بكل تأكيد، من ابسط الاشياء انه مستحيل يستريح نفسيا حتى لو مش ظاهر هالشي بس ثقي و تأكدي ان ربي عمره ماينسى عبده المظلوم، بعيدا عن هذا كله حاولي تشغلي نفسك ف نفسك بدل ماتخممي في ان ربي بيعاقبه او لا… نتمنالك السلام الداخلي و راحة البال و ربي يباعد بينك و بين كل من ناوي ظلمك و يشغله ربي بنفسه
شخص من حين الى أخر يغيب عليك ومن غير ماتعرفي سبب الغياب وكل ماتسالي الشخص نفسه لاباس او وينك كل مره يقول في عذر مع العلم لما أشهد ع الشخص أن يكذب من قبل ...شني تفسيره الغياب
معاش تسألي لا لاباس ولا وينك لأن السؤالين هادم يخلو الشخص يختلق اعذار هو ف غنى عنها، خليك مريحة ف الحديث ماغير اسئلة زايدة، جي اللهم بارك، ماجاش فوتي
اذا جسمك قادر يتغلب ع المرض من تلقاء نفسه، و قادر يكون مناعة، شن السبب اللي خليك ادخل اجسام غريبة كل تلاتة شهور والله اعلم شن المضاعفات المستقبلية اللي بتخليهم وراها
قاعذ حاير ومعاش عرفت شن ندير لاول مره تصيرلي بنت تاخد تفكيري طول وقتي كل يومي انا حاس ان في اعجاب من الطرفين بس انا ما عنديش شجاعه اني نعترفلها بشي ،نبي طريقه تسهل عليا وينقص تفكيري مع العلم اني جاد اني نخطبها بس خايف من فرق العمر الي بينا واهلي ما يوافقوش عليه لان في الموضوع هذا صعب نعاند اهلي عليه