كيفك فيحاء، كل يوم بقرأ شو بتكتبي، عنجد فهمانة، ما شاء الله عليكي، هلا انا شب عمري ٢٢، رح اكون صريح حاسس بجفاف عاطفي حرفيا، اكيد شي طبيعي بهيك عمر و مرحلة، بس شو اعمل، عنجد مش عارف، بتمنى لو في شخص يفهمني و افهمه، ممكن نصيحة او رأيك ؟؟ شكرا كتير

يا أهلاََ فيك.. 🌸
صراحة فكرت الجفاف إحنا إلي اخترعناها وصدقناها، صدقني ما في هيك إشي
إنتَ بتقدر إنك تملي وقتك ب إشي كتير مفيد ويحسنك ل قدام ول مستقبلك وحياتك، وأنت بتفكر أنو ما في حدا معك وفاهمك وهاي الأفكار بتجيك ب وقت فراغك صح؟
ل هيك حاول ب وقت فراغك إشغل حالك ب إشي مهم ومستمر يعني مو بس تحضر أفلام مثلا، أو أي إشي بكون ل وقت معين ومؤقت، لأ إشغلوا ب إشي مهم وإستغلو صح، مثلاََ سجل ب دورات ب المجال إلى أنت بتميل لألو بغض النظر شو كان، أو شارك ب مبادرات، أو مثلاََ سجل ب جيم، يعني أنتَ أدرى ب شو حابب تملي وقتك..
ما تترك حالك ل هيك أفكار، لأنو صراحة الشغلة مو ب السهولة إلي مفكرين فيها، إنو مثلا بدي أحكي مع بنت، أنو هلأ بدي أحب وأرتبط وأملي وقتي، أبداََ مو هيك، ول هالسبب نسبة قليلة بتكمل ب العلاقة وبعيشوها صح، يعني إذا مو عشان حالك، عشان البنت الي رح تحبها وقلبها وخاطرها، يعني يمكن أنت تكون بس شغل فترة وخلص بسبب "الجفاف" ع قولتك، بس هي يمكن لأ، يمكن تحبك من قلبها، وبعدين بعد م تملي جفافك تروح، طيب وهي شو حيصير فيها؟
ف أنت شب واعي وفهمان وعمرك بوحي ل هالأشي، حاول أعمل إلي حكتلك عنو، وجرب وشوف، وصدقني رح تحس ب فرق كبير.. 💛
ونصيحة ما تستجل نصيبك وحُبك، كلشي بوقتو حلو.. 💛