• فَيَّحْاء ؛ 💛

آلااااء
هل الأهتمام الزايد بخرب العلاقة؟
موضوع كتير مهم صراحة، وجانب اتوقع الأغلبية عندهم مفهوم خاطئ عنه ول هالسبب يؤدي بالعلاقة لتدهور..
هلأ الأهتمام كلنا منتفق شعور كتير حلو، ومن أجمل الأشياء الي ممكن الشخص يقدمهم ل الطرف التاني ليعبروا عن أسمى مشاعر الإنسانية إلي هو الحُب.. 💛
بس ع قولة جدتي 😅" كل اشي بزيد عن حدو بقلب ضدو"، فعلاََ هلأ لما أنت أضل تقدم الأهتمام بشكل مستمر ومتزايد يعني ما عندك كنترول يتحكم ب كمية العطاء للاهتمام، هون بتخلق مشكلة، مشكلة كبيرة، أول إشي بصير الاهتمام بدل ما هو أجمل إشي ممكن يقدمو الشخص، بصير إشي روتيني وملل، مع انو أنت بتكون عم تعمل أقصى جهدك ل تقدم هالأهتمام بس الطرف التانية شايفو إشي عادي ومتل كانو حق من حقوقو 🤷‍♀️، وإذا قللت الإهتمام ولو شوي هيك أنتَ بتكون مقصر ب حقو وزي كأنك مرتكب ذنب كبير، وبدك غفران عليه🙆‍♀️
ف ل هالسبب كلشي ب الدنيا ب التوازن، حياتنا قائمة ع الوسطية والتوازن، صح الاهتمام حلو بس الاحلى هو الكمية إلي لازم تعطيها للطرف التاني، والحياة اخد وعطا متل ما بتعطي لازم تلاقي، غير هيك بعتبر عم تستنزف ب مشاعرك ب الطريقه الخطأ.
في مقولة قرأتها عجبتني كتير بتحكي "إلي بقدم الإهتمام وما بلاقي مقابل، متل لما تعطي الدوا ل جثة"..
لهيك خلينا نكون معتدلين ب الاشي إلي منعطيه ونوقفوا إذا ما لقينا مقابل أو على الأقل تقدير ل العطا إلي بتعطيه 💛
والعلاقه تشاركية متل ما انا بعطيك، لازم انت تعطيني لتستمر هالعلاقة، ما تحسسني انو انا بس إلي عايشة فيها لحالي.. 💛
#فَيَّحْاء_الحَديّدي