ياجماعة أنتو متخيلين أنتو بتعملوا إيه؟🙄 أنتو بتقارنوا عقاب بعقاب.. أنتو متخيلين العقاب ده إيه؟ أنتو متخيلين ثانية واحدة في النار دي إيه؟ بجد والله متخيلين ولا لأ؟ مش قصدي تخويف ولا إرهاب ولا كلام من ده، بس ربنا أمره أننا نعبده بجناحي الخوف والحب.. خليني أكلمك بصراحة، أنتي حابة تلبسي بنطلون.. اللي حواليكي والمناظر اللي بتشوفيها وصلتلك، وحابة تكوني شكلك حلو زي البنات اللي بتلبس بنطلون في الشارع.. وللأسف بتبرري لنفسك.. وأنتي عارفة أن الالتزام عقد، وممكن ينفرط.. أنتي عارفة أنا شايف اللبس حاجة مهمة جدًا جدًا جدًا جدًا ليه؟مش بس علشان التهاون فيه ذنب عظيم وبيحملك ذنوب، لكن النقطة المهمة هي لحظة البص في المراية..آه لحظة لما تقف في المراية وتبص لنفسك، احنا على فكرة بنحكم على الناس كل يوم بناء على مظهرهم مهما ادعينا عكس كده، وأنتي عارفة حاجة كمان؟ احنا بنحكم على نفسنا بناء على مظهرنا.. يعني لما بتقفي قدام المراية أنتي شايفة صورة لنفسك وبتصنفي نفسك زي ما بتصنفي الناس.. المظهر بيمنعنا نعمل حاجات غلط لما يبقى إيماننا أضعف من أننا نمنع نفسنا.. هنفترض شخص ملتحي ومبتلى بالتدخين، ذنب بيعمله.. بس تفتكري ده ممكن تلاقيه قاعد على القهوة بيشد شيشة؟ أو واقف وسط مجموعة شباب مولع سيجارة؟ لأ.. ليه؟ علشان مظهره هيكون غريب، وعلشان كده ممكن ده يساعده يقلع ويتخلص من ده.. كمان بنت لبسها ملتزم وكويس، هيمنعها عن مواقف كتير، هتبص لنفسها في المراية وتحس أن فيه حاجة مش راكبة على بعض.. المظهر بيكون انعكاس للجوهر آه، بس كمان المظهر مؤثر علينا وبيدفعنا... دي من نظرة عقلية تمامًا ملهاش أي علاقة بالذنب وحلال أو حرام.. واللي لوحده المفروض يكون رادع كفاية والله ربنا يثبتك ويعينك.. واقرأي الكتابين دول قبل ما تقرري تعملي كده في نفسك
أنا يوم بصلي وعشرة لا بفكر ألبس جينز وبلاش دريسات وأعمل نفسي مؤمنة في الظاهر وأنا خربانة من جوا
آه هي خربانة من ناحية يلا نولع في اللي جابوها من الناحية التانية😒 الشيطان ده حلو أوي والله.. ونفس الإنسان وهي بتسايسه ناحية الشر بتبقى أحلى الصراحة.. يعني بدل ما نصلح البايظ يلا نبوظ السليم ونضيع حياءنا وديننا.. وبدل ما تبقى كبيرة واحدة وهي تضييع الصلاة تبقى ذنبين عظيمين وكبيرتين.. تضييع الصلاة والتبرج. وفي الناحية التانية ربنا بيقولك "والذين جاهدوا فينا لنهدينهم سبلنا" .. "والذين إذا فعلوا فاحشة أو ظلموا أنفسهم ذكروا الله فاستغفروا لذنوبهم ومن يغفر الذنوب إلا الله ولم يصروا على ما فعلوا وهم يعلمون" "لله أشد فرحًا بتوبة عبده من أحدكم براحلته التي عليها طعامه وشرابه فأضلها في أرض فلاة فاضطجع قد أيس منها، فبينما هو كذلك إذا هو بها قائمة على رأسه فلما رآها أخذ بخطامها وقال من شدة الفرح: اللهم أنت عبدي وأنا ربك أخطأ من شدة الفرح" اقرأي كتاب "أول سؤال إجباري" و كتاب "أول مرة أصلي" والاتنين للدكتور خالد أبو شادي👌💙
ربنا يكرمه الباشمهندس ايمن عبد الرحيم قال كلمة لسه معلقة فى دماغى ..قال نفسك تبقى مميز ولا عادى ..ممكن تخش الجنة وانت شخص عادى .التميز الحقيقى انك تنجو من النار وتخش الجنة عشان ربنا سماه الفوز العظيم ...يعنى ممكن تتولد وتعيش مسلم عادى ومحدش يعرف عنك حاجة وربنا يختملك بحسن الخاتمة وتخش الجنة وتبقى مميز ما هو ده الفلاح الاخروى..ربنا قال اللى هيخش جنة فائز مفلح ..ربنا خلقنا عشان نعبده وننشر دينه ونقيم حياة مسلمة طبيعية ..لو احنا عملنا الحبتين دول يبقى خلاص دورنا انتهى ونخش الجنة بفضل ربنا ورحمته ..مفيش اسهل واوضح من كده..
اصدق في التوبة مع الله وحافظ على الفرائض ، واجتنب المحرمات. ابتعد عن رفقة السوء التي تشجعك على الحرام. ابتعد عن المواضع التي اعتدت فيها المعصية. اقرأ كتاب مختصر منهاج القاصدين ، وطبِّق ما تقرأ. حافظ على تلاوة القرآن والاستماع له ، وتدبره ومصاحبته. الدعاء والاستعانة بالله ليثبتك ويقبلك في عباده الصالحين. اصبر واثبت ، فإن زلت بك قدمك في شيء فبادر بالتوبة💙👌
هقولكوا علي شوية اعمال صالحة كتيرة وسهلة اجرها أن ربنا يغفرلك ذنبك "♥) " والمقصود بالذنب هنا صغائر الذنوب مش الكبائر لان الكبائر لا تغفر الا بتوبة صادقة " ١: لما تخلصوا اكل قولوا ( الحمد لله الذي اطعمني هذا ورزقنيه من غير حول لي ولا قوة) ٢: لما تخلصوا شرب قولوا ( الحمد لله الذي سقاني هذا ورزقنيه من غير حول لي ولا قوة) ٣: لما تلبسوا قولوا ( الحمد الذي كساني هذا ورزقنيه من غير حول لي ولا قوة) ٤: قولوا سبحان الله وبحمده ١٠٠ مرة ٥:قولوا ( استغفر الله العظيم الذي لا اله الا هو الحي القيوم واتوب اليه) ٣ مرات تغفر ليك الكبائر والصغائر ٦: لو صليتوا ركعتين من غير ما تسرحوا فيهم غفرت لك ذنوبك ٧: كثرة الخطي الي المساجد وانتظار الصلاة بعد الصلاة والوضوء من مكفرات الذنوب ٨: قيام الليل من مكفرات الذنوب٩: الحسنات يذهبن السيئات لو في ذنب بتقعوا فيه ومش قادرين تبطلوه زودوا طاعة انت مكنتيش بتعمليها وثبتيها يوميا ١٠: بعد الصلاة قولوا سبحان الله ٣٣ والحمد لله زيهم والله اكبر زيهم وتقولي ( لا اله الا الله وحده لا شريك له له الملك وله الحمد وهو على كل شيء قدير) مرة واحدة ١١: بعد الفجر والمغرب قولوا ( لا اله الا الله وحده لا شريك له له الملك وله الحمد يحيي ويميت وهو حي لا يموت بيده الخير وهو على كل شيء قدير) ١٠ مرات ربنا يغفرلك عشر ذنوب موبقات مهلكات١٢: قولوا سبحان الله ١٠٠ مرة يغفر الله لك ١٠٠٠ سيئة ١٣: لو صليتوا علي النبي مرة واحدة ربنا هيغفرلك ١٠ خطايا ١٤: لو قومتوا صليتوا ركعتين توبة وعزمتوا علي عدم العودة الذنوب ربنا هيغفرلك كل ذنوبك اللي فاتت ١٥: كثرة الاستغفار من اسباب مغفرة الذنوب ١٦: طلب العلم وحضور مجالس العلم من اسباب مغفرة الذنوب١٧: بعد الصلاة لو قعدتوا مكانكوا الملائكة هتستغفرلك دي بعض الاعمال الصالحة اللي بتبقي سبب في مغفرة الذنوب حافظيطوا عليها وانشروها عشان تكونوا سبب في اللي هيعمل بيها 💙
انت حد مسلطك على ياد 😑😑 بص يسطا احنا نقطع علاقتنا ببعض من دلوقتي بتخوني وبعدين فيها ايه يعني لما اتأخر في الرد اربع خمس ساعات الدنيا خربت يعني 😑وبعدين دا انت باعتلي في عزا اومال لو فرح كنت عملت ايه 😂😂😂