Ask @htler1993:

ايه هو الموقع المفيد اللى بتحب تاخد منه معلوماتك ؟؟

مفيش موقع بعينه أنا باخد منه معلوماتى ... الإنسان بشكل عام لازم يتبع منهج " الشك المنهجى " للوصول للحقيقة يعنى ببساطة انت بتلاقى أمامك أزمة فا بتسأل نفسك سؤال " ليه الأزمة دى ظهرت ؟ " و بتبدأ تبحث فى جذور ظهور و نمو تلك الأزمة و بتقرأ لمختلف الأراء و التيارات و بعد كدة بتبدأ تشك فى صحة القصة الأكثر تجاولاً بالنسبة للأزمة دى و تستخدم أدوات المعرفة العلمية " الملاحظة , تجريب , القياس , الإستنتاج , الإستنباط " و بينتج بعد ذلك كله هو أنك بتُفرز رأيك الخاص بعد كدة بتبدأ تسأل نفسك سؤال ثانى " كيف تحل الأزمة ؟ " و تحاول تشوف محاولات الحلول السابقة ثم النتائج الى وصلت لها و تحاول تُفرز كذلك طريقة حل للازمة من نتاج فكرك و إستنتاجاتك ... و فى كل الأحوال المواقع الموسوعية او الثقافية مبتقدمش معلومات كثيرة التفاصيل و دقيقة ولكنها بتقدم مُقتطفات .. لو عايز تعرف اى شئ بتوسع و تشعب .. لازم تقرأ أولاً " امهات الكتب " فى اى فكرة انت عايز تقرأ عنها و " أمهات الكتب " بتبقى هيا المؤلفات الرئيسية و الأساسية لأى فكرة او علم جديد نشأ او ظهر و بتبقى مكتوبة على يد مؤسس ذلك العلم او الفكرة ثم بعد ذلك بتقرأ " الكتب المساهمة " و هى الى كُتبت على يد من ساهموا فى تطوير نفس الفكرة او العلم فى مراحل زمنية متقدمة بعد كدة بتبدأ تقرأ " الكتب التحليلية و النقدية " و دى بتبقى كتبت على يد نقاد الفكرة او العلم إما من نفسك المدرسة الفكرية " كا أحد انواع الشك المنهجى " او من تيارات و مدارس فكرية مختلفة ... بعد كدة تبدأ تُفرز رأيك و إسهامك فى ذلك الفكر او العلم .. ببساطة إن اردت أن تعرف مُقتطفات فا يمكن أنك تقرأها من اى موقع موسوعى على الإنتر نت أما إن أردت أن تعرف تفاصيل و معلومات دقيقة .. فا عليك بالكتاب ثم الكتاب ثم الكتاب

View more

ليه مبقناش بنحس بالعيد ؟

ليه مبقناش نحس بالعيد سؤال بقى معظم الناس بتسأله دلوقتى ودا ليه دلاله كبيرة اوى .... مبقناش بنحس بالعيد لإن ببساطة الاعياد بالنسبالنا بترتبط بأشخاص و مواقف و عادات و ظروف اقتصادية.. يعنى لو انت كل عيد متعود ع لمة معينة مع أهلك و بتاكلوا فتة اول يوم و بتروحوا تعيدوا ع بعض تانى يوم و لكم عادات ثابتة كل عيد و فجأة جه عيد من الاعياد حد من أقاربك لا قدر الله اختفى سافر توفاه الله لأى سبب من الاسباب بتيجى مع الوقت تلاقى نفسك مرحتش تزوره لإنه مش موجود لو انت متعود تاكل معاه اول يوم فته مش حتاكلها معاه لإنه مش موجود لو فى عادة او لازمة اجتماعية إنتم بتعملوها مع بعض مش حتعملوها لإن هو معدش موجود فا تخيل إن كذا واحد من أقاربك و أهلك أختفوا واتلاقيت نفسك لوحدك بتعدى عليك وقفة العيد لوحدك بتاكل فته اول يوم لوحدك مش لاقى حد تعيد عليه دا غير اصحابك الى بعضهم ممكن يطلع مش كويس و ميسألوش عليك هل العيد حيبقى ليه طعم لا مش حيبقاله أى طعم .... حط فوق دا كله الحالة الاقتصادية الاسعار بقت فى أرتفاع مستمر و المرتبات ف الارض فا لو انا كنت مثلاً كل عيد بدبح خروف فا ال6 سنين الى فاتوا انا مقدرتش أدبح لو كنت بشترى اكل كتير كل عيد فا ال 6 سنين الى فاتوا بقيت بشترى اقل عن كل سنة كل دا بيترسب ف النهاية فى ذهن الانسان و بيولدله حزن و ألم نتيجة إن الاشخاص الى بيحبهم و بيقضوا معاه كل عيد اصبحوا ذكريات شئ من الماضى و العادات الى اترسخت فى ذهنه وهو صغير زى دبح الخروف و أكل الفتة اول يوم العيد اصبحت مش موجودة نتيجة الظروف الاقتصادية الصعبة و لو موجودة فا ملهاش طعم لإنك أصبحت لوحدك و الناس الى بتشاركهم ذكرياتك مش موجودين .....كل دا بيحول العيد لا لا شئ بيتحول العيد ل 4 أيام بلا طعم ولا معنى 4 أيام للذكريات المؤلمة ودليل إن الناس بتسأل هو ليه مبقناش نحس بالعيد وانا قلتلك إن دا ليه دلاله فا دا دلالته إن الناس حزينة و إن الناس فى فقر و كبت و كمد الناس فقدت أبنائها ف الثورة فقدت مصادر رزقها دا غير الى فقد حياته كلها و مستقبله أدمر كل دا عشان مصر تبقى دولة بجد دولة قوية دولة المواطن تحفظ كرامته دولة العدالة الاجتماعية و كل دا محصلش فا الناس حزينة و الناس وضعها بقى من سئ إلى اسوء مش عشان الثورة لا عشان الى ركبوا الثورة الى شالوا مبارك و قعدوا مكانه ... عشان كدة لازم نقاوم لازم نقاتل الثورة مستمرة ... لازم نقاتل لغاية ما يجى العيد الحقيقى العيد الى ناس فيه تفرح بجد من تفرح بمصر

View more

هل يمكن للتلفزيون أن يجعلنا أغبياء؟

لا يمكن لأى شئ ان يجعلك غبى لأن لا يوجد شئ يسمى الغباء .... إنما هو اختلاف فى نسب الذكاء من شخص لأخر ... و القاعدة العلمية الطبية المعروفة تقول إن العضو الذى يستخدم ينمو ويحافظ ع نشاطة و العضو الذى يهمل ينقمش و يخمل و يضمحل وهذه القاعدة تنطبق ع كل شئ وأولهم المخ ..... لا تترك عقلك فريسة للكسل الانكماش ... نشط عقلك حتى لا تنخفض نسب ذكائك :)

View more

فاتح النت الصبح كده ف العيد ليه ؟

معلش بقى :) الانتر نت أصبح جزء من حياة اى انسان دلوقتى كل شئ بيستخدم الانتر نت من اول التليفون المحمول مرواً بالحاسوب الشخصى و منصات الالعاب ( playstation , xbox ) وصولاً الى التلفزيونات زى ( samsung smart tv ) او بمعنى ادق .. " شبكة المعلومات الدولية " دى تعتبر احد معجزات الانسان الحديث .... و بما انى دراستى ف مجال الحاسبات فا انا ببقى فاتح الإنتر نت 24 ساعة تقريباً .... انا بستخدم الكومبيوتر من 16 سنة و بستخدم الانتر نت 13 سنة من ايام الDial Up :) وقبل كل دا كل سنة وانت طيب و عيد سعيد عليك بإذن الله :)

View more

ما هو آخر فيلم خيب أملك؟

قصدك اخر الافلام الى خيبت املى .... تقريباً كل ما تنتجه السينما المصرية و العربية لا يصلح للمشاهدة ولا يمكن ان نطلق عليه لقب فن من الاساس .... اخر هذيان السينيما المصرية فيلمان ربما اكثر هما عبده موتة و مهمة فى فيلم قديم ... هذا اسم الفيلم لا تضحك .... الفيلمان عبارة عن اكوام من اللحم الذى يهتز و يتراقص يمين و يسار ولا قصة ولا هدف و لا سيناريو ولا اخراج حتى فوق كل ذلك اغانى سوقية ....... بالعقل و المنطق ... هل يمكن ان نساوى بين فيلم كا فيلم " كتيبة الاعدام " للمخرج العبقرى الاسطورى عاطف الطيب رحمه الله و شئ لا يحمل من الفيلم سوى اسمه ولا علاقة له بالفن ولا الاسم يسمى عبده موتة .... شئ مقزز ..... يجب علينا ان نقوم بثورة فكرية .. الفن فى خطر

View more

ليه بيحصل كده ؟

ليه بيحصل كدة ؟ .... سؤال وجودى...... السؤال دا فيه إيجاز بالحذف بس إيجاز عبقرى ممكن نحط بعده اى شئ ... ممكن نقول ليه بيحصل كدة " ف الدنيا " ممكن نقول ليه بيحصل كدة " فى مصر " اى حاجة ف الكون بتتغير بنسأل السؤال دا ليه بيحصل كدة ايه الى بيغير الكون ايه بيخلف الاشياء أيه الى بيغير مزاجنا و بنسأل ليه بيحصل كدة ..... السؤال دا ليه أجابة واحدة بيحصل كدة عشان الكون بيتحرك العالم بيطور الحياة بتمشى ف أتجاه و ارادتك بتمشى ف أتجاه ... فا انت بتستغرب و بتسأل ليه بيحصل كدة عكس الى انت عايزه و بتتمناه

View more

ما هي برأيك أسرع طريقة قانونية للحصول على الكثير من المال؟

أسرع طريقة قانونية للحصول ع المال هيا السرقة بالقانون اعتلاء و سن القوانين الفاسدة التى تصب الاموال فى جيبك ....... من لديه مبادئ سيمتنع عن ذلك لكن للاسف فى مصر و مجتمعنا العربى .. يعتبروا هذا نوع من انواع الشطارة

View more

Next