كيف ممكن نوصل للسلام الداخلي؟

السلام الداخلي، موضوع بلفتني كتير، والأحلى أنو كُلنا منسعى ل هالسّلام..
أول إشي وأهم أساس هو السّلام إلي ربنا بمنحك ياه، وصراحة ٢٨ حرف عاجزين إنهم يوصفوها، لأنو هي مو مجرد حكي، هي شعور،بتحس فيه، والشعور صعب تعبروا ب مجرد كلمات بسيطة.. 💛
كيف رح يجيك هالسّلام، بيجي من قربك ل ربنا، من حفاظك على كل ما أمر فيه، وتبعد عن كل ما نهى عنو، السّلام الروحي إلي بجيك وقت ما تصلي وتتواصل مع خالق الكون، بوقتها ربنا أقرب إلك من انفاسك، بالرغم انو ربنا موجود فوق ب السّما، بس ما رح تحس ب مسافة البعد ب هاللحظة ب الذات.. 💛
بتوصل لألو وقت ما تتقرب من خالقك ب كُل حالاتك فرحك قبل حزنك، وقت الفرج والضيق، وقت ما تشطب على كل شخص قريب منك ب مقابل سجدة مع ربنا لوحدك أنت وقلبك وروحك 💛
والسّلام إلي بيجي من علاقاتنا مع البشر، علاقاتنا المبنية على أساس حسن النية،الرحمة بمعاملتنا مع بعض، الحنية والأمان إلي بتمنحوا لشخص فقد كل وسائل الأمان بحياتو، ومحبة الخير لغيرك متل ما بتحب لنفسك، وقت ما تخلق لأخيك المسلم ٧٠ عذر، وقت ما تتجنب الأذيه ب الوقت الي بتكون ب عز قوتك، التسامح، وبالذات التسامح أعلى درجات صلح الذات..
السّلام ببدا من جواتنا ب أشباعها ل كُل وسائل الأمان والسّلام والطمأنينة والسكينة، وبعدها بشكل تلقائي بتوزع على كل شخص حوليك، لأنو السّلام صفة معدية.. 💛
malek.mustafa also answered this question with: "بانه الواحد يصالح حاله ويسامح نفسه بتخطي الفشل والبحث عن سبل النجاح للوصول للهدف"