كان في سؤال بيقول إيه اللي جابرك علي الرحلة الفردية لحد دلوقتي..
وهجاوب عليه هنا بعد م الحمد لله ربنا من عليا وكرمني وأغناني ❤️
انه كان شعور صعب بالنسبالي إني أبقي مضطر أنجح ف علاقة..
والأصعب إنك تبقي واخد علاقة قياسا ومقارنة بعلاقة تانية..
لأنه كدا أنت حتي لو في وضع أفضل ف أنت بتقنع نفسك بكدا وإن أنا كدا زي الفل 😂😂😂
وكما قيل..
نحن محكمون بالفشل لو تركنا الماضي يحكمنا..🥲
وغير كل دا ربنا بيعوض بالأجمل وطلع الدنيا فيها حجات كتير قدام عيوننا بس إحنا اللي كان قافلين الباب وكنا قافلينه بمزاجنا وبنعمل بأصلنا..
لكن فعلا ربنا كان عنده الافضل دايما دايما واختياره عزوجل انسب وعلي مقاسنا بالملي ❤️
اللهم غيرنا لحال تحبه وترضي عنه.. لحال لا نشقي به أبدا في الدنيا ولا في الآخرة ي الله ❤️🤲
ليلة 29 رمضان..🌙☹️
رغم كل حاجة حلوة ف الاجازة ومن اجمل الايام اللي عشتها ف البيت.. لان الجيش رباني وعرفني قيمة كل شيء حتي شربة الماء..
ألا إن أصبت بلعنة القلق والارهاق والارق..
اكثر من عشر ايام اقصي مدة نوم ع بعض كانت اربع ساعات.. ليه معرفش.. عشان ايه معرفش.. انا حتي مفيش حاجة ف حياتي تشغلني افكر فيها..؟!
بقوم من النوم دا بعد حرب قبل النوم عشان اعرف انام اصلا... بقوم كدا شعور وإحساس أنك فاقد حاجة.. حاجة مش ملحقها بدور عليها ف مرحلة لا وعي قبل م ادخل ف مرحلة الوعي..
كل دا بيحصل معايا ومش لاقيله سبب واحد مقنع.. ولا لاقي سبيل اتخلص منه لان مش عارف دا بيحصل ليه !!!
+ 1 💬 message
read all
كل شيء مقدر لك في الوقت المناسب..
وكل قضاء الله خير.. وإن أحبه الله فقد أرضيت الله إن كان في قلبك ما قدر أحبه إليك..❤️
وأعلم أن ذرة توفيق إلهية تغني عن سنوات تخطيط وعمل..❤️
ألا إن لربكم في أيام دهركم لنفحات ألا فتعرضوا لها..🤲
إحتضن مُصحفك فَنحن قومً بالقرأن نتنفس🖤.
وَأَسْأَلُكَ بِجُودِكَ أَنْ تُدْنِيَني مِنْ قُرْبِكَ.💔🤲
والله يكفي الفرح والبصيرة والراحة اللي محاوطة قلوبنا... وشايفين إن تدابير ربنا عزوجل كانت أجمل التدابير.. وشايفين كل حاجة بتترسم قدامنا.. وأن سعينا مراحش هدر ولا راح ببلاش.. وكل حاجة اتعبنا فيها لقينا مقابل..
ولله الحمد علي كل النعم اللي ربنا رزقنا بيها.. والحمد لله إن ربنا أكرمنا نشكره علي نعمه كمان..
ليال كتير كنت أبات فيها حزين وشهور.. ولدلوقتي بحزن بس دا سنة الحياة ومكنتش كاملة لحد قبلنا ولا هتكمل لينا.. واللي وقع مننا ف السكة مموتناش بعده يعني بالعكس أخدنا الافضل منه.. وثقة ف الله وتعامل وتجارة مع الله واقسم بالله مرة واتنين وتلاتة واربعة إنه لما ببقي خلاص حياتي في شيء وأفقده ألاقي ربنا فتح باب مكنتش متخيل أوصله ولا أحصل عليه.. الحمد لله إنه ربنا بيده ملكوت كل شيء.. وكل مسائلنا بيده.. وخزائنه مليء لا تغيضها النفقة.. كريم.. قريب.. مجيب..
ويبقي غناءه بفضله علينا عما أغناه عنا 🤍🤲
أن ننال م طال به الرجاء يارب ❤️🤲
عبد الرشيد صوفي... ❤️
من أعلم أهل الأرض حاليا بالقرآن..❤️
https://youtu.be/oNa8yF-D11M?si=6ck8XuQprqhXs3jv
قعدة بالدنيا وما عليها.. اللهم أدم جميع نعمك علينا..☕️🤍😌
