Ask @hamdyemadh:

People you may like

_🖤

asmaaelshiekh296114’s Profile Photoغــامــبــول❤
واحدة من اللحظات المؤلمة، لما تفقد الشغف ناحية شئ كنت موليه كل اهتماماتك وطاقاتك، وده مبيحصلش في يوم وليلة، بيحصل بعد محاولات طويلة ومتكررة للحصول عليه، لكن بيكون في مانع كل مرة .
فقدان الشغف شعور قاسي، أنا شخصيًا بستغربه، نفس الأشياء اللي كانت هدفي وغايتي بترجعلي تاني لكني مببقاش متقبلها ولا شايفها بنفس الجمال زي مرات كتيرة فاتت .
"أنا لا أستسلم أبدًا إلى أن يصل الأمر إلى الاستحالة أو أفقد الشغف تمامًا"

View more

Space 💙

moh89545’s Profile PhotoMohammed
الأختيار الخاطئ غلطتك انت، لا هو غلط الدنيا ولا انت حظك وحش أو قليل .
انت اللي بترضى بحاجات أقل من طموحك، وبتدي ناس أكبر بكتير وكتير من حجمهم الحقيقي، وبتقرب ناس ليك مش شبهك .
كل اختيار خاطئ نتج عن تحملك لحاجات في الطبيعي مبتتحملهاش، وفضل جواك شك ناحيتها طول فترتك معاها، وكنت عارف إن فشلها أكبر بكتير جدًا من نجاحها و مع ذلك كملت فيها.

View more

Space ♥️

alyaaaboalala1’s Profile Photoعلياا✨
فوق إنها فرض وأول ما يُسأل عنه يوم القيامة فا في جانب للصلاة عظيم جدًا لو واظبت عليها.
أول ميثاق لحب ربنا ليك إنه يثبتك، وأعظم رابط بينك وبينه إن إيمانك الغيبي يكون صادق مش بس بالقول، ودي حاجة إحنا بنقولها لما منصليش، أنا واثق في ربنا، أنا..أنا، لكن صدق القول ده هيكون حقيقي لما تصلي وتواظب عليها.
مكانش غريب ذكر القلب في مواضع كتيرة جدًا في القرآن، بس الغريب إن فعلًا الإيمان بيكون نابع منه مش مجاز، قلبك بيطمئن بذكر الله والوقوف بين إيديه.
لما يصيبك ابتلاء هتلاقي الناس عمالة تذكرك بربنا، وإنت أصلًا عندك قناعة كاملة بإنه لسبب، وعندك يقين لا يخالطه الظن إن الخير جاي، عشان كدة مفهوم الرضا بقضاء الله أعقد من إنك تقول إنك راضي، لأ، ده لازم يكون نابع من قلبك نفسه.
مجرد ما تصلي، وتواظب على الصلاة؛ هتعرف فعلًا العلاقة الغيبية بيننا وبين ربنا، وكل المسافات الموجودة في العالم هتتقرب بالتدريج لدرجة هتحسسك إنه معاك في كل مكان فعلًا والله.
"قَالَ لَا تَخَافَا ۖ إِنَّنِي مَعَكُمَا أَسْمَعُ وَأَرَىٰ"

View more

"♥️..

لما تشوف حد بدأ يلتزم ويصلي، متفضلش تتريق عليه وتقوله كلام من نوعية "بقيت شيخ إمتى" و "دخلت الإسلام إمتى" .
الكلام ده فعلًا ممكن يصده عن الصلاة، لإنك بتحسسه إنه بيعمل حاجة قبيحة أو مش المفروض يعملها، يكفي وجود النية عنده ورغبته في إنه يعدل من نفسه .
ناس كتير كانت مفيش زيها في ارتكاب المعاصي، وطريق هدايتهم بدأ بركعة في مسجد، أو في البيت، فوق إنه بيجاهد شيطانه ونفسه، بتخليه كمان يجاهد كلامك السخيف .
"إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ"

View more

-

لحظات الانسحاب من أي علاقة هي الأقسى، توديع صديق، إنهاء علاقة بعد كلام مطول لساعات سحبك من يومك .
إدراكك ان الأمور خلاص كده انتهت، مفيش أمل، الكلام اللي اتقال مضمونه ان مفيش أمل، و انت وقعت ف اختيار خاطئ، ربما هو جديد يُضاف لقائمة اختيارات طويلة كلها غلط .
بعد الإنهاء هتعيش فترة طالت أو قصرت بحاجة للتعافي من طموحاتك الوهمية واصطدامك بواقع كنت بتتفاداه بكل الطرق ومن الكلام اللي اتقال برضه، والأهم ، من ثقتك في شخص جديد خذلك، و انت حاكيله عن كل اللي خذلوك، مكانش ينفع هو يكون زيهم .

View more

Next