جماعه اذا خطيبي بيقولى ماتسلميش عايزك تتعودى واحده واحده، عشان حرام وعشان عايزك عزيزة ليا انا بس بعد الزواج وبيدقق ع اللبس الواسع وصلاة الفجر وانى اشيل المانيكير.. هل هو كده متشدد وافكر ف الخطوبة دى ولا كويس!
المفروض الحاجات دي تكون من جواكي انتي لأن دا الصح و الحلال قبل الصح
متقدملي مهندس وأنا في كلية تجارة وهو كان موافق موافقة مبدأية لكن أخته قالتله انت رحت لدكتورة ومهندسة وانت اللي موافقتش عليهم وعايز تخطب دي فتقريبا هو غير رأيه. دلوقتي أنا قلبي واجعني يعني لازم الدكتور ياخد دكتورة والمهندس ياخد مهندسة وهي مالها يعني أخوها كان موافق هي ايه اللي مزعلها أنا حزيينة بجد
احمدي ربنا ان دا ظهر في البدايات من الواضح انه ملوش قرار من دماغه فدا شئ ميزعلكيش بالعكس دا انتي ربنا نجاكي
احساس خميس الموظفين طلع اروع بكتير من خميس الطلاب.🤸
حياة الخريجين اللي لسه مشتغلوش اجمل من الاتنين و الله🤸♂️💃🏻😂
ما بيفارقنيش شعور إن العالم صعب والتعامل مع الناس أصعب ، الأحداث صعبة ، الظروف صعبة ، حتى الأحلام والوصول ليها صعب ، يمكن بحاول وبسعى ومش بمل ، لكن بيني وبين نفسي شايف إني أضعف وأبسط من كل التعقيدات دي وحقيقي مش بتمشي معايا غير بلطف ربنا وستره وبس