اعتراف 😂💭🖤

Salah N20
كل ما الواحد بكبر عم تزيد همومه 💔 وبكتشف قديش اهلنا محاوطينا لحتى ما نزعل ولا نتظايق بس كل ما تتعمق بالمجتمع وتبلش تصير ملزوم تصير قد حالك وتعمل الك اسم ومكانة وتبين انك قد حالك بالشغل بالدراسة بحياة الجامعة بالناس الي تتعامل معهم ع كل أنواعهم (الخبيث،الطيب، الداهية،الموجهن، المصلحجي، الخ...) كل ما تتأكد قديش الدنيا تخوف وقديش الناس الي ما تعرف تتعامل مع هيك دنيا قديش بضيع وقديش بتنطفي💔 وتوصل لاخر مراحل الاكتئاب وتصير تحس بفرااااغ وتحاول بهيك فراغ لا تغلط ولا تتعمق مع الناس وتكون كتومة وبحالها نفس الوقت الوحدة بتقتل والله بتقتل كثير بصير مليون فكرة تروح وتيجي سلبي ومش سلبي وقد ما بحاول الواحد يجبر خواطر الناس ويعطي ويقدم كثير شغلات ع حساب راحته وطبعه بس عشان يبسط الناس الي حوليه بس بالاخر قد ما يعطي ما بلاقي نفس العطاء غير انه الناس الي حوليه تزيد عليه بسمات بدن وتزيد ع قلبه ينطفي اكثر💔 ويجي الواحد كل بداية سنة يحكي هاي سنة جديدة بده يتفائل بده يعمل بده يطور من حاله بده يكون قوي ويضحك ويبتسم ويسعد كل الناس الي حوليه وقد ما يقدر يترك اثر طيب بلي حواليه كله ما بكتشف انه نازل بنطفي💔 ويستنزف من طيبته ويستغل من مشاعره الي كثير ناس بفكرها هبل 💔 وانه بوصل لمرحلة صعب يستوعبها ولا يعرف يتعامل مع نفسه عشان يتعامل مع ناس ويصير الكل من عنده يحكي هالشخص مرة مراحل حب فاشلة. ع العكس من هيك عمرهم ما ناس فكرت أو ظنت بالشخص ظن منيح للاسف 💔 وللاسف أكثر كل سنة عن سنة تفكير بصير رجعي ومتخلف وهمهم بس مين حب ومين ترك ومين ومين..ما عمرهم فكرو انه الشخص ما حب بس انخذل من كثير ناس حوليه وتحوله المفاجئ كان موت حدا كان عمره ما يتوقع انه ممكن يصحى وما يلاقيه أو بلاش ما عمره حدا فكر انه ممكن هالشخص كل شي مسكر بوجهه لا علامات لا دارسة لا شغل لا ناس مناح يحبوه ويخافو عليه زي أي حدا من الي حوليه..يمكن كثر الكتم بموت💔 بنفس الوقت كثر النفاق الإجتماعي يتعب أكثر وخاصة لما الواحد يثق كثير ويعطي كثير بس ما يلاقي . للاسف كل سنة بكتشف أكثر واكثر انه دنيا بتخوف والطيب بروح فيها وهو أول حدا بخسر لانه صحته تستنزف وكل شي بصير غير وقد ما نحاول نعطي امل عشان اهلنا مش عشانا ونحاول ندرس ونتفوق بشغلنا أو باي شي بالدنيا عشان اهلنا ونحاول ما نغلط ونضل ع طريق الصح عشانهم برضه مش عشانا بالاخر شو ما عمل الواحد الا ما ينحكى حكي سواء منيح أو عاطل 💚 الحمدالله ع نعمة الصلاة وقراءة قران وع نعمة حب قراءة الكتب💚 الحمدالله ع نعمة السوق والاكل والحمدالله ع نعمة انه الواحد يلاقي صديق يكون اله أخ وسند وواحد من العيلة لانه وجوده مريح جدا والحمدالله ع نعمة وجود اخوان واهل💚