- بحبه 💔 = هييجي يوم تكتشفي انك انتي حبيتي واحد غلط ، معندوش استعداد انه يقضي بقية عمره معاكي - بس انتي ماتعرفيهوش كويس علشان تحكمي عليه = سبينى اكمل كلامي .. جايز الولد فعلا بيحب ، بس مش شرط بيحبك انتي ، و الا مكانش سابك محتارة طول المدة دى - بس انا متأكدة انه مابيحبش حد غيري = انا مش قصدي .. اصلك انتي لسه ما تعرفيش الرجالة ، الست لما بتحب بتحب راجل معين ، بتحب تفاصيله ، ملامحه ، شخصيته ، الراجل لما بيحب بيحب علشان الحب و بس ، انما الجواز حاجة تانيه خالص - بس مش كل الرجالة كده ، مش بابا الله يرحمه فضل يحبك لحد ما مات = ابوكي مش هتلاقى زيه كتير ، و اسمعى كلامي يا ياسمين ، انتى يا حبيبتى مش قادرة تفكرى صح علشان بتحبيه ، دوري على الإنسان اللى ينفع تعيشي معاه ، مش اللى ما تقدريش تستغنى عنه ، و صدقينى محدش بيموت من الحب..( السلم و التعبان ) .. 2001
الحمدلله بداية من عياطي وتوتري بقالي اسبوع وفقدان أملي ف كل حاجه لحد النهارده وعياطي ودعوات أهلي وكل صحابي واللي كان بيصحي مخصوص يصلي قيام ويدعي الحمد لله علي كل حال الحمد لله يارب مشوفش دايما فيها حاجه وحشه وتفضل مرفقاني ويومي يكون قبل يومها بجد
"يعني لولا انتي موجودة في حياتي، كان زمان جرالي حاجة مثلا من كتر الوحدة."هفضل طول حياتي اتكلم عن علاقة الصداقة وقد إيه بتصبر وبتهون أوقات كتير صعبة بتعدي علينا.. الوحدة صعبة وقاسية مش بقدر اتخيل حياتي من غير صحابي من غير وجود شخص تجري عليه أول ما تحس بشوية زعل او لغبطة في قلبك ودماغك، شخص لما توه نفسك منك تلاقيها عنده في قعدة بسيطة زي دي، شخص تشاركه تفاصيل يومك، علاقتك بيه بتتطور لدرجة إنه بيبقي جزء من حياتك، المرايا اللي بتشوف فيها نفسك وتحبها، مش من دمك بس اختارته لا ظروف ولا مسافات ولا حاجة قادرة تكسر علاقتكم دي، مهما زحمة الدُنيا بعدت بينكم، بتلاقوا بعض.تمر سنين، وأيام، ومواقف، وتكبروا.. لكن اللي بينكم بيبقي عبارة عن "ود موصول" يروح الصاحب منين ما يروح وذكرياته في القلب بتفضل."يا صديق عمري يا صاحب ذكرياتي، أنت كنز أيامي تحويشة حياتي" ادي ايدي مد ايدك، جرحي جرحك عيدي عيدك.
أسألك يا الله يا من تجلت قدرته على كل شيء اللهمّ إنّي أسألك من عظيم لطفك وكرمك وسترك الجميل أن تشفيها وتمدّها بالصحّة والعافية. اللهم إنّا ندعوك في ظهر الغيب .. امنن عليها بالشفاء وردّها إلينا سالمه من كل داء وبلاء .. يا حنّان يا منّان يا ذا الجلال والإكرام أسألك اللهم بصفاتك العليا التي لا يقدر أحد على وصفها وبأسمائك الحسنى التي لا يقدر أحد أن يحصيها.. وأسألك بذاتك الجليلة ووجهك الكريم أن تشفيها وتعافيها بحولك وقوتك.
بشوف كل حاجه تهون بُعد الناس كلها عني يهون بس الا أهلي لو شوفت فيهم حاجه بحس بعجز ومبعرفش اتصرف يارب عدي اليومين دول علي خير ومشوفش ف نور عيني حاجه وحشه ويخليهالي