هنا
انا! انا كلمه توديني وتجيبني والله🤦♂️
حسيته أفضل أسلوب للإنتقام أو تخليص الحق اللي مخلصش مع الأسف ،هي مره عملتها وكانت المشكله أكبر من مشكله متدواله ف أي علاقه ف كان طبيعي محسش ب أي نوع من أنواع الذنب وحقيقي كان شعور حلو وكنت فخور جدا بيا
بالمناسبه انا مش شايل ليهم ذره كره بالعكس كل الخير حقيقي، ربنا يساهلهم الحال ولكن بعيد عني.
كل سنه وانتوا مصدقين نفسكم كملاك وانتوا اصلا فيكم كل العبر، كل سنه وانتوا مش فاهمين ومش حاسين بقيمتنا وبنفسكم عشان لو فهمتوا وحسيتوا هترجعوا واحنا هنضعف ونحِّنلكم ودي تبقي الأذيه بعينها، كل سنه وانتوا فاشلين في محاولاتكم معانا ومغيبين وشايفننا احنا الوحشين...عشان متقربوش مننا تاني، وكل سنه واحنا عاقلين وربنا فاضحكم قدامنا لأجل نيتنا اللي مقصدتش غير كل خير ليكون المقابل كل شر.
منكرش احتياجي بعض الأحيان لبعض الناس في ظروف ما ومبقولش اني في حاله استغناء تام عنهم في كل الأحوال.. مهما كانت حياتي كامله بشكل او بااخر بتعرض لمواقف بتأثر عليا بـ السلب زيك ولكن احتياجي بيتمثل في صوره متسببليش أذي عالمدي البعيد بسبب إفصاحي عن خصوصياتي لشخص مفارق بطبيعه الحياه فيستخدمها كسلاح ضدي ان لزم الأمر يوماً ما ،ببساطه بيتمثل في شخص اخرج معاه بره المود مش احكيله مشاكلي وتفاصيلي اللي ما دمت معرفتش احلها ف انا واثق ان حلها مش عند حد تاني.
انا في اختراع الأمل
صاحب عَشر براءات
صاحب مزاج فلسَفي
فرحي ضعيف! لأ عَفي
حُزني خفيف! لأ خَفي
- فؤاد حداد.
ان سمعت كلامهم وعملت control لـ لسانك هتتشاف متصنع وان بقيت تلقائي واللي في قلبك علي لسانك هيقولوا دبش ومعتوه بيهبد اي كلام وان متكلمتش خالص هتبقي تنك ومغرور وما دمت في كل الحالات مُنتَقد بشكل او بااخر يبقي تتعامل علي طبيعتك محاول تغيير السلبيات اللي انت مقتنع بيها لا اكثر تارك وراك ارائهم اللي ما هي الا حقد.
إطلاقا ملكش الحق تجلد نفس علي إختيارك لإنه وفقا للبدايه انتقائك كان صحيح بنسبه كبيره ، أي صدمات أو أخطاء اكتشفتها أثناء العلاقه كان واجب من البدايه تضع لها إحتماليه وجود ولو بنسبه 1٪ وتوفرلها ميزانيه كافيه من طاقتك بحيث تساعدك في الوقت المناسب علي التعافي وتجاوز الموقف.
مفيش حاجه اسمها انا قررت انسي فا هنسي وكوني بسأل يأكد صعوبه موقفي، عامه غير منطقي انك تقرر نسيان حاجه لسه فيها الروح جواك والتناسي ما هو الا قله حيله ... يوجد اكتر من طريقه للمساعده علي النسيان ،منها الايجابي والسلبي ومع ذلك بنسبه ما بتكون غير فعاله مع البعض نظرا لاختلاف المواقف وعزيمه الشخص نفسه وليفل النضج اللي واصله..
ونظرا لان النسيان من اجمل نعم الله عز وجل وان الدين لم يترك حل لمشكله هنلاقي ان اخذ الأمور من منطلق قول الله تعالي "وعسي ان تكرهوا شيئا وهو خير لكم و عسي ان تحبوا شيئا وهو شر لكم والله يعلم وانتم لا تعلمون" هو اسرع وافضل حل ما دمت مؤمن ايمان تام بالله عز وجل ودا الحل الايجابي اما السلبي ف انا مش هحب اقوله.