Ask @haneen1131997977:

كيف يتغير سلوكك عندما تقع في الحب؟

حكي طفلة صغيرة بحكيه
ما بعرف اصلا شو فيه
كلماتي بسيطة من قلبي
بتحكي وجعي اللي مخبيه 💔
..........
ليش احنا بنخلق ازمتنا؟؟؟
ليش بتتفرق كلمتنا
نفسي اعرف شو اللي بيمنع
ضحكتنا الحلوة ووحدتنا !!!
.........
ليش السارق بسرق ؟؟اااه؟
لو ما هالمترف أعطاه
ليش بنسمح للشيطان
الحاقد يوصل مسعاه ؟؟؟؟
........
في جواتي كلام كتير
ليش بنتكبر ع الغير ؟؟
وماتت فينا الإنسانية
وقطعنا أحبال الخير
......
لما بنتساعد شو بنخسر؟
واللهي رح نربح اكتر ❤
ليش بنفرح لما بيوقع
واحد فينا وما بنتأثر
.......
ما بنصدق نمسك قصة
ع بعضنا....بنعملها رقصة
ليه م بنتسامح يا عالم
ونعطيهم اكتر من فرصة؟!🌹🌸
.....
ليش احنا ضد الابداع؟🌼
للخيبة احنا صناع
كل ما نشوف واحد ناجح
بنتمنى يرجع للقاع
......
نجاحه والله ما بأثر
ع نجاحك افهمني وفكر
كل واحد في بذرة خير 🌼🌿
بزرعها بيبني وبيعمر
........
لما تشوف اي إنسان
بمزح مبسوط وفرحان
احكي الله يديم الضحكة
ما تحسد متل الشيطان
الله وحده بيعلم انه
شو مخبي دموع وأحزان 😢💔
الله أعلم شو جواته
بس هو التزم الكتمان
يمكن بضحك بس بقلبه
الم وفقدان وخذلان
............
لما تشوف الناجح بكبر
احكي الله يعزك اكتر
الله وحده بيعلم فيه
كم مرة حاول وتعثر ......
.....
لما تشوف اذكى عقول
افرح وصل ع الرسول
الله ينفع فيك الأمة
وترفعها بعلمك على طول
.........
صدق ربك والله عادل
م بيخلق ناجح اوفاشل
احنا اللي بنصنع انفسنا
والفاشل اصلا مش سائل
...........
عينك بقناعة شبعها
وعن نعمة غيرك اقلعها
لو شاف الله فيها خير
عنك هالنعمة ما بمنعها
.........
قدر نفسك ...عزز ذاتك
اتعب وتفكر جواتك
رح بتشوف النعم كتيرة
وغيرك شو بتمنوا حياتك
............
ربك وقت الابتلاءات
معها بنزل قوة ..ثبات
اللي بلاؤه اكتر منك
قادر يتلقى الصدمات
........
هيك الله لما بيخلقنا
م بحملنا فوق طاقتنا
اللي مرفه ما بيتحمل
يعيش بلحظة عيشتنا
واحنا لو عشنا بمكانه
قسما قسما ما تريحنا ...
.....
اقنع وارضى بالمكتوب
صدقا سيدنا يعقوب
لما حكى لابنه ما تحكي
حلمك....كان عارف القلوب ☺😉
#حنين_حسام
#

View more

هل تعلم لما في الآية القرآنية (الْمَالُ وَالْبَنُونَ زِينَةُ الْحَيَاةِ الدُّنْيَا ۖ ) جاءت 'البنونَ' مفتوحة الآخر رغم أنها معطوفة على مرفوع 'المالُ' ؟! ((سأضع كوينز للإجابة الصحيحة⁦⁦:-D⁩🙆🏻‍♀️⁩✨))

Ťâmârã Ňaŝeř
ملحق بجمع المذكر السالم علامة رفعه الواو

View more

يسعد مساكم جميعاً .. بدي أسألكم سؤال اذا بتعرفوا إجابتو .. البريد الالكتروني اللي بكون مسجل هون عل آسك الرسائل اللي بتوصل على لحساب بوصلن كمان على البريد .. ؟! يعني اذا فتحت البريد بلاقي الاسئلة اللي بتوصلني عليه ؟! وشكراً كثير الكم سلفاً 🤗🤗🤗🤗

يمكن لأ

View more

Next