🌱 🇸‌🇵‌🇦‌🇨‌🇪 🌱

RoZzã
#ضمير_الأمتحانات..!!
= ايه صوت التكسير ده ! وقافل الأوضه عليك ليه ؟- سبيني يا ماما لو سمحت، انا بكلم ضميري علي انفرد محدش يدخل, سبوني أربيه- أنا مبذاكرش ليه من اول السنه ؟ هيحصل ايه لو ذاكرت بدري زي الطلبه المحترمين !- انا عارف إنِ مُهزق ومش زيهم، مش يمكن العيب فِ كليه الاثار جايز تكون كليه ملعونه- نعم نعم يا عنياا ؟ من السنه الجديده هبدأ مذاكره هههههه، هو نفس البوء المعفن بتاع كل سنه اخراااس بقي دمرتني وضيعت مُستقبلي أبو ام الـ يمشي ورااك.- انت ضمير ميت مينفعش تعيش معايا .. انا يلزمني ضمير صاحي يفوقني - أنا محسود .. ايوه انا محسود ... باينه زي الشمس الـ فيا دا عين انا واخد عين، بس هتحسد علي ايه دا انا معنديش ميزه ومش نافع ! مش نافع بس ؟ دا انا موكوس - هو انا ليه مش بجيب امتياز و امي تقولي الأول ع الدفعه راح الاول ع الدفعه جه- لأ امتياز ايه استغفر الله العظيم هو انا هكفر ما اعدي صافي زي باقي الخلق - هو أنا مبذاكرش ليه ؟ يمكن عشان مش فاضي ! ايوه صح انا مشغول، عندي حااجات بتشغلني وبعدين اجيب وقت لكل حاجه ازاي، مشغووول طبعاً، هي دي محتاجه كلام- بس مشغول ب ايه ؟ دا انا بتنطط زي الفرقع لوز ع الابليكشنات من الانستا للماسنجر للواتس للسناب شات ! يمكن ودان الكلب وسنان الارنب علي السناب شات هما الـ شاغلني ؟ - لازم اوضع حد لفشلي و اذاكر، ايووه هذاكر و هكون انسان جديد و..= انت بتعمل ايه يا ابن الموكوسه وبتكلم مين فِ الاوضه - ايه يا ماما قولت 100 مره محدش يفتح عليا الباب = انت كنت بتكلم نفسك يا اخرة صبري ؟ - كنت بكلم ضميري عشان افوقه، لازم أجتهد يا امي واعوضك عن تعبك وسهر الليالي= جسمي أشعر يا ولا ؟ والله جسمي نمل ، مش مصدقه ان الجبله بقي بيحس- خلاص يا امي انا أتغيرت, هبص لمستقبلي وبس، هستأذنك يا امي بس أغير هدومي= الكلام خدنا وصلاه الجمعه خلصت من بدري صليها هنا وخلاص، بلاش تنزل وذاكر - لأ، انا نازل بس فِ حوار كدا هخلصه مع صحابي و عندنا لعب كوره وبعدها رايح فرح بليل .. بس خلاص يعني من بكرا بقي هذاكر و أجيب قلم رصاص ومسطره واستيكه وتعمليلي شاي بلبن وبقسماط بسمسم ومن بكرا هتغير وكله هيبقي تمام = ..........- بتبصيلي كدا ليه ؟ لأ شبشب لااااء ! بلاش الشبشب بيعلم ف وشي.
_مقتبس 😂💙