" طول ما انت عايش هتفضل تتعلم "
هتتعلم إن مش كل حاجة حلوه لازم تدوم... هتتعلم إن في ناس هتكون مراحل في حياتك هتيجي لغرض يعلمه الله وهتمشي ..هتتعلم مين إللي تبكي على كتفه وهتتعلم إن ساعات لازم تمسح دموعك بإيدك انت وبس..
هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وكسروا بقلبك وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..
هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصديق الجدع ابن الاصول.. هتتعلم إنك تعيش بشوية تشوهات جوا نفسك بس عادي ،مش عادي !! كله خير وبيعدى بس مش بيتنسى...
هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..
هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..وهتتعلم إنك ساعات لازم تفتح الطريق للي عايز يمشي ويسيبك..وإنت قلبك راضي وماشي في سكتك وعملت اللى عليك معاه..
ومن أكبر الحاجات الي لازم تتعلمها إنك تسامح نفسك وتسامح إللي حواليك لو قدرت..وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح وعلشان الهدف الصح !!

View more