@hagar_magdy4

هاجر مجدى ✨

Ask @hagar_magdy4

Sort by:

LatestTop

People you may like

طب ولا اسنان جايبة ٩٨ ثانوية ازهرية

بنوته يناسبك أكتر أسنان 💚
وشوفي بردو ميولك وانتي حابه ايه اكتر؟
الف الف مبارك يا أشطر كتكوت 💜

انا منهاره خطيبي بيقولي لو بتحبيني فعلا نتجوز عرفي انا بحبه جدا والله اثبتله ازاي اني محترمه وانا والله عمري معمل كده اقوله ايه 💔💔💔💔

قوليله ياجي ياخد حاجته يا حبيبتي
ده شخص لا يؤتمن أصلاً ومينفعش تآمنيه علي نفسك بعد الزواج حتى ولا تأمنيله هو
ولو بيقول كده عشان يختبر احترامك وأدبك فهو بردو لا يؤتمن عشان ده هيعيشك حياتك كلها في شك وقرف حرفيًا...

افرحك إزاي بجد والله مش بهزر أعمل ايه علشان افرحك

ادعولي... ادعولي كتير جدااا ربنا يراضيني ويريح قلبي ويرزقني رضاه ويختر لي الخير كله 💜

لو قالي انتي طالق واحنا مخطوبين ده يعتبر طلاق ؟

هو انتو متجوزين عشان تتطلقوا !!
بس عموما انتي محتاجه تراجعي نفسك بسبب الكلمة دي في الخطوبة كلها وفي علاقتكم وهل هتنجح ولا مع أول مشكلة هيقولك انتي طالق!
في الخطوبة وبيقولك كده!!

انا بحب واحد تانى غير خطيبي وبخرج معا وحسه انى وحشة

حاسه بس! 😅
يا جميل طالما انتي مش بتحبي خطيبك ومش مرتاحه معاه مكمله ليه؟ وبتظلمي انسان تاني ليه؟
وازاي أصلاً مرخصه نفسك بالشكل ده انك تكوني مخطوبه لشخص وفي علاقه بشخص تاني!
مش متخيلة بصراحة ان بنت ممكن يطلع منها كده
ناهيك أصلاً ان علاقتك وخروجك بالشخص التاني ده حرام سواء كنتي مخطوبه او لأ فلا يحل ليكي شرعًا انك تكوني على تواصل معاه أصلاً
المهم مش بتحبي خطيبك ومش شيفاه افسخي يا حبيبتي
والشخص التاني لازم تبعدي عنه تماما حفاظًا على نفسك ومشاعرك وقلبك
ولو هو كان بيحبك يبقى يعمل زي ما الرجال بتعمل ويتقدم من باب البيت بلاش شغل الشبابيك ده
الله يهديكي والله ويصلح حالك وبالك

لو واحد بيكلمني ٢٤ ساعه بس بيقولي ان احنا صحاب بس طريقه الكلام والاهتمام مش بتدل علي كدا خالص يبقي ايه دا

يبقى بيلعب وبيتسلي وبس 🤷‍♀️

عادى لو واحدة اتجوزت واحد اكبر منها ب 3او4 سنين

٣ او ٤ سنين ده بالنسبالك كتير ولا قليل يعني؟
انا شايفه انه فرق مناسب جدااا الاتنين في نفس الجيل ونفس الاهتمامات والتفكير والميول ونفس المرحلة العمرية تقريبًا
وعمومًا هو الزواج فعلاً مش بالسن والله ولا الفرق ده
اه التقارب مطلوب ومطلوب الفرق مايكونش اوفر بس مينفعش نحط سن معين كمقياس لأن هتلاقي اتنين نفس المرحلة العمرية ومرتاحين ومتفاهمين واتنين نفس المرحلة العمرية ومفيش اي تفاهم ولا راحة وحياة مش مستقرة وكذلك لو فرق كبير شويه نفس الكلام
فمفيش قاعدة نقدر نقيس بيها غير انك لو لقيتي اللي يشبهلك ويتفهمك ويقدر يحتويكي ومتفهم متطلباتك ومتطلبات مرحلتك العمرية وعايشها معاكي بحب فتوكلي على الله 💕
ربنا يرزقك زوج صالح تقي نقي يارب

اقص شعري ولالا هعتمد اجابتكم للعلم انا شعري لحد اخر ضهري 🥹

على حسب طبيعة شعرك لو بيطول بسرعه قصيه شويه كتغيير وتجديد
لو مش بيطول بسرعه لا خليه طويل زي ما هو وقصي الأطراف بس

Pic🌿

لما تيجي اي معصيه في بالك وتقوم تعملها... إدي نفسك ثانيه واحده بس... ثانيه واحده إفتكر فيها الأيتين دول.آية (وأما من خاف مقام ربه ونهي النفس عن الهوي فإن الجنة هي المأوي) وآية(ومن يتق الله يجعل له مخرجا ويرزقه من حيث لا يحتسب ومن يتوكل علي الله فهو حسبه)... وساعتها قول (حسبي الله ونعم الوكيل.. اللهم إني أعوذ بك من شر نفسي ومن شر الشيطان وشركه.. اللهم إكفني بحلالك عن حرامك وإغنني من فضلك عن من سواك)
Pic

جاوبوني لاني منهاره خطيبي مد ايده عليا وكان مبرره انه متعصب اتصرف ازاي 😥

محدش هيقولك تتصرفي ازاي غيرك انتي
انتي اللي لازم تعرفي ردك هيكون ايه!
بس اللي لازم تتأكدي منه ان اللي فيه طبع مش بيغيره "غالبًا" وانكم لسه مخطوبين فما بالك بالزواج
وعمومًا استخيري كتير في أمر زواجك من الشخص ده

متقدم لواحده ازاي اعرف انها مكنتش مرتبطه قبل كده؟

وتعرف ليه؟
مش من حقك تعرف حاجه عن الماضي بتاعها زي مش من حقها تسألك عن حاجه عملتها قبل كده ولا علاقاتك
دي حاجه بينها وبين ربنا ولعلها تابت
وبعدين متقدم لواحده ومن البداية في شك انها كانت على علاقة مع حد! او خايف انها كانت كده يبقى اكيد انت في وقت من الأوقات كنت كده وكنت مرتبط ارتباط غير شرعي!!
ونصيحة مفيش علاقات بتستمر وبتنجح بالشك
فالإنسانه اللي تختارها لازم تكون واثق فيها ١٠٠٪

العريس لازم يجيب موبايل بعد الخطوبه للعروسة؟؟

والله بقيت مشفقة على أي رجل بيتزوج حاليًا ويجهز نفسه وشقته ومتطلبات الزواج
حرفيًا الوضع بقى صعب جدااا عليهم ومرهق لأقصى حد
فمينفعش ناجي احنا عليهم بزيادة ونرغمهم على رفاهيات هما مش مطالبين بيها أساسًا

انطباعك ايه عن الشخص لو عرفتي انه مهندس

مالهم المهندسين يعني ياجماعه؟
فئة بشرية غيرنا مثلاً؟ عندهم قدرات مختلفه عن قدرات البشر؟
عندهم جناحات وبيطيروا؟؟
بابا حبيبي مهندس ربنا يحفظه وبالنسبالي هو أجمل وأحن راجل في الدنيا لشخصه هو وبس ❤️
Liked by: Asmaa Sayed

Next

Language: English