ساعات من كتر الزعل والحزن اللي بتبقى عايشه بتتمنى جسمك يستسلم وتقع مرة واحدة عشان ترتاح شوية من كمية الضغط والتعب والتفكير اللي أنت عايش فيه، الأحساس ده حسيته ع كبر قوي وكنت مستغرب جدًا وأنا بتمنى حاجة زى كده وجسمي رافض يستسلم.
متسيبوش حبايبكم لوحدهم في الحزن.. الحزن بياكل من روح صاحبه، وحتى لو مطلبش منك المساعدة، فغالبًا هو بيتمنى إنك تكون جنبه، ويحس إنك حاسس بيه.. أحيانًا مجرد إنك تحس إن فيه حد بتحبه حاسس بحزنك، ومصدقه، ده لوحده بيهوّن.. متسيبهمش للحزن، وترجعوا تستغربوا هما اتغيروا ليه
واحد من أسوأ انواع البشر اللي ممكن يمروا في حياتك هم الناس اللي تخليك تشُكّ في نفسك.. في صدق نواياك.. وبراءة تصرفاتك.. فيجبروك تراجع تلقائية أفعالك وتعيد على أفكارك كذا مرة قبل ما تعبر عنها.. لدرجة إنك تبدأ تتفادى حتى الكلام قدامهم.. والرغبة الطبيعية لفعل أبسط الاشياء تموت جواك.
البنات ذوقها حلو في كُل حاجه إلا فينا تختار أوسخنا و تشتمنا كلنا .