كيف الواحد بقدر يخبي الزعل او الديق من ملامحو و اسلوبو؟

#مجهولة_الهوية ||
ليش لحتى تخفيه، كل شخص منا بمر أحياناََ ب أوقات زعل متل ما بتمر عليه أوقات فرح، ليش لحتى تخبيه جواتك ويخلق جواتك أشياء ممكن تأذيكي ل قدام لأنك ما طلعتيها وريحتي قلبك وروحك من جوا، هلأ هاي طبيعة بشرية ربنا خلقنا مو ع طول ب نفس الشعور ولا ع طول ب نفس الحالة..
إشي طبيعي متل ما في فرح وتكوني متل الطفلة الصغيرة طايرة من فرحتك وتتمني بوقتها إنو إلك أجنحة ل طيري بالسما لانو الأرض مو واسعة فرحتك.. 💛
في أوقات كمان بتكون عكس هالشعور، وتكون الدنيا بكبرها بعيونك متل خرم الأبرة، هيك الحياة، ولهيك إسمها دِنيا، مش كل إشي منقدر نتحكم فيه ونحصل عليه متل ما إحنا بدنا ياه، بإختصار مش "جنة"..
لهيك نصيحة لألك وقت ما تزعلي ما تخبي إشي خليه يطلع لتحافظي ع سلامة قلبك وروحك وتحميه، لأنو التراكمات الكتيرة، بتخليكِ آخر إشي تبكِ لأنو مو حاطين سكر ع الشاي 🤷‍♀️😁
بس إذا إنتِ ما بتقدري تسيطري ع ردة فعلك خوفاََ من إنك تأذي الشخص القبالك ب أي ردة فعل ممكن تصدر منك من غير قصد، إعتذري وأبعدي، ووقت ما ترجعي ل طبيعتك تعالي ل عندهم.. 💛
بس إحنا لازم نقدر إنو الشخص القبالي بمر ب ظروف وأوضاع إحنا ما منعرف عنو، ل هيك ع طول لازم يكون عنا حسن الظن تجاه الشخص القبالي وحتى لو عاملني ل يوم بشكل سيء، هاد الإشي ما يغطي ع الأيام والأوقات الحلوة إلي قضيناها مع بعض ب وقت لما كان فرحان ومبسوط ومرتاح.. 💛
لهيك ما تخافِ إلي بحبك رح يراعي شعورك، ويحسن الظن ب أي إشي ممكن يصدر منك، ورح يحتويكِ ويحتوي شعورك، وما يتركك ويزيدها ع قلبك
ب النهاية ما تخبي أي شعور سواء فرح او حزن، لأنو إلي بحبك رح يفهم عليكِ من حركة صغيرة غريبة صدرت منك، وما يفهمك غلط ويتقبلك ب قلبو 💛
الله يفرح قلبك، ويريح بالك، ويجعل كُل أيامك فرح وسعادة وراحة يا رب 💛💛