Ask @hager___961:

--

.512
اليوم ..18 من ديسمبر ،من عام 2020 م
ودعت صفحةً قديمةً من عُمري ، و استقبلتُ ورقة جديدة بيضاء فيها أحاول إعادة ذلك النص الذي لا يريد أن يكتمل ..
اليوم ...
تغير كل شئ في معجم ذاتي ، صٍرتُ امتضِغُ الحياةَ حافَاً بدون مُقبلات أو سَلَطات ..
أتٍَّخٍذ منها ما يَسُد رَمَقَ عدَّادَ عُمرِي، وأكتَفِي بالقَليل بكُل امتِنان ..
لقَد نَفَضَتني الحَياةُ نَفضَةً ، أسقَطَت مِن جيوبِ أفكَاري كُل حُلُمٍ خَبَّأتَه لأوقات انطِفائي ، فبتًُ الآن مجردةً من مطَامعِ نَفسي ، و مُتَجرَّده من حَولي وقُوَّتي ، إلي حَول الرَبَّ وقُوَّتهِ ..
نضَجَ كل شَئٍ فلا أرُومُ قَصراً يَطُلُّ علي حدائق روما ، ولا سَيارةً يحمِلُ ثمَنها رَجُلين ..
إنمًَا جائزتي الكُبري هي العَافيةُ في الدين ، والبَدَن ، و الاستغنَاءُ عن النَّاس ..
فاللهُمَّ حَمداً يرقَي إلي عظيم جَلالك ، علي كُلَّ نعمةٍ أدمتَها عَليَّ ، وكلُّ بَلاءٍ سَبقهُ عطَاؤكَ ثمَّ أتبَعتهُ أجرٌ و لُطفٌ ووِلايَه ..💜

View more

احكي🔏

رغم يقينا أننا نقدر .......
احنا محتاجين شخص واحد بس يكون مؤمن بينا و باللي بنعمله شخص واحد كل يوم يعزز لينا قيمة وجودنا حتي لو احنا ع اتم الثقه ان وجودنا ميتعوضش شخص واحد يشوفنا مميزين لاننا نستاهل نتشاف كدا شخص وجوده لطيفه و خفيف ع القلب
"شكراً لمن رأنا نجوم وسط عتمة الحياه" ..💜

View more

إقتباس 💙❤️

إلى ديسمبر المبهج الحزين، إلى عامٍ حمل شعار كل شيءٍ ونقيضه، إلى الأشياء التي فارقتنا والتي لم تُفارقنا، إلى كل اللحظات التي تخلينا فيها عن ضعف،ٍ وتظاهرنا ولو ببعضٍ من القوة، إلى كل طيف مرّ من خلالنا فقط ليُبهجنا، إلى الدموع التي ذُرفت وأخرى لم تسنح لها الفرصة، إلى المواقف التي لم نُدرك الحكمة منها وفهمنا مَغزَاها بعد فوات الأوان، إلى حياة أدركنا فيها أن لا شيء للبقاء ..لا شيء أبدًا، وأخيرًا إلى أنفسنا التي كانت ومازالت الأبقى لنا
سلاماً طيباً ..💜

View more

🍃|

Fatma Ahmed
_ موافق على تحمل مزاجيتها المتقلبة و الاهتمام بأدق تفاصيلها كأنثى ؟
_ موافق يا شيخي.
_موافقة على مشاركته مر الحياة و حلوها، و لا بأس بمشاركته ألعاب البلايستيشن أيضا و مفضلاته كرجل؟
_ موافقة يا شيخي.
_ إذا اشتكت لك يوما أن ظفرها قد كسر، ماذا ستفعل؟
_ سأشعرها بمدى حجم الكارثة التي أصابت كلانا، ولا بأس بجلسة صغيرة أواسيها فيها أو أبكيه معها.
_ احسنت يابني، و الآن أعلنكما زوجا و زوجة، سندا و عونا، ملاذا و أمنا، وقلبين بروح واحدة..💜
_ آية عيسى.

View more

'💛'

シ يــاســــمــــيـــن シ
من الممكن أن تغفر لك تقصير شهر بأكمله؛ فقط إذا أغدقتها ساعة واحدة بمشاعر حب صادقة، ستنسى كل الأذى الذي سببته له؛ فقط إذا شعرت بندمك وأحست بأنك عليها باق، ستترك الخصام والنكد جانبا حينما تخبرها بأنك متعب وبحاجة إليها، وربما تظل مستيقظة ليلها كله؛ فقط لأنها تريد أن تيقظك في ساعة معينة من الصباح، ستهب وتعطي وتبتسم وتدلل وتصبر وتعين؛ فقط إذا أحست منك بأنك مكتفيا بها، لا تبصر سواها، لا يهون عليك دمعها، تتقبلها بنقصها وعيوبها، تشعرها بأنها كونك وكل ما تملك. الأنثى وبكل بساطة ترضيها وردة ونظرة حب صادقة تخصها بها وحدها، ويكفيها جدا أن تشعرها بأنها سيدة النساء، وأن تحتويها وكأنها طفلتك الأولى..💜
–آيه عيسي

View more

سؤال ونشوف ردودكم. الأفضل تعرف ماضي الشخص اللي عاوز ترتبط بيه والا لأ..؟ وليه...؟ عاوز اجابات مش رد بكلمة والسلام

نـــــــادر
"يَا أَيُّهَا الَّذِينَ آمَنُوا لَا تَسْأَلُوا عَنْ أَشْيَاءَ إِن تُبْدَ لَكُمْ تَسُؤْكُمْ "
انا مش ضد الفكره بس مش مفضله عندي
لان بتخلق مشاكل احيانا و دي مش قاعده عموما ، ف طالما ماضي الشخص كان بعيد عني كل البعد و مش هيسببلي اذاي ف حياتي الجايه يبقي بلاش ، و نحترم ستر الله لينا ..🤍

View more

اي معنا ان حد بيحب حد ولما يساله انت بتحبني ولا لا يقوله معرفش طيب هل هوا بيحبه ولا لا

نروح احنا بكل تلقائيه نقوله اما تبقي تعرف ابقي كلمني 😅
العلاقات المرهقه اللي دايما واخده الوسطيه الغير معتدله دي مقرفه حقيقي
اللي انا بحبك بس هطلع عينك و مش هقولك او هحسسك عكس ده ، و اللي شايف نفسه متردد انه يكون طرف محترم ف العلاقه و يعتمد عليه يبقي يفضل لوحده و ميقرفش الناس معاه ، اصل الحياه مش ناقصه ..😌

View more

وال بيتقدم عرر ومش مناسبين ولا كويسين ولا بنحبهم.. ده حال الدنيا.. طولت عليكي ي حبيبتي.. اتنسيش تدعيلي ع طول وفرحت بالكلام معاكي والله بجد وتاني انسر ختها اسكرينه عشان حبيتها اوي بتاعت المشي سوا

يبقي نستني اللي يناسبنا
سمعت من د/ شيماء حاجه حلوه جدا فينا معناها
بتقول انا ايه يخليني اشارك حد المكان اللي بحبه لما انا مرتاح و المكان كله بتاعي لوحدي ومش هيخنقني ف حد رد قالها لان انا حباه يشاركني ده بس برده ميخنقنيش قالتلها يبقي تستني اللي يحب يشاركنا ده و احنا مرتاحين تقصد هنا الشخص المناسب
انا اللي سعيده جدا بالكلام معاكي وان شاء الله هدعيلك ربنا يعوضك خير ..💙

View more

+6 answers in: “بحب حد ومش بيحبنى اعمله اى؟”

لا ي غالية انا مش عاملة حصر ولا حاجة... حتى قبل ما احبه اقصد او اعرفه.. كان كل ال بيتقدم مش مناسب وانا مش بحبهم ولا قلبي بيدق ليهم... وبالنسبة للعوض ف انا عماله كل خازوق يحصلي اتعوض بخازوق تاني بعده اوحش واصعب من ال قبله حرفيا.. ومش بتعوض بحاجة حلوة ابدا...للاسف بنقدر وبنحب ال مش بيقدرنا او نصيبنا

عادي جداً ان كل اللي يتقدملك يكون مش مناسب ، زمانك بتقولي مالها دي كل حاجه عادي كدا 😅
اصل لو شوفنا كل شخص بيتقدم لينا مناسب كنا زمنا لبسنا ف حيطه من زمان
و ع فكره بقا متوفقيش بحد انتي شايفاه مش مناسب ولا ف كميا ما بينكم
و حوار دقه القلب ده مبيحيش من رؤيه شرعيه ع فكره مبتكملش ساعه ف لو حاطه امل ان حد اول ما تشوفيه قلب يدق ف مش هيحصل ، ممكن يكون قبول ايوه اما دقه القلب دي مبتجيش غير بالمواقف و المعامله ناس قضينا معاهم اغلب وقتنا ف عرفنا انهم يستاهلوا حبنا ده 😉☺️
عمرنا ما سمعنا ان العوض بيجي زي ما قولتي كدا دول كلهم اختيارت غلط و العوض ملوش دعوه تخيلي بقا 😅
الموڤ اون السريع ده مينفعش خالص و مش اي حد بيضحك لينا و بيعاملنا بلطف بيكون بيحبنا ..
و حقيقي زعلت جدا ع جمله مش بتتعوضي بحاجه حلوه دي لان لو انتي مقفله عينك ع النعم اللي ف حياتك كلها ييقي انتي فاهمه الحياه غلط مش علشان متحبناش ننكر النعم دي
لطف ربنا نعمه و ستره نعمه ، رضاه علينا نعمه ،قبوله لينا بعد كل غلط و ذنب نعمه،
احمدي ربنا ع لطفه و متتجهليش نعمه
اما اختيارتنا الغلط مع البشر دي مشكلتنا ع فكره مشكلتنا احنا و بس و نحل ده بقا بالعرفان بالجميل بكل نعمه عندنا و متجاهلينا و بنجري ورا حاجات ممكن ملهاش اساس غير ف دماغنا و خايلنا بس
بعتذر جداً عن طريقني هنا بس انتي محتاجه ترجعي نفسك اكتر ..😌

View more

+6 answers in: “بحب حد ومش بيحبنى اعمله اى؟”

تعليقا ع جملة قولتيها" فيها ايه لما نفقد صفر ع الشمال وسط كل البشر ده" صحيحة بس هعمل ايه بباقي الناس دي كلها لو قلبي مادقش ليهم هما ولو ال عاوزني واتقدم كان غير مناسب و قلبي مادقش ليه ولا حبيته مثلا هستفاد ايه منهم ساعتها!!

الحصر اللي عملاه لنفسك ده غلط عارفه قلبك مش هيدق لحد تاني دلوقتي ليه لان انتي مقتنعه انك مش هتحبي حد غيره بس صدقيني بقا هتحبي راجل عظيم جدا و مش كدا بس و هيكون بيحبك جدا ووقتها بس هتيجي تقولي ان الحمدلله ان الموضوع منفعش قبل كدا مع غيره لان العوض نساي فعلا وعوض الكريم مبيتقدرش بكنوز الدنيا ع فكره
خدي وقت علشان تتخطي التجربه الاولي و متستعجليش و زي ما قولتلك ده شعورك عادي جدا اتقبليه و اتقبلي الرفض ووقتها بس اجهزي لعوض ربنا
ما ي جماعه لازم نقابل ناس متقدرناش عادي اصلا مش كل الناس بتفهم يعني امال تحسوا بالسعاده ازاي لو مش سابقها مرار
وربنا يسعد قلبك و يعوضك خير ي رب ..🌸💙

View more

+6 answers in: “بحب حد ومش بيحبنى اعمله اى؟”

كلامك عظيم والله بس انا مشكلتي اني حساسة زيادة ولو اتعلقت بتعلق اوي صعب انسا وانا عايشة الحالة دي دلوقتي للاسف وحالتي ونفسيتي لا احسد عليهم بجد ونفسي ماكونشي كده والله بس صعب مما حاولت... الوقت بقا هو ال بيتولى الامر وع ما يعدي وقت وانسا بتكون روحي طلعت

دي مش مشكلتك دي مشكلتنا لما نحب
تعالي كدا نقعد مع بعض تحبي تشربي ايه قهوه ، لا خلاص ممكن شاي بلبن ،نسكافيه طيب ، انا مش هقولك انك اقوي من كدا ولا الكلام ده لا عادي جداً نضعف و نزعل و ده مش عيب خالص فينا بالعكس ده احيانا بيميزنا ، وقفتي ليه 😅كملي النسكافيه
اوعي تكوني فعلا مستنيه روحك تطلع من الزعل زي ما بتقولي لان ده مش منطق اننا نبقي عارفين اننا هنموت و نختار نموت من الزعل ، ايه يعني اننا متحبناش من شخص انتي عارفه عدد البشريه قد ايه اساسا ، فيها ايه لما نفقد صفر ع الشمال وسط كل البشر ده ، بقولك ايه ما تيجي نتمشي شويه و الاقل الجو حلو جدا و صافي ..☺️
انتي عارفه انا فاكره كان ليا حد من اصحابي برده عنده نفس المشكله وقتها لما بتحكيلي لقيتها قويه جدا استغربت م انتي عارفه احنا البنات قلوبنا دايما متغلبه علينا بسالها هو انتي مش زعلانه ولا ايه ردت قالتي انا اها زعلت ي هاجر بس وقتها ملقتش غير ان قومت صليت وفضلت اعيط و انا ساجده معرفش يمكن ربنا الهمني ل ده و فضلت ادعي ان يعوضني خير و بتحلف ان بعدها بساعات المدير بعت ليها و قالها انها حصلت ع ترقيه ف شغلها و بتقولي و بدات اعرف فعلا ان ربنا كربم و بيعوض
ودلوقتي صاحبتي دي ربنا باعت ليها شخص بيحبها جدا و دايما فخوره ان ف حد ف حياتها كدا ..☺️
و بتقول انا لو كنت شاغله بالي بالماضي كان الحاضر و المستقبل كله ضاع مني ، الماضي ضاع يبقي لازم نركز اللي احنا فيه نركز ف حياتنا و نعرف ان قلوبنا غاليه جدا
و ان احنا نستاهل اننا نتحل و نبقي اعظم انجاز لشخص واحد ع الاقل بس ده ليه وقته لما نكون جاهزين و حاليا انتي مشغوله بزعلك ده ف مش هتعرفي تميزي ،
اوعي تكوني اضايقتي ان احطيت ايدي ع كتفك ..😅 معلش اصل انا حسيت ان اعرفك 😌💙 رجلك وجعتك من المشي صح معلش اصل الشتا ده بحبه و بحب الجو و الريحه اللي بتميزه حتي حبيت ان شاركتك ف ده ،
المهم دلوقتي نشيل غبار الحزن ده و نفضه كدا بكل قوتنا ونعود لحياتنا كدا بقوه محارب وواثقه انك هتعملي ده لان محدش بيحب الزعل و كل خطوه بناخدها بتعلمنا افهمي ده دايما ..
بالمناسبه مبسوطه اننا كنا مع بعض ..☺️💙

View more

+6 answers in: “بحب حد ومش بيحبنى اعمله اى؟”

هي ضغطة زرار طيب مش ب ايدي اكرهه

هي مش ضغطه زرار بس اكيد محدش فينا هيبقي مبسوط ولا مرتاح انه يكون طرف مستهلك و بس و بصراحه يعني شايفه ان الواحد يختار يبقي مرتاح و يكفي نفسيته تكون رايقه و ده طبعا مش هيحصل لما يكون حب من طرف واحد مش شرط دايما نحصل ع اللي بنحبهم احنا محتاجين نتقبل الرفض شويه لان ده عامل مهم مش بس ف العلاقات ف حاجات كتير هتقابلنا ف حياتنا اتقبلي شعورك و اتقبلي انك حبيتي حد محبكيش و ازعلي عادي شويه لان ده حقك بس صدقيني لما تتقبلي ده انتي لوحدك مش هيهمك انك حبتيه و هتستغربي ازاي ممكن اضيع طاقتي و حياتي مع حد انا حتي مش هامش ليه ..😉

View more

+6 answers in: “بحب حد ومش بيحبنى اعمله اى؟”
Next