اعتقد ان بمسألة او بأخرى اخطأنا في تعريف الحب لنقول انه شيء نادر في حياتنا ظهر فجأة و ظهوره يجب ان يكون طبيعي لا تتأثر بذلك .. ما رأيك ؟؟

مين قال الحُب إشي نادر، الحُب أساس الحياة، فطرتنا أساسها حب وسّلام وسكينة وطمأنينة، الحُب نخلق مع البشرية، الحُب مو إشي نادر بس إشي عظيم 💛
وكمان ليش لحتى يكون طبيعي، هلأ لما ربنا يمنحك نعمة، أكيد بدك تشكروا عليها ليديم هالنعمة عليك ويحفظها ويزيدها، "وأما بنعمة ربك فحدث "، والحُب نعمة وحتى تشكر هاي النعمة بدك تظهرها للناس الي حوليك وتمنحهم الحُب..
الرسول عليه الصلاة والسلام قال : " إذا أحب أحدكم أخاه فليعلمه أنه يحبه ".. 💛
وفي مقولة ل محمود درويش بتحكي "إذا أحببت أحداً فأخبره ليعلم .. وكررها ليطمئن .. واعمل بها ليوقِن".. 💛
ف الحُب أساس العلاقات بين البشر، إذا ما كان في حُب صعب تتعامل مع الشخص الي قبالك، لأنو متل ما ذكرت الحُب بخلق جوات الشخص الراحة والطمأنينة والأمان والسلام، إذا ما توفر الحُب ف ما حيتوفر أي عنصر من هالعناصر، إلي هي أساس العلاقة بين الناس، رابطة العلاقة واستمرارها وقوتها .. 💛
ف برأي الحُب إشي مش نادر، إشي كتير حلو، والحُب مو بس متل ما منعرف بين شب وبنت، لأ، الحب بينك وبين أهلك، الحب بينك وبين صحباتك وصحابك، الحب بين كل الناس، ما بنحصر ب علاقه تحت مسمى معين.. 💛
.. 💛