كل ما اجي اعيط او اضايق الفتره دي بيرن في ودني صوت الشعراوي وهو بيروي حديث قدسي: (ياابن ادم ان رضيت بما قسمته لك ارحت قلبك وبدنك وكنت عندي محمودا وان انت لم ترضى بما قسمته لك فوعزتي وجلالي لاسلطن عليك الدنيا تركض فيها ركض الوحوش في البريه ثم لا يكون لك منها الا ما قسمته لك) فالحمدلله على كل شيء و الله ، ربنا كريم .
قبل ما تعاتب حد وتدخل معاه فى حوار عملت ومعملتش ، أبقى شوف دي المرَّه الكام اللى " بتقول وتعيد فيها نفس الكلام " وهل بيستجيب ويبطل يعمل نفس الأخطاء المزعجة ، ولا مجرد آسف وحقك عليا والسلام ، خلّي عتابك أغلى من إنك تفضل توجع فى دماغك بحاجات مفهومه و واضحه وضوح الشمس ، اللى غلطان عارف غلطوا وصاحب الحق عارف حقه ومحدش تايه عن الصح .
غالبًا الإنسان بعد ما بيمر بوقعة نفسية صعبة وتقيلة على روحه، بيقف مع نَفْسه ويحاسبها بقسوة، وبيتوجع لما يفتكر خذلانه لذاته وتقليله من قيمته، وليه وإزاي سمح لناس ميستحقوش إنهم يؤذوه، بيتألم آه بس بيطلع من المرحلة دي عارف قيمة نَفْسه كويس، دايرته المُقرَّبة أصغر بس حقيقية، ومتصالح مع عيوبه، ومش مستعد حد يقلل منه أو يحسسه إنه مش كفاية .
في انتظار من يتقبلني بشكلي العادي الغير ملفت بالمره وروحي الباهته التي لا امتلك سواها ، من ينتظر قدومي أخر كل يوم ليسمع كل تفصيلة من تفاصيل يومي شبه الممل من غير أن يمل كل مره ، من يكذب علي ويخبرني أن غدً أفضل لكي يهون علي مراره الأيام ، من لا يمل مني وقت ضيقي وهمي ، في انتظار من يجعلني إنسان مرة اخري بعد فقدان الشغف والطاقة للحياه وفقدان نفسي .🤎
مش بنراجع نفسنا غير بعد ما بنقع بعد ما بنغلط بنراجع نفسنا واحنا لوحدنا و احنا بعيد عن الدوشه عشان نكتشف ان الفتره اللي فاتت كانت محتاجه تبعد عن الصوره عشان تشوفها اوضح عشان متقعش.
امشى يوم متلاقى غلاوتك قلت فى قلب اللى قدامك امشى يوم متحس انك وجودك زى قلتك امشى يوم متكون كنت اغلى حد فى حياه شخص وفجاه بقيت ولا حاجه امشى امشى لو حسيت ان ده مش مكانك امشى لو حسيت ان مبقاش مرغوب فيك امشى لو بعد مكنت جدع مخدتش غير الاذيه الخلاصه كلها امشى لو حسيت ف ندم لو دقيقه واحده .