@hagerhesham2514

Hager Hesham (صلي علي النبي)

Ask me anything Follow

Latest answers from Hager Hesham (صلي علي النبي)

انا الفراغ العاطفي مسيطر عليا وبحاول اتخلص منه بشتى الطرق انا عندى ١٨سنه وبجد حاسه انى نفسي اتجوز اوى اوى يس ده مينفعش خاالص الوقتى ولسه بدري جدا كمان وخايفه كمان لو اتجوزت اتجوز واحد مش كويس او مش زى ما انا عايزة وخايفه اوى وفى نفس الوقت محتاجه الجواز اوى بس ده مش هيحصل مش عارفه اعمل ايه

مش هرغي كتير ولا اقولك نصائح ملهاش لازمة
كل اللي اقدر انفعك بيه ، اني لما كنت في أولى كلية يعني تقريبا في نفس سنك .. اتقدملي كام حد كده .. واهلى كانوا رافضين عشان الدراسة
ف عشان كنت ف فترة مراهقة .. كنت بعند وخلاص ... وحسيت إن محدش يفرض عليا رأي .. وانا عايزة اقعد واجرب
فصاحب والدي كان طبيب نفسي .. قالي إن الفترة دي .. فترة مشاعر وعواطف وبيكون الاختيار فيها بنسبة كبيرة قوي اختيار غلط والواحد بيندم بعده جامد .. وقالي إن الفترة دي شبه المنحني .. احنا واقفين في القمة بتاعته عشان كده عايزين نختار بسرعة وننجز بس احنا فوق بعيد .. ومش شايفين الأمور واضحة
ف لازم نستني لما ننزل من قمة المنحني ونبقى تحت عشان نقدر نشوف الأمور بوضوح وعلى حقيقتها ونكون بنعتمد علي العقل مش علي العواطف
وقد كان فعلا .. وكلامه كله طلع صح ..لأن الناس اللي انا كنت موافقة اقعد معاهم وانا ف اولى كلية.. لما فكرت فيهم وانا ف اخر سنة ف الكلية حسيت قد ايه كنت ساذجة وهغرق نفسي ..لأنهم مكنوش مناسبين ب أي شكل من الأشكال
فمهما كانت أسبابك اللي مخلياكي عايزة تتزوجي .. استني شوية لحد ما الرغبة تقل عندك عشان تعرفي تختاري اختيار متندميش عليه بعد كده
لأن الندم بعد الزواج مرعب .. يا هتضطري تستحملي وتكملي ودي هتكون شهادة وفاتك
يا هتطلقي واحنا للاسف الشديد في مجتمع لا يرحم المطلقات وكأنه عار .. فحريتك هتتقيد وتعيشي في عذاب

View more

+ 7 💬 messages

read all
1

مش هزار بجد متقدملي واحد واللي بحبه دخل الجيش من كام يوم بس عرفت انه خاني وبعدت عنه المهم دلوقتي الشخص اللي متقدم كويس جدا وطيب جدا وجاهز من كل ناحيه اوافق ولا استني اللي كنت بحبه ؟ اتمني محدش يطنش لان محتارة

الحب اللي بيجي قبل الزواج مش بيدوم وميأكلش عيش .. بغض النظر عن موضوع الخيانة اللي بتقولي عليه
فأكيد تشوفي اللي متقدملك طالما مناسب ، وخلي اللي في الجيش مع نفسه في الجيش بتاعه
لو اخدنا حتة الخيانة بقى في الاعتبار .. ف اللي بيخون مرة .. بيخون ألف مرة بعدها .. لأنه بيكون مرض ف الشخص مش هيقدر يتخلص منه حتي لو انتي اجمل الجميلات ومفيش زيك
ف لو حابة تنامي كل يوم عايطة وقلبك متقطع طرنشات .. اتجوزي اللي بتحبيه وافضلي عايشة في عذاب باقي حياتك 🤷🏻‍♀️☠️
1

اتجوز اي حد لمجرد اني اخلص من ضغط البيت واللي حوليا؟؟

مفيش حد عاقل يسأل السؤال ده ولا يفكر فيه حتى 💔💔
من خبرتي وتجربتي في الزواج .. اوعي اوعى تتجوزي حد وخلاص .. لازم تفكري الف مرة وتستخيري مليون مرة عليهم .. لأن الزواج ده سجن - إن جاز التعبير - فلازم تختاري سجان حنين متهونيش عليه ، يرحمك بعد الله عزوجل وقت ضعفك واحتياجك ل سند ، يكونلك رفيق في كل امور حياتك مش مجرد زوج بيامر وينهي وبس
الزواج جميل في أوله عشان مش بيكون في مسئولية كبيرة علي الطرفين ، مجرد حب ومشاعر حلوة وخروج وفسح وذكريات وردية ، الزواج الحقيقي بتظهر صعوبته بعد الاطفال ..بعد ما بتكوني فاضية وعاملة زي الزومبي من كتر التعب الجسدي والنفسي ومن كتر السهر .. والطلبات والمليون حاجة اللي وراكي اللي مش بيخلصوا ..
الزواج الحقيقي بيظهر وقت ما بتهملي في نفسك وجمالك لانك مبقاش عندك وقت ولا طاقة بسبب الاطفال
كل ده محتاج زوج حنين..زوج متفهم ..يحتويكي ويقدر كل اللي انتي فيه ويكون معين لكي وسند مش عبئ وهم فوق همومك
لو اتجوزتي أي حد عشان تهربي ، هتكوني خرجتي من ضغط البيت والناس عشان تروحي لضغوط متتالية لا تنتهي وجحيم قد يصل بكِ للانتحار لا قدر الله
ربنا يوفقك ل اختيار زوج صالح يراعي ربنا فيكي ❤️🌸

View more

صباح الخير على كل الي صاحيين للدراسة والشغل😂🤍🤍

واللي صاحيين بسبب البيبي اللي مش بينام ولا بينيم حد ☠️☠️💔
1

Language: English

4.1

1,266,418 reviews
© Ask.fm 2024