للبعد والقرب واللي اكتشفته مع الوقت هو الراحة، بنرتاح فبنقرب او بنفقد الراحة فبنبعد، دايما كان بيكون في وقفة عند قرار البعد ده ، وصعوبة تنفيذه والتفكير فيه وقت طويل كان دايما بيكون عائق، بس الحقيقة ان طالما فقدنا الراحة عمرنا ما هنقدر نفضل، مهما حاولنا، لازم دايما نسمع صوت راحتنا، عشان في كل وقت بنيجي فيه على راحتنا بنفقد فيه نفسنا فعلا، واحنا لو فقدنا نفسنا مش هنعرف نرجعها، بلاش نيجي على نفسنا ونتعبها، بلاش نيجي على راحتها عشان فعلا مش هتتعوض. مهما كان الموقف صعب، ومش قادرين ناخد قرار، ومهما كان في عبء في اتخاذ اي قرار، وقت ما نحس اننا لازم نعمل حاجة، يبقى نعملها، مادام مش هتغضب ربنا ولا هتيجي لا على نفسك ولا على حد، وقت ما نتحط في موقف اننا يا نريح نفسنا يا نتعبها ونيجي عليها، يبقى لازم نريحها عشان نعرف نكمل و نمشي صح، واخيرا، الدنيا مش بتقف، مهما واجهنا صعوبات ومشاكل وتعب، فاحنا اكيد هنقدر نكمل، بس مع كل فترة نقف لنفسنا وقفة، نسألها انتي فين من كل اللي حواليكي انتي مرتاحة؟ انتي كده ماشية صح؟، لو عرفنا نلاقيها، يبقى اكيد احنا ماشيين في الطريق الصح.😅🖤⁦✌️👍

View more

مَا رأيُكَ فِي شخصٍ يَضحك طُول يومه وحِين يأتِي موعد نَومه يَبكي ، و بشدة ! 💔

بيجي على نفسه ويتعبها وفي الاخر مش هيستفاد حاجة غير انها تتوه منه وميعرفش يرجعها تاني!
لازم كل واحد يعيش حزنه كامل وفرحه كامل!
يدي لكل حاجة وقتها وياخد وقته اللي محتاجه كله عشان كل حاجة تعدي فعلا!

View more

طبعا كلامك صح انا معاكى جدا فى ده 👌 بس ده لو كان الشخص ال بتحبيه كمان بيحبك 😅 بكلمك فى نقطه انو حتى لو مبيحبش غيابو هيأثر فيكى عشان انتى بتعزيه وعايزاه جنبك 😌 ده طبعنا كبشر 😊

نسبيا كلامك صح بس مش في كل الحالات ، عامة مش فارقة كتير اللي بيبعد سواء بيحب او لا أكيد دايما عنده اسبابه ، وواجب عليا احترم أسبابه ديه حتى لو عكس رغبتي ، الأهم أنه يكون واضح في بعده ده .🤷

View more

+3 answers in: “عادي يطول غياب شخص تحبه؟.”

"

يارب ارزقنا دايما باللي ميزعلوش مننّا ولو زعلوا ميعرفوش يقسوا علينا ولا يبعدوا
ارزقنا باللي حنيتهم سابقه غضبهم ورحمتهم بينا سابقه قرارتهم
يارب ارزقنا دايما باللي يفتكرونا في صلاتهم ودعائهم ويفتكرونا لما نموت
ارزقنا بصحبه صالحه وحب ترضّي عنه وتبارك فيه ويدوم.

View more

حدثوني عن حقيقةٍ أثبتتها لكم الحياة ولا زالت تُثبتها حتى الآن !؟

مديش لأي حد أمان عشان مهما كان مش هيبقى أد ثقتي .. ومش كل الناس تستاهل اكون لطيفة معاهم في ناس لو كنت لطيفة هيتعبوني ويأذوني .. في طرق كتير حلوة ننهي بيها كلامنا مع أي إنسان كان ذوق معانا غير أننا نضايقه أو نأذيه.. مفيش حد يستاهل نتعبه ونضايقه ونيجي عليه ومفيش حد يستاهل نخيب ثقته فينا..مفيش حد يستاهل يحس بالوحدة وهو محاط بالكم المهول ده من الناس..

View more

.

Gehad Atia
ردا على اخر كام مسدچ يعني .. مش متأكدة إذا كنت عارفة مين صاحبهم ولا لا .. بس مش موضوعنا
اول حاجة انا مش مشوشة خالص .. بالعكس أنا فاهمة انا عايزة ايه وعارفة .. بس القرار صعب تنفيذه .. ويمكن ده المتعب في الموضوع .. تاني حاجة كل واحد لازم يبقى له عالمه وحياته اللي بيختلف بيهم عن غيره من الناس فأكيد انا عاملة ده لنفسي وبحاول افصل..
تالت حاجة فعلا مش عارفة ازاي قادر تحكم عليا وانت متعرفنيش أو متعاملتش معايا يعني الافضل متتسرعش في الحكم وانت متعاملتش اكيد التعامل بيختلف في كل حاجة وبيغير قناعات كتيرة..
انا مش متضايقة ولا حاجة من كلامك وجزاك الله خيرا جدا على النصيحة يعني وان شاء الله تكون في اعتباري الفترة القادمة .
فرصة سعيدة يا فندم 😅

View more

+4 answers in: “ما هي الحياة؟”

اولا انا مش نفس الشخص ال سئل 😊 بس انا اعرفك 😁 انا مش معاكى خالص بجد فى ان الحياه بتدى وبعدين تاخد ال اديتو بالعكس فى حجات بتثبت كتير وفى ناس نفسهم يشاركوكى كل ال بتقولى عليه بس وبيفرحو من مجرد ابتسامتك انتى ال مش واخده بالك الفكره اننا نختار كل حاجه صح ومناسبه فهمانى ؟

فاهمة اكيد .. لكن في نفس الوقت في حاجات كتير بتيجي وبنكون فاكرين اننا مختارين صح واننا ماشين في الطريق الصح وان الحاجات دي مش هتروح مننا و و و .. وفي الاخر بتروح برضو زيها زي غيرها كتير .. وده بيخلينا نفقد الثقة في نفسنا وفي اختيارنا وفي كل حاجة حوالينا .. واحنا بعد ما نفقد الثقة دي مش بنعرف نكمل في اي حاجة .. واللي بيروح صعب جدا أنه يرجع تاني .🙃🙃

View more

+4 answers in: “ما هي الحياة؟”
Next