@hsn_sy

Hassan M. Hassan

Ask @hsn_sy

Sort by:

LatestTop

Previous

إنما على الرسول البلاغ المبين الخبر مُقدم وجوباً، و إن سأل عن السبب اكتب ايه؟ ** والخبر فى الحالة دي يُقدم وجوباً إن كان شبه جملة بس ؟

السبب أنها أسلوب قصر
طالما المبتدأ اتأخر في أسلوب القصر فهو مؤخر وجوبا ... لو ما اتأخرش خلاص يبقى مقدم وجوبا عشان أسلوب قصر بردو زي (إنما أنا رجل)

مدينه نكشف في مدن؟ هو ايه فعلها

اه مدن ... فعل منها تمدن ... ومش لازم كل كلمة يبقى ليها فعل

People you may like

Mahmoud_gamal70’s Profile Photo GeMy ..
also likes
Want to make more friends? Try this: Tell us what you like and find people with the same interests. Try this: + add more interests + add your interests

فلقد اورثت صالحنا بك، اقتداء وهدي ايه إعراب اقتداء؟

حاسس الجملة مبهمة يا ريت توضيح أكتر أو كلام أكتر

هو لو الفعل جه بعد إلا اللى هي اصلها أن +لا يتعرب منصوب ولا مرفوع

تقصد بعد (ألا) مش إلا
المهم أه منصوب

يعني ايه ف منهج الثانوية؟ يعني ممكن تبقي تمييز؟ عشان جت ف الاختبار واللي عملها نعت نقص

اومال الإجابة الصح عملها ايه؟

غير السائل ولو بعد الظرف جه نعت بيكون نعت منصوب صح

لو كان نعت يعي وصفه زي (عشت سنين طويلة)
هنا طويلة نعت منصوب

طيب متجيش مفعول به خالص ؟

هو فيه ناس بتتوهمها مفعول لكن مش صح
دا غير أن (قضى) فعل لازم
كل المشكلة أن ناس كتير فاكرة الظرف هو وقت حدوث الفعل بس يعني زي (زرتك صباحا)
لكن لازم تعرفوا أن الظرف هو كمان مدة الفعل زي (انتظرتك ساعتين) - (عشت سنين) - (صمت يومين) إلخ

هتفضل بنغس تسميتها مفعول ثان يعنى مش هتاخد محل المفعول الاول

اه يفضل مقام المفعول الأول محفوظ ومحجوز

صدقة الأولى مفعول ثان طب فين الاول ؟!

الفقير مُعطى صدقة
هنا (مُعطى) اسم مفعول فبالتالي نائب الفاعل ضمير مستتر تقديره (هو)
ونائب الفاعل دا كان مفعول أول زمان
فبالتالي صدقة هتكون مفعول به ثان

محل ايها ازكى نفس محل ازكى بس صح؟

لأ (أزكى) كلمة
لو اعتبرنا (أيها أزكى) جملة وأخدنا بالوجه أن (أيها) اسم استفهام في محل مبتدأ
هتكون (أيها أزكى) في محل جر بحرف جر محذوف

الاية الى بعتها لحضرتك امبارح فلينظر ايها ازكى طعاما ازكى بس محلها ايه؟

في الحالتين خبر
مرة خبر لمبتدأ موجود
ومرة خبر لمبتدأ محذوف

https://ask.fm/hsn_sy/answer/143578552062?utm_source=copy_link&utm_medium=android في (الغني معطي الفقير صدقة) ليه مكتوبة معطي مش معطٍ؟

يجوز تكتبها (معطٍ) وهتبقى الفقير مفعول به أول وصدقة مفعول به ثان
ويجوز تكتبها (معطي) وبالتالي اللي يمنعك من حذف الياء حاجة واحدة وهي بردو أن فيه بعدها مضاف إليه اللي هو كلمة (الفقير) ثم بعد كدة (صدقة) مفعول به ثان ... وزيها في القرآن (وما كنت متخذ المضلين عضدا) وكذلك (لا تحسبن الله مخلف وعده رسله) .... ما قالش متخذا ولا مخلفا بل حذف التنوين وبقى بعدهم مضاف إليه

الحمد لله إن الموضوع متعارف عليه بدل ما كان @omaribrahim8 شككني في نفسي ??

لا دا الصح فعلا أنا عشان كدة شايف إن الاهتمام بالقرآن وسماع الكرتون بردو ? من الحاجات المهمة في فترة الطفولة جدا لأنها من أكتر الحاجات اللي بتطلع نطق صح
وهتخلي بعد كدة الشخص مدرك لأهمية النحو وأهم من كدة هتخليه مستمتع بالنحو وحابب الموضوع وهتنمي عنده بعد كدة القدرة عالاستنباط واستنتاج القواعد وممكن مع الزمن يعرف يألف شعر ويكتب مقالات
فالموضوع دا بالنسبة للأطفال شايفه مهم جدا جدا صراحة ومن أهم الحاجات اللي لازم أولياء الأمور يهتموا بيها

كانت جاية ف الأعراب ف امتحان 1ث النهاردة ع إعراب صدقة وده إللي خلاني أستغرب هى فلذات اكبادي اكبادي تعرب إيه

أكبادي مضاف إليه

الفقير معطي صدقة الغني معطي الفقير صدقة هو ففي فرق بين أعرب صدقة؟

فرق في الإعراب لأ
الاتنين مفعول به ثان
لكن (معطى) في الأولى اسم مفعول
أما في التانية دي اسم فاعل

واوصي بناته طالبات المدرسة.. عزيزتي الطالبة.. فيه فرق بين الجملتين ؟

مش فاهم السؤال

ازاي مش لازم افتكر امال هحل ازاي ؟؟

هو لو حليتي كتير هتفتكري أغلب الأسئلة اللي بتيجي في الامتحانات لو ما كانش كلها فلو حليتي كتير هتظبطي الدنيا أما من غير حل فدا ما لوش لازمة

ممكن توزع سورة الكوثر على نية الله يفرج همك وهمي وينجحني وينجحك عن قريب((بسم الله الرحمن الرحيم إنا أعطيناك الكوثرفصلي لربك وانحر إن شانئك هو الابتر))

غفر الله لك
إنها (فصل) مش (فصلي)
وكذلك (الأبتر) مش (الابتر)
انسخها أحفظ لك
Liked by: Mohamed Hosni

فلينظر ايها ازكى طعاما اعراب الجملة و هى فى محل ايه؟

لينظر: لام أمر وفعل مضارع مجزوم والفاعل مستتر تقديره هو
أيها أزكي:
ليك إعرابين:
1- أيها اسم استفهام مبني في محل مبتدأ، وأذكى: خبره
2- أيها: اسم موصول في محل نصب مفعول به وأصل الجملة (أيها هو أزكى) فبالتالي أزكى خبر لمبتدأ محذوف
بس في رأيي الوجه الأول أبسط وأفضل لأنه ما فيهوش حذف وأنا بحب البساطة
طعاما تمييز
والجملة كلها لا محل لها

Next

Language: English